HOOFOPSOMMING 1. INLEIDING - sanral

Beoogde N2-Wildekustoldeurpad: Konsep-omvangbepalingsverslag – Hoofopsomming
Ontwikkelingsplanne (GOP’s); totstandkoming van die Pondolandse Nasionale Park /
Bewaringsgebied; behuising en ander nuwe ontwikkelings; impak op plaaslike owerhede;
bevoegdheid van owerhede; Provinsiale Groei-en-ontwikkelingstrategie.
l) Motivering vir / Behoefte aan die projek – motivering vir die projek; motivering vir tol van die
bestaande N2 aan die KwaZulu-Natalse Suidkus; motivering vir tol van die bestaande N2 in die
Oos-Kaap; en motivering vir tol van die bestaande R61 in die Oos-Kaap.
7.2 SLEUTELTEKORTKOMINGE EN/OF -LEEMTES WAT IN DIE HUIDIGE OIE-
PROSES REGGESTEL MOET WORD
Die kwessies en besorgdhede wat tydens die vorige OIE-proses geopper is, is geoudit ten einde
sleuteltekortkominge en/of -leemtes te identifiseer wat in die nuwe OIE-proses reggestel moet word.
Die volgende sleuteltekortkominge en/of -leemtes is geïdentifiseer:
a) OIE- en openbare oorlegproses
• Toereikendheid van die motivering vir die ontwikkeling van die pad;
• Toereikendheid van die ontleding van alternatiewe;
• Gedetailleerde beskrywing van die belyning van die beoogde pad;
• Toereikendheid en integrering van spesialisstudies;
• Oorweging van onlangse strategiese beplanning- en beleidsdokumente (bv. verslae wat deel
uitmaak van die Projek vir die Bewaring en Volhoubare Ontwikkeling van die Wildekus);
• Oorweging van konstruksieverwante impak; en
• Evaluering van impak met betrekking tot die niks-doen-alternatiewe.
b) Biofisiese aspekte
• Toereikendheid van botaniese opname;
• Oorweging van potensiële impak op ekostelselprosesse (en in besonder die prosesse wat verband
hou met die Pondoland Centre of Endemism); en
• Evaluering van die ekologiese volhoubaarheid van die beoogde projek.
c) Sosio-ekonomiese aspekte
• Oorweging van mynbou- en ander inisiatiewe vir streeksbeplanning en -ontwikkeling;
• Evaluering van die beoogde projek se potensiële impak op die dorpies langs die bestaande N2
tussen Mthatha en Port Shepstone en die bestaande R61 tussen Lusikisiki en Port Edward;
• Oorweging van tol- en verwante sosio-ekonomiese impak [daar dien egter op gelet te word dat
tolaspekte kragtens toepaslike wetgewing deur die Minister van Vervoer oorweeg sal word];
• Oorweging van makrovervoerkwessies en potensiële impak van verkeersomleiding vanweë tol;
• Oorweging van potensiële impak op terreine van geestelike en godsdienstige belang;
• Oorweging van landelike bestaansmiddele en die gebruik van medisinale en ander natuurlike
veldprodukte; en
• Evaluering van die sosiale en ekonomiese volhoubaarheid van die beoogde projek.
7.3 HUIDIGE OIE-PROSES
Die kwessies en besorgdhede wat ten opsigte van hierdie OIE-proses geopper is, soos in die AID
uiteengesit, is georden en in 20 kategorieë geklassifiseer. Dit is slegs geriefshalwe só georden en
beteken nie dat die kategorieë bepalend en uitsluitend is nie. Die kategorieë is soos volg:
CCA Environmental (Edms) Beperk xxiii April 2006