Sulani Heunis.pdf - Nelson Mandela Metropolitan University

More documents

Recommendations

Info

proefbundel, die Sing Onder Mekaar, vir gebruik in die erediens uitgereik. Dit het onder meer liedere van die Jeugsangbundel en Hallelujaboek bevat. ’n Opvolg op die Jeugsangbundel van 1984 verskyn in 1994, genaamd Jeugsangbundel 2, ook vir erediensgebruik. In hierdie bundel is ’n groot aantal liedere van die oorspronklike Jeugsangbundel oorgeneem. Ook liedere van die eietydse “gospel”-styl is ingesluit (Strydom, 1994: 149, 152). Tans word Liedboek van die Kerk (2001) as die amptelike liedbundel van die NG Kerk aanvaar. In hierdie liedbundel is daar veral aandag gegee aan die herskep van Psalm-tekste en melodieë om die sing daarvan te vergemaklik. Die 353 Gesange is ook hersien, waarvan 220 in die nuwe bundel opgeneem is. Ander liedere is egter ook in die bundel gevoeg en sluit die volgende in: 8 Halleluja-liedere, 1 lied uit die Jeugsangbundel, 37 liedere uit die Sing Onder Mekaar, 45 liedere uit die Jeugsangbundel 2, sowel as ’n aantal liedere uit ander tale, tradisies en kulture. Met hierdie ryke verskeidenheid van liedere saamgevoeg in een bundel, word daar gepoog om in alle ouderdomsgroepe, oud en jonk, se liedbehoeftes te voorsien (Liedboek van die Kerk, 2001: 15, 20 en Oelofse, 2001: 47). 1 1 In 2002 gee die Algemene Sinode die opdrag om “’n meganisme te skep waarvolgens nuwe, inheemse en eietydse liedere deurlopend in die kerk opgeneem kan word en om die nodige riglyne vir die skep van nuwe liedere daar te stel” (Besluiteregister, 2006: 12). Gevolglik word die verskillende kommissies van die Algemene Sinode in 2004 (kommissies van die erediens, jeug en so meer) onder die titel Gemeente-Ontwikkeling geplaas. Die Algemene Diensgroep vir Gemeente-Ontwikkeling (ADGO) skenk veral aandag aan eredienshandelinge, soos liturgie en musiek, waaronder die keuring en bekendstelling van nuwe liedere hanteer word. In 2006 word die werkgroep FLAM (Funky Liedere vir ’n Aan die brand Musiekbediening) se eerste CD bekendgestel. Dit bestaan uit 20 kontemporêre liedere wat dien om Liedboek van die Kerk (2001) tydens eredienste aan te vul (Jackson, 2006: 3). Wat die huidige bedrywighede van ADGO betref, is daar ’n werkgroep, bekend as VONKK (Voortgesette Ontwikkeling van die Nuwe Klassieke Kerkliedprojek) saamgestel om die meer klassieke en tradisionele sy van kerkliedere te bevorder. Hierdie klassieke kerkliedere sal mettertyd in ’n bundel, soortgelyk aan FLAM, uitgereik word. Verder word daar dan ook beoog om ondersoek in te stel na moontlike opleidingsgeleenthede vir orreliste, koorleiers en musiekbedieningsgroepe. 23
2.2 Die orrel as kerklike instrument Die orrel word normaalweg as ’n kerklike instrument beskou waar dit ’n prominente rol by gemeentesangbegeleiding speel. Die orrel het ontwikkel uit die panfluit, ’n instrument wat bestaan het uit “a rank of pipes of different lengths, each pipe playing one note when blown” (Baker, 1991: 19). Reeds in 250 voor Christus is ’n waterorrel (hydraulos) deur ’n Griekse ingenieur, Ktesibios, uitgevind. Dit het bestaan uit ’n enkele ry pype, geaktiveer deur ’n primitiewe klawerbord. Die pype is van lug voorsien deur middel van water wat onder druk geplaas was. Orrels wat ongeveer ’n eeu na die koms van Christus gebou is, het egter oor blaasbalke beskik om windvoorsiening aan pype te verleen. 1 Met die verdere ontwikkeling en verbetering van orrelbou oor die eeue heen, was hierdie tipe orrel met blaasbalke dan ook die voorloper van die huidige orrel (Baker, 1991: 19 en Salomons, 1983: 20). 2 Dit is egter interessant om daarop te let dat die orrel nie van sy vroegste bestaan af as ’n kerklike instrument funksioneer het nie. As ’n sekulêre instrument was dit veral by feestelike aktiwiteite aangewend. Williams (1993: 28) noem onder meer “organs were played at diplomatic receptions and in palace ceremony, at banquets and weddings, at the hippodrome or out of doors at state arrivals (adventus), and at various royal events in connection 1 Aanvanklik was die orrels nie baie groot in bou nie. Dit het bestaan uit houtstafies wat uitgetrek word om die pype te laat spreek. ’n Klawerbord sou eers teen die twaalfde eeu bygevoeg word. Tydens die dertiende eeu vind die verdeling van registers plaas en verskaf so groter klankmoontlikhede aan die instrument (Salomons, 1983: 20). 2 Digitale orrels word ook deesdae in kerke aangetref. Hierdie orrels beskik nie oor pype nie. Die klank van ’n pyporrel word bloot nageboots en oor luidsprekers gehoor. ’n Voordeel van hierdie tipe orrels is dat die koste daarvan nie so hoog is nie en dat geen instandhoudingswerk nodig is nie, hoewel die elektroniese komponente dalk gouer kan ingee as die komponente van ‘n pyporrel (Maple, 1995: 31). ’n Verdere voordeel van die digitale orrel is dat die klank en musiekstyl verder uitgebrei kan word. “Through cutting-edge technology, the digital organ can expand with the needs of the congregation. Expansion boards, new integrated circuits, and new modules can easily be incorporated to the original organ. Literally, the organ grows and changes as the congregation grows and changes” (Wibbles, 2005: 43). 24
Page 1 and 2: DIE LITURGIESE GEBRUIK VAN DIE ORRE
Page 3 and 4: • Die personeel van die Skool vir
Page 5 and 6: 3. EREDIENSTE MET ORRELBEGELEIDING
Page 7 and 8: OPSOMMING In hierdie studie word di
Page 9 and 10: Na die verkiesing van 1994 het die
Page 11 and 12: enige kerkverband lê - dit kom van
Page 13 and 14: • bywoningspersentasies en ouderd
Page 15 and 16: ’n voltydse orrelis van ’n geme
Page 17 and 18: Die laaste hoofstuk bestaan uit ’
Page 19 and 20: gemeenskap se lewe kan ook die inri
Page 21 and 22: 1.3 Die bepaling van ‘n liturgies
Page 23 and 24: toegelaat moet word, want “die ke
Page 25 and 26: 2. MUSIEK IN DIE EREDIENS Musiek in
Page 27 and 28: om by te dra tot die verstaanbaarhe
Page 29: van die jeug te stel met die implem
Page 33 and 34: veral toe die orrel as begeleidings
Page 35 and 36: en met groter volume gespeel word a
Page 37 and 38: vir al die erediensgangers” (Kenn
Page 39 and 40: HOOFSTUK 3 PERSEPSIES OOR DIE BEDIE
Page 41 and 42: 2. MUSIEKBEDIENING TYDENS EREDIENST
Page 43 and 44: • 22% verteenwoordig die ouderdom
Page 45 and 46: 3.4 Liedmateriaal vir orrelbegeleid
Page 47 and 48: 4.1 Speelstyl van musiekbedieningsg
Page 49 and 50: • 27% verteenwoordig die ouderdom
Page 51 and 52: 4.5 Liedmateriaal vir musiekbedieni
Page 53 and 54: 4.7 Musiekbedieningsgroepe vir die
Page 55 and 56: 5.2 Die stand van musiekbediening i
Page 57 and 58: • 13% van die gemeentes se orreli
Page 59 and 60: 6. ALGEMENE KOMMENTAAR In die laast
Page 61 and 62: 8. SAMEVATTING 80% 70% 60% 50% 40%
Page 63 and 64: handelinge. Die liturgiese handelin
Page 65 and 66: GEVOLGTREKKING: Met hierdie studie
Page 67 and 68: BIBLIOGRAFIE Babbie, E. and Mouton,
Page 69 and 70: Kemp, J.S.C. (1981). Training leade
Page 71 and 72: Serfontein, A. (2005). Lof en aanbi
Page 73 and 74: Hobsonstraat 6 Adcockvale Port Eliz
Page 75 and 76: BYLAAG D Vraelys: Musiekbediening N
Page 77 and 78: Afdeling B (Eredienste met orrelbeg
Page 79 and 80: 6. Dui naastenby die persentasie va
Page 81 and 82:
20. Wie is verantwoordelik vir die
show all

Sulani Heunis.pdf - Nelson Mandela Metropolitan University

You also want an ePaper? Increase the reach of your titles

Delete template?

Save as template?