Sulani Heunis.pdf - Nelson Mandela Metropolitan University
Sulani Heunis.pdf - Nelson Mandela Metropolitan University
Sulani Heunis.pdf - Nelson Mandela Metropolitan University
Create successful ePaper yourself
Turn your PDF publications into a flip-book with our unique Google optimized e-Paper software.
HOOFSTUK 1<br />
INLEIDING<br />
1. AGTERGROND<br />
Die bediening van musiek 1 in die Nederduitse Gereformeerde (NG) Kerk het<br />
oor die afgelope paar jaar heelwat verandering ondergaan. Vanuit die tradisie<br />
waar slegs die orrel as begeleidingsinstrument gebruik is, het ander<br />
musiekinstrumente toegang tot die erediens verkry om die begeleidingsfunksie<br />
van die gemeentesang te hanteer. Die sienswyse dat die orrel as<br />
vanselfsprekende instrument met alleenreg op musiekbediening vir erediensgebruik<br />
funksioneer, het dus stelselmatig begin verdwyn.<br />
1.1 Verandering en die kerk<br />
Verandering vorm ’n integrerende deel van die samelewing en die menslike<br />
bestaan – daarsonder sal die mensdom stagneer (Roux, 2002: 5). Aangesien<br />
die kerk deel vorm van ’n groot segment uit die samelewing, is dit<br />
vanselfsprekend dat veranderings ook die kerk sal raak. Voor die<br />
demokratiese verkiesing van 1994 het die Afrikaanse kerke (híér spesifiek die<br />
Nederduitse Gereformeerde Kerk, die Gereformeerde Kerke in Suid-Afrika en<br />
die Nederduitsch Hervormde Kerk van Afrika) ’n sterk invloed op die<br />
samelewing uitgeoefen. Met historiese gebeure soos byvoorbeeld die Groot<br />
Trek, die Anglo-Boereoorlog en die depressiejare was die kerk direk betrokke<br />
(Meiring, 1983: 303, 304). Die kerk het ook tot die politieke sisteem bydraes<br />
gelewer en het “op die hoogste vlak toegang tot die regering gehad. Hulle het<br />
leiding gegee in die handhawing van morele standaarde” (König, 2005: 340).<br />
1<br />
Die bediening van musiek, oftewel musiekbediening, verwys in hierdie navorsing na enige<br />
persoon/persone wat met behulp van sy/haar musikale gawe ’n bydrae lewer tot die musikale<br />
inkleding van die erediens. Waar instrumentaliste saam in ’n groep funksioneer, word die<br />
woord musiekbedieningsgroep gebruik. Volgens Kloppers (2003: 11) kan die term<br />
musiekbediening egter verwarrend wees. “Die woord musiekbediening word meestal ook<br />
uitsluitlik vir poporkeste en gospelgroepe gebruik, asof net één vorm van musiekbediening<br />
sou bestaan. Volgens dié siening word tradisionele orrelbegeleiding, begeleiding met<br />
‘klassieke’ instrumente, en die optrede van ’n bekwame liturg en erediensgroep wat musikale<br />
en liturgiese moontlikhede kreatief ontsluit, nié as musiekbediening beskou nie”.<br />
1