HOOFOPSOMMING 1. INLEIDING - sanral

More documents

Recommendations

Info

$Q:\SANRAL TYP DWGS\Structures (Dwg files)\F-Shape Parapet ...$

Beoogde N2-Wildekustoldeurpad: Konsep-omvangbepalingsverslag – Hoofopsomming 3.4 TOLSTRATEGIE EN TOLSEKSIES In die bepaling van ‘n tolstrategie sal tenderaars waarskynlik die volgende sake in ag neem: • Die verkeersvolumes wat op elke padseksie verwag word; • Die voorgenome tegniese opgradering wat vereis word; • Die voordele na aanleiding van die opgradering met betrekking tot die niks-doen- en ander alternatiewe; • Die bereidheid om te betaal (pryselastisiteit) vir die utiliteit met betrekking tot die niks-doen- en ander alternatiewe; • Die getal geaffekteerde plaaslike gebruikers en waarskynlike diskonto’s; • Die ligging van die tolplazas en verwante tolstrategie; en • Die waarskynlike uitwerking van die tolgeld op verkeersuitwyking. Elke tenderaar sal sy beoogde tolstrategie, toltariewe, diskonto’s en voorgenome eskalasie met die verloop van tyd in verhouding tot die Verbruikersprysindeks (VPI) voorlê. SANRAL sal hierdie tenders evalueer en, waar van toepassing, die bedinging van laer toltariewe en hoër diskonto’s insluit. Die toltariewe word dan in die Konsessiekontrak vasgestel wat tussen SANRAL en die Konsessionaris aangegaan word. Voordat tol kan begin, moet die toltariewe deur die Minister van Vervoer goedgekeur en daarna in die Staatskoerant geadverteer word. In Suid-Afrika is dit algemene praktyk om diskonto’s aan sekere gebruikergroepe te bied. Dit kan op verskeie maniere geskied, waaronder diskonto’s vir gereelde gebruikers, diskonto’s vir plaaslike of streeksgebruikers en diskonto’s gebaseer op die tyd van die dag waarop die padgebruiker deur die plaza beweeg. Die potensiële Konsessionaris sal in ŉ mate daarvoor verantwoordelik wees om hierdie diskonto’s te beding. SANRAL kan egter ook vooraf toepaslike diskonto’s vir sekere gebruikergroepe in die tenderspesifikasies bepaal. Billikheidshalwe sal die tolstrategie en ligging van die plazas sodanig wees dat die motoris slegs vir die gedeelte van die pad wat gebruik word, betaal. Gevolglik sal elke plaza oor ŉ unieke tol vir elke individuele klas voertuig beskik. Die toepaslike toltariewe sal binne die norme val wat tans in Suid-Afrika van toepassing is. Die beoogde N2-Wildekustoldeurpad sal sewe hooflyntolplazas (vier hooflynplazas in die Oos-Kaap en drie in KwaZulu-Natal) en 24 op-/afrit/wisselaar-tolplazas insluit (dit wil sê, 12 stelle op-/afritplazas), waarvan een hooflyn- en vier stelle op-/afrittolplazas reeds op die N2-Suidkus-tolpad bestaan. Tabel 3 toon die beoogde tolseksies, die voorkeur-hooflyntolplazaliggings en die lengte van die tolseksies van die beoogde projek. Tabel 3 Tolseksies en gepaardgaande hooflyntolplazas BEOOGDE TOLSEKSIE GEPAARDGAANDE HOOFLYNTOLPLAZA LENGTE VAN BEOOGDE TOLSEKSIE Oos-Londen na Butterworth Ngobozi 97.8 kilometer Butterworth na Mthatha Candu 120.8 kilometer Mthatha na Ntafufu Ndwalane 92.3 kilometer Ntafufu na Southbroom Mthentu 12<strong>1.</strong>1 kilometer Southbroom na Hibberdene Bestaande Oribi 50.1 kilometer Hibberdene na Winklespruit Park Rynie 60.7 kilometer Winklespruit na Isipingo Isipingo 16.2 kilometer 3.5 BEDRYF EN INSTANDHOUDING By toekenning van die Konsessiekontrak aanvaar die Konsessionaris verantwoordelikheid vir die bedryf en instandhouding van die pad vir die duur van die Konsessiekontrak (gewoonlik 30 jaar). Dit behels CCA Environmental (Edms) Beperk x April 2006
Beoogde N2-Wildekustoldeurpad: Konsep-omvangbepalingsverslag – Hoofopsomming tolinvordering, plaza- en toerustinginstandhouding, roetebedryf, veiligheid, verkeersbestuur, oorladingsbeheer en alle aspekte van padinstandhouding. 3.6 BEMAGTIGINGSTRATEGIE ‘n Strategie vir sosio-ekonomiese ontwikkeling (SEO) sal ŉ vereiste van die Konsessiekontrak wees. Die SEO-strategie is gemik op die bemagtiging van plaaslike en voorheen benadeelde gemeenskappe binne die projekgebied. Tydens alle fases van die projek sal dit werksgeleenthede vir plaaslike mense maksimeer en die betrokkenheid van plaaslike entrepreneurs aanmoedig, veral Histories Benadeelde Individue (HBI’e) asook Klein, Medium en Mikro-ondernemings (KMMO’s). Die vernaamste elemente van die SEO-strategie is: • Billikheidsdeelname deur HBI’e; • Vaardigheidsontwikkeling en bemagtiging van ontluikende entrepreneurs en KMMO’s; • Plaaslike indiensneming; • Vaardigheidsoordrag in siviele ingenieurswese; en • Sosiale ontwikkelingsprogramme wat opvoeding, opleiding en ontwikkeling insluit. Ingevolge die Regering se breedgebaseerde inisiatiewe en sektor-oktrooie vir swart ekonomiese bemagtiging sal kontrakwerk ten opsigte van ontwerp en konstruksie asook bedryf en instandhouding aan KMMO’s en HBI’e toegeken word. 4. PROJEKBESKRYWING 4.1 BREË BESKRYWING VAN BEOOGDE PROJEK Daar word beoog dat die ontwerp, konstruksie, finansiering, bedryf en instandhouding van die beoogde deurpad as deel van ‘n 30-jaar-konsessiekontrak onderneem moet word. Die sleutelkomponente van die beoogde projek sluit die volgende in: • Opgradering en verbreding van bestaande padseksies (van die N2 en R61) as deel van die beoogde projek (ongeveer 470 km); • Nuwepad-konstruksie binne twee groenlandseksies (ongeveer 90 km); • Bou van agt nuwe groot brûe; • Opgradering en/of bou van nuwe padwisselaars en -kruisings; en • Bou van gepaardgaande strukture soos tolplazas, voetgangeroorbrûe en duikers vir diere. Die beoogde projek wil ‘n nasionale roete daarstel wat toegang tot en verbinding met die ooskusstreek van Suid-Afrika verbeter, terwyl dit padgebruikerkoste verlaag en veiligheid, gerief en sosio-ekonomiese voordele sal optimeer, deur die volgende: • Opgradering en/of bou van die roete tot ‘n gepaste ontwerpspoed (90 tot 120 km/h) oor die grootste deel daarvan, met ŉ minimum ontwerpspoed van 60 km/h oor kort seksies soos bergpasse, byvoorbeeld die Kei-uitgrawings; • Bou van ‘n tweelaan-enkelrybaan met wye skouers, terwyl dubbele rybane en/of klimlane gebou sal word waar verkeersvolumes en veiligheidsvereistes dit regverdig; • Bou en instandhouding van gepaste veiligheidsmaatreëls soos omheinings en oorbrûe/duikers vir voertuie, voetgangers en vee, asook voetpaaie, met ŉ aantreklike padreserwe langs die hele roete; • Konsolidasie en formalisering van toegange tot die beoogde toldeurpad ter wille van padgebruikerveiligheid (in terme van sigafstande en die voorsiening van verkeersdraailane); • Rehabilitasie en algehele verbetering van die padoppervlak oor bestaande seksies van die roete; • Installering en instandhouding van padtekens, padbybehore en padnoodgeriewe; en • Voorsiening van ‘n padreserwe langs die hele beoogde roete, wat deeglik in stand gehou sal word. CCA Environmental (Edms) Beperk xi April 2006
Page 1 and 2: 1. INLEIDING Beoogde N2-Wildekustol
Page 3 and 4: Beoogde N2-Wildekustoldeurpad: Kons
Page 9: PADSEKSIES EN HUIDIGE PROBLEME Beoo
Page 27: Beoogde N2-Wildekustoldeurpad: Kons

HOOFOPSOMMING 1. INLEIDING - sanral

Create successful ePaper yourself

Delete template?

Save as template?