Rapport da gestiun e quen 2011

More documents

Recommendations

Info

Activitad politica Autoritads communalas Votaziun all’urna Igl onn 2011 ha la populaziun da Tujetsch giu da decider davart duas fatschentas all’urna. Ils 13 da fevrer 2011 ei la revisiun parziala dalla planisaziun locala concernent il lag a Claus Surrein vegnida approbada cun 330 encunter 130 vuschs. La revisiun parziala dalla planisaziun locala e dalla lescha da baghegiar en connex cun il Resort Dieni ei vegnida approbada ils 15 da matg 2011 cun 232 encunter 205 vuschs. Plinavon han las elecziuns communalas per il trienni 2011- 2014 giu liug ils 17 d’avrel 2011. Ei ha valiu d’eleger ils commembers dallas suandontas autoritads: - president communal - suprastonza communala - cumissiun da gestiun - cussegl da vischnaunca - cussegl da scola - cussegl d’administraziun energia alpina La cumposiziun dils gremis per igl 1. da fenadur 2011 ei veseivla ella davosa part da quest rapport. Radunonza da vischnaunca Igl onn 2011 ha giu liug ina radunonza da vischnaunca. Ils 9 da december 2011 ei il preventiv 2012 vegnius approbaus. Plinavon ein iIs/las collaboratur(a)s communal(a)s che han saviu cumplenir in giubileum da survetsch tier la vischnaunca ni che han contonschiu la vegliadetgna da pensiun vegni honorai. Giubileum da survetsch: Marcus Bearth, scolast primar, 35 onns Tarcisi Decurtins, Bogn Sedrun, 30 onns Gurdin Monn, gruppa communala, 25 onns Rita Venzin, Tgèsa s. Vigeli, 15 onns Pensiun: Ciril Monn, scolast primar Benedetg Hendry, gruppa communala Vigeli Schmid, Bogn Sedrun Barla Monego, Museum La Truaisch Luzia Giossi, Tgèsa s. Vigeli Cun la fin zercladur 2011 ei la perioda d’uffeci 2008- 2011 ida a fin. Plirs ufficials han abdicau lur uffeci. Per la lavur prestada ha la vischnaunca engraziau entras surdar in pign present. Ei setracta dallas suandontas persunas: Barla Berther-Tuor, suppleanta cumissiun da gestiun Ursin Berther, suppleant cumissiun da gestiun Sonja Decurtins, cussegl da scola Monika Flury, cussegl da scola Samuel Giossi, cussegl da vischnaunca Marlies Levy, cussegl da vischnaunca Marcel Soliva, cussegl da vischnaunca 6 Manuela Steffen, cussegl da vischnaunca Franz Decurtins, suppleant cussegl da vischnaunca Bruno Pfiffner, cumissiun da baghegiar Madlen Berther, cumissiun Tgèsa s. Vigeli Vigeli Jacomet, cumissiun da verificaziun Monika Berther-Sommer, cumissiun da prevenziun Curdin Brugger, cumissiun da prevenziun René Epp, cumissiun da prevenziun Monika Flury, cumissiun da prevenziun Dr. med. Andreas Fischbacher, cumissiun da prevenziun Katja Maissen, cumissiun da prevenziun Romana Deragisch, delegaziun casa da tgira Sursassiala Erica Tuor, delegaziun casa da tgira Sursassiala Luzia Giossi, delegaziun Spitex Cadi Benedetg Hendry, delegaziun Spitex Cadi Alfons Demund, desinfectader communal A tut ils ufficials ch’ein s’engaschai en favur dalla vischnaunca admettein in cordial engraziament. Cussegl da vischnaunca Igl onn 2011 ha il cussegl da vischnaunca salvau otg sedutas. El ha decidiu davart las suandontas fatschentas: - Revisiun parziala dalla planisaziun locala – Lag Claus Surrein - Aboliziun dil reglament d’energia - Revisiun parziala dalla planisaziun locala e dalla lescha da baghegiar - Resort Dieni - Quen 2010 - Prolungaziun dil contract da dretg da baghegiar cun la Strabag AG - Elecziun dil biro dil cussegl da vischnaunca - Elecziun dallas cumissiuns permanentas per il trienni 2011-2014 - Elecziun dil vicepresident communal - Preventiv 2012 - Postulat cusseglier Diego Curschellas: «Instradar in process per elavurar in maletg empalont per la vischnaunca Tujetsch« - Explotaziun da glera e deponia per material da scavament Val da Claus - Decisiun da principi e credit da frs. 130’000.00 - Dretg da baghegiar per il Lag Claus Surrein Plinavon ei il cussegl da vischnaunca vegnius orientaus davart ils suandonts fatgs: - Informaziun generala davart las perspectivas turisticas - Rapport intermediar davart il project Tgina dil Rein Suprastonza communala La suprastonza communala ha salvau 26 sedutas duront igl onn 2011. Direcziun communala La direcziun communala ha salvau 43 sedutas duront igl onn 2011.
Departament administraziun e finanzas Administraziun President communal Pancrazi Berther Administraziun communala L’administraziun communala ei il center da survetsch da nossa vischnaunca. Las collaboraturas ed ils collaboraturs sestentan di per di da porscher alla populaziun in bien survetsch e dad exequir professiunalmein las lavurs els differents secturs. Adina puspei ei l’administraziun confruntada cun midadas. Aschia sa per exempel il passaport Svizzer dapi il mars 2010 buca pli vegnir dumandaus tier l’administraziun communala mobein mo pli tier ils centers da documents d’identitad cantunals. Tenor la lescha davart ils documents d’identitad astgassen era cartas d’identitad buca pli vegnir exequidas dallas vischnauncas, mobein mo tier ils centers da documents d’identitad, naven dall’entschatta da mars 2012. Encunter quei fatg ei vegniu fatg opposiziun e la legislaziun ei vegnida adattada. Aschia vegn ei vinavon ad esser pusseivel d’empustar cartas d’identitad tier las vischnauncas naven dil mars 2012. Sco nova emprendista tier l’administraziun communala ei Annatina Petschen da Mustér vegnida engaschada. Ella vegn ad entscheiver igl emprendissadi l’entschatta uost 2012. Archiv communal Oz dumbra igl archiv 1300 scatlas che cuntegnan tuttas actas ed ensiaran la part essenziala digl archiv suenter 1800. Igl archiv avon 1800 dumbra sulettamein duas scatlas culs propi vegls documents. La retscha da cudischs che pertuccan l’administraziun dalla vischnaunca cumpeglia 620 tocs. La biblioteca cun la gronda part cudischs sur dalla Val Tujetsch, dalla regiun e dil Grischun, dumbra la biala summa da 525 cudischs. Vitier quei vegnan aunc entginas bibliotecas cun ina gronda retscha da cudischs romontschs. 7 La retscha da cudischs ei el decuors digl onn 2011 vegnida cumplettada cullas suandontas ovras: - Die Berther der Landschaft Disentis im Spiegel der Heraldik Landamann, Landrichter, Commissari und Podestà d’Aluis Maissen, Rabius - Na, na, anora mass ju per de biè bétga plé Emigraziun tuatschina - Brevs ord l’America Tarcisi Hendry – 2011 - Hainz-Manhart-Hartl- Wenzin (Venzin)-Spiegler Familienbuch - 2011 da Josef Hainz - NEAT – Mineralien Kristall-Schätze tief im Berg da Peter Amacher e Thomas Schüpbach – 2011 - Il mund sutsura - Die Welt steht Kopf Deutsch, Sursilvan – d’Ivo Berther 2011 La gronda carschen ei secapescha sefatga els secturs dil quen communal e dalla taglia. Legreivalmein ha era uonn il sectur cultura e documentaziun dalla val retschiert material. Aschia han ils artavels da Nazi Beer, Gionda, surdau entgins albums da fotos cun ina gronda retscha da dias. Entras la rimnada da fotos per l’exposiziun «Nossa scola« el museum la Truaisch, ha era quella sparta giu ina biala carschen. Pliras vischinas e plirs vischins han danovamein surdau material agl archiv. Bugen admettein in engraziament a tals e talas che han surdau custeivel material. Mintga, magari la pli sempla notizia, sa esser in di d’engrau. Perquei clamein danovamein tier a tuts vischins ed a tuttas vischinas tuatschinas en ed ord la val: Buca sdermenei veglias scartiras, brevs, fotos e cudischs ellas miardas. Surdei pli bugen agl archiv communal. AlpTransit Suenter la davosa perforaziun ils 23 da mars 2011 ein las activitads a Sedrun seconcentradas sin las lavurs egl intern dil tunel. Duront las lavurs da betunar eis ei vegniu duvrau entochen 650 m3 betun per di. La stad 2011 ha la deponia a Claus Surrein saviu vegnir terminada. Rodund 400’000 tonas material ein deponidas leu. En rama dallas lavurs da renaturalisaziun ha la vischnaunca saviu profitar da certas lavurs dall’ATG per realisar il lag. L’ATG ha inoltrau agl uffeci da traffic federal il dossier per l’adattaziun dils plans. Quel cumpeglia era la dislocaziun dalla lingia da tensiun aulta giul Drun. Igl uffeci ha approbau ils plans, aschia che la dislocaziun dalla lingia sa vegnir exequida el decuors digl onn 2012. Las lavurs preparatorias per la renaturalisaziun dil plazzal da lavur succedan entochen il davos digl onn 2012. En rama da quella procedura vegn la vischnaunca a plazzar ses giavischs. Il cussegl da vischnaunca ha gia concediu in credit per far ils sclariments necessaris per in implont da sablun e glera.
Page 1: VISCHNAUNCA TUJETSCH Rapport da ges
Page 4 and 5: Rapport da gestiun e quen 2011 Prez
Page 8 and 9: Finanzas Quen 2011 Quen current Il
Page 10 and 11: 2011. Il plaz Cadruvi cun igl acces
Page 12 and 13: Ambient Serenera e canalisaziun Igl
Page 14 and 15: Nova menadra da scola La suprastonz
Page 16 and 17: 2. reala e secundara a Glion Jamna
Page 18 and 19: Pastgas Exposiziun »Nossa scola»
Page 20 and 21: quei connex ei il project Tgina dil
Page 22 and 23: ter auter eis ei vegniu pumpau ca.
Page 24 and 25: Quei che dat a nus forza en nossa l
Page 26 and 27: Conto Quen 2011 Preventiv 2011 Quen
Page 46 and 47: Credits supplementars (concedi orde
Page 48 and 49: Bilanza 31-12-2011 31-12-2010 1 Act
Page 50 and 51: Bilanza 31-12-2011 31-12-2010 2 Pas
Page 52 and 53: taglias 45.12% cuosts da persunal 2
Page 54 and 55: Media dallas entradas da taglia e t
Page 56 and 57:
Bogn Sedrun Quen 2011 Preventiv 201
Page 58 and 59:
Bogn Sedrun Bilanza 31-12-2011 31-1
Page 60 and 61:
Tgèsa s. Vigeli - quen current Pre
Page 62 and 63:
Tgèsa s. Vigeli - quen current Pre
Page 64 and 65:
Tgèsa s. Vigeli - Bilanza 31-12-20
Page 66 and 67:
Rapport da gestiun casa s.Vigeli 20
Page 68 and 69:
Cumissiun da prevenziun Baseli Bert
Page 70 and 71:
Museum Wendelin Hendry menader muse
Page 72 and 73:
Hermine Schmid 19-08-1936 Theresa A
Page 74 and 75:
Religiun persunas persunas total ma
Page 76 and 77:
Informaziuns Numeras da telefon e f
show all

Rapport da gestiun e quen 2011

Create successful ePaper yourself

Delete template?

Save as template?