HOOFOPSOMMING 1. INLEIDING - sanral

More documents

Recommendations

Info

$Q:\SANRAL TYP DWGS\Structures (Dwg files)\F-Shape Parapet ...$

Beoogde N2-Wildekustoldeurpad: Konsep-omvangbepalingsverslag – Hoofopsomming voordeel bó SANRAL se voorkeurroete inhou nie en dit sal dus nie vir verdere ondersoek in die Impakevalueringsfase van die OIE oorgedra word nie. ŉ Bykomende groenlandroete, wat noordwes van die Msikaba-sandsteenformasie geleë sal wees en dus die Pondoland Centre of Endemism sal ontwyk, is ook oorweeg vir vergelyking met die ander alternatiewe groenlandbelynings. Hierdie belyning is verkry danksy die “Quantum Pathfinder”korridorroeteseleksieprogram, ŉ kunsmatige intelligensie-sagtewarepakket wat die mees koste-doeltreffende korridor vir ŉ roete teoreties kan bepaal, gebaseer op voorafbepaalde uitsluitingsone-, koste- en ontwerpkriteria. Sodoende is ŉ minimum van 50 moontlike belynings bepaal, waarvan die goedkoopste en mees logiese belyning vir insluiting in die ontleding gekies is. Die bevindings word hieronder bespreek: • Die roete word beskou as van lae tot medium risiko vir ekologies sensitiewe habitats en word dus geag die gunstigste van die groenlandbelynings in terme van potensiële verlies van sensitiewe ekostelsels te wees. Dit sal egter die hoogste getal huishoudings en besighede affekteer en die risiko vir kulturele en sosiale funksies/prosesse word as medium tot hoog beskou. Hierdie roete sal aansienlik duurder as die ander belynings wees (totale koste -R 5.73 miljard); dit sal amper dubbeld die koste wees van SANRAL se voorkeurroete (-R3.09 miljard) en ongeveer 10 km langer. Die bou van drie lang brûe (altesaam 4.8 km) en ‘n tonnel van 3.1 km sal vir dié roete nodig wees. Vergeleke met die ander groenlandroetes sal sy vertikale belyning ook minder energie/brandstof-doeltreffend wees aangesien daar aansienlik meer op- en afdraandes sal wees, met gevolglike veel laer padgebruikervoordele. Hierdie roete word dus nie as finansieel en ekonomies lewensvatbaar beskou nie. Die volgende alternatiewe word ter opsomming as uitvoerbaar beskou en sal oorgedra word om in die Impakevalueringsfase van die OIE geëvalueer te word: • Die niks-doen-alternatiewe; • SANRAL se voorkeurbelyning tussen Lusikisiki en die Mthamvunarivier; • Terrein-spesifieke alternatiewe roetebelynings in die groenlandseksies van die beoogde projek, dit wil sê in die seksies tussen Ndwalane en Ntafufu, asook tussen Lusikisiki en die Mthamvunarivier, soos volg: - alternatiewe vir die beoogde belyning tussen Ndwalane en die Mzimvuburivier; - alternatiewe vir die beoogde belyning in die omgewing van die dorpie Ntafufu en die Ntafufurivier; - alternatiewe vir die beoogde belyning van die toegang tot die Msikaba-brugterrein; - alternatiewe vir die beoogde belyning oor die Mthenturivier; en - alternatiewe vir die beoogde belyning oor die Mnyamenirivier. • Alternatiewe hooflyntolplazaliggings vir SANRAL se voorkeur Ndwalane- en Mthentu- hooflyntolplaza. 6. GEAFFEKTEERDE OMGEWING Die beoogde N2-Wildekustoldeurpad sal deur dele van die Oos-Kaap en KwaZulu-Natal in die oostelike deel van Suid-Afrika loop. Dié streek is oorwegend ŉ somerreënvalgebied, en die meeste reën kom in die lente- en somermaande (Oktober tot Maart) voor. Daar is ŉ gradasie in die klimaatstelsel oor die studiegebied, met die noordelike deel van die Oos-Kaap wat koel subtropiese toestande ervaar, terwyl KwaZulu-Natal se klimaat as warm subtropies bestempel kan word. Die algemene topografie van die roete word gekenmerk deur golwende terrein met diep ingekeepte riviervalleie, veral in die groenlandseksie tussen Lusikisiki en die Mthamvunarivier. Die gebied van die kusplato af dieper die binneland in word gekenmerk deur erg gebroke en ruwe bergagtige terrein met wyd geërodeerde rivierstroomgebiede. Die landskap styg oor die algemeen steil landinwaarts (800 m by Holy Cross, 1000 m by Flagstaff), en 200 km van die kus af word die piek in die 3000 m hoë Drakensbergreeks bereik. CCA Environmental (Edms) Beperk xx April 2006
Beoogde N2-Wildekustoldeurpad: Konsep-omvangbepalingsverslag – Hoofopsomming Die beoogde deurpad sal talle dreineringslyne en riviere kruis, waarvan die belangrikheid as laag tot baie hoog aangeslaan word. Estuariums langs die Wildekus is nasionaal geïdentifiseer as botanies van groot belang, waaronder die Mngazana, Mbashe en Keiskamma. Estuariums noord van Port Edward, ofskoon dit in ŉ groter mate deur ontwikkeling versteur is, is ook reserwes van biodiversiteit en speel ŉ belangrike rol in die ekostelsel. Die beoogde padbelyning sal nie oor groot vleilandstelsels gaan nie. Die vleilande langs die roete is oor die algemeen klein en kom voor in die vorm van moerasagtige sypelhellingstelsels vanweë die topografie en geologie van die streek. Verskeie visspesies in die Rooi Databoek word in waterstelsels langs die hele roete aangetref. Planttipes in die studiegebied sluit ŉ verskeidenheid gras- en bosveld asook woude in. Die groenlandseksie tussen Luskikisiki en Port Edward sal die Pondoland Centre of Endemism (PCE) in twee deel en sal deur dele van die beoogde Pondolandse Biosfeerreservaat loop. Die PCE is onlangs deur Conservation International, die IUCN en die World Wildlife Foundation as een van 235 botaniese wêreldgevaarsones vir plantdiversiteit erken. ‘n Pleidooi vir beskerming van die PCE het ook van die Strategiese Evaluering van Biodiversiteit in die Oos-Kaap opgegaan. Die Pondolandse Biosfeerreservaat sal van die noordelike oewer van die Mzimvuburivier by Port St Johns tot by die suidelike oewer van die Mthamvunarivier naby Port Edward, oor ‘n afstand van ongeveer 80 km strek. Kennis van die fauna van die voormalige Transkei, meer bepaald die beoogde groenlandkorridor, bly gebrekkig. Volgens beskikbare inligting is daar hoë faunabiodiversiteit en talle inheemse spesies binne beskermde gebiede. Die fauna van die streek buite hierdie gebiede word oor die algemeen as verarm beskou, te wyte aan grootskaalse oorbeweiding en ander mensverwante invloede. Die voëls van die streek word betreklik goed bestudeer. Die Oos-Kaap is een van die ekonomies swakker provinsies van Suid-Afrika en met ŉ relatief groot landelike bevolking is die werkloosheidsyfer deurgaans hoër as die nasionale gemiddeld. Dit sluit die voormalige Oostelike Provinsie, Grens, die noordoostelike Kaapse gebiede asook die voormalige sogenaamde tuislande van Transkei en Ciskei in. Belangrike gemeenskappe langs die beoogde toldeurpad is onder meer dié van kommersiële boerderye, klein plattelandse dorpies (bv. Dutywa), groter sekondêre en streeksdorpe (bv. Mthatha), bestaans-plattelandse dorpies en verspreide gemeenskappe, wat tipies van die Oos-Kaap is. Sommige van hierdie gemeenskappe is van die armste in Suid-Afrika. Toerisme is ‘n belangrike ekonomiese bedrywigheid in die twee streke waardeur die beoogde toldeurpad sal loop. Die Oos-Kaap is die vyfde gewildste provinsie wat deur buitelandse toeriste besoek word; KwaZulu-Natal is derde, ná Gauteng en die Wes-Kaap. In die kategorie van binnelandse oornagritte word KwaZulu-Natal tweede ná Gauteng geplaas, terwyl die Oos-Kaap die derde plek beklee. • Die beplanning-, regs- en beleidskonteks van die beoogde projek word op etlike vlakke voorsien, dit wil sê die nasionale, provinsiale, distriks-, metropolitaanse en plaaslike vlak. Verskeie gedeeltes van nasionale wetgewing sal op die beoogde projek van toepassing wees. Dit sluit in etlike permitvereistes ten opsigte van bepaalde aspekte van die beoogde projek, soos die ontwikkeling van leen- of klipgroewe en potensiële watergebruikaktiwiteite. Ingevolge biodiversiteitsbewaring in die Oos-Kaap en kragtens die program vir die bewaring en volhoubare ontwikkeling van die Wildekus is ŉ aantal strategiese dokumente onlangs opgestel waaronder ‘n Bewaringsevaluering, Biodiversiteitstrategie-en-aksieplan, en Strategiese Omgewingsevaluering (SOE). 7. KWESSIES EN BESORGDHEDE 7.1 VORIGE OIE-PROSES Die kwessies en besorgdhede wat tydens die vorige OIE-proses geopper is, is georden en in 12 hoofkategorieë geplaas. Dit is slegs geriefshalwe só georden en beteken glad nie dat die kategorieë bepalend en uitsluitend is nie. Die kategorieë, met toepaslike subkategorieë, is soos volg: CCA Environmental (Edms) Beperk xxi April 2006
Page 1 and 2: 1. INLEIDING Beoogde N2-Wildekustol
Page 3 and 4: Beoogde N2-Wildekustoldeurpad: Kons
Page 9 and 10: PADSEKSIES EN HUIDIGE PROBLEME Beoo
Page 19: Beoogde N2-Wildekustoldeurpad: Kons
Page 27: Beoogde N2-Wildekustoldeurpad: Kons

HOOFOPSOMMING 1. INLEIDING - sanral

Create successful ePaper yourself

Delete template?

Save as template?