HOOFOPSOMMING 1. INLEIDING - sanral

More documents

Recommendations

Info

$Q:\SANRAL TYP DWGS\Structures (Dwg files)\F-Shape Parapet ...$

Beoogde N2-Wildekustoldeurpad: Konsep-omvangbepalingsverslag – Hoofopsomming 1.3 WETLIKE VEREISTES 1.3.1 WET OP OMGEWINGSBEWARING, 1989 (WET 73 VAN 1989) Artikel 21 van die Wet op Omgewingsbewaring, 1989 (Wet 73 van 1989) (WOB) maak voorsiening vir die beheer oor geïdentifiseerde bedrywighede wat ŉ beduidend nadelige uitwerking op die omgewing kan hê. Hierdie bedrywighede word in Goewermentskennisgewing R1182 van 5 September 1997 (Bylae 1), soos gewysig, gelys. Gelyste bedrywighede van toepassing op die beoogde projek (of bepaalde seksies van die roete) sluit die volgende in: • Die konstruksie, oprigting of opgradering van paaie en verwante strukture (1d); • Met betrekking tot enige substans wat gevaarlik is en deur nasionale wetgewing beheer word: berging- en hanteringsfasiliteite vir enige sodanige substans [berging en hantering van diesel en olie tydens konstruksie, indien nodig] (1cii); • Die verandering van grondgebruik, van landbou of gesoneer onbepaalde gebruik of ekwivalente sonering, na enige ander grondgebruik (2c); • Die herwinning van grond, insluitend vleiland, onder die hoogwatermerk van die see, en in binnelandse waters (7); en • Geskeduleerde prosesse wat gelys is in die Tweede Bylae van die Wet op die Voorkoming van Atmosferiese Besoedeling, 1965 (Wet 45 van 1965) (9). Die WOB belet sodanige bedrywighede totdat skriftelike magtiging by die Minister of sy afgeleide gesag verkry is. Sodanige magtiging, wat toegestaan kan word onderworpe aan voorwaardes, sal slegs oorweeg word indien daar aan Goewermentskennisgewing R1183 van 5 September 1997 (die “OIEregulasies”), soos gewysig, voldoen is. 1.3.2 WET OP NASIONALE OMGEWINGSBESTUUR, 1998 (WET 107 VAN 1998) In artikel 2 van die Wet op Nasionale Omgewingsbestuur, 1998 (Wet 107 van 1998; WNOB), soos gewysig, word ŉ reeks omgewingsbeginsels uiteengesit wat alle staatsorgane moet toepas as besluite wat die omgewing beduidend aantas, geneem word. Een van die sleutelbeginsels is dat alle ontwikkeling maatskaplik-, ekonomies- en omgewingsvolhoubaar moet wees en dat omgewingsbestuur mense en hul behoeftes voorop moet stel; mense se fisieke, psigologiese, ontwikkelings-, kulturele en sosiale belange op ŉ regverdige wyse deur enige ontwikkeling gedien moet word. WNOB maak ook voorsiening vir B&GPe se deelname en bepaal dat besluite die belange, behoeftes en waardes van alle B&GPe in ag moet neem. Die algemene doelwitte en implementering van Geïntegreerde Omgewingsbestuur (GOB) word in hoofstuk 5 van WNOB, soos gewysig, uiteengesit. GOB bied ŉ raamwerk vir die integrasie van omgewingskwessies in die beplanning, ontwerp, besluitneming en implementering van planne en ontwikkelingsvoorstelle. In artikel 24(4) word die minimum vereistes vir prosedures vir die ondersoek, evaluering en kommunikasie van die potensiële impak van bedrywighede neergelê. 1.4 AANNAMES EN BEPERKINGS Die volgende aannames en beperkings geld vir die Omvangbepalingstudie: • Daar word aangeneem dat die beskrywing van die beoogde projek en die tegniese inligting oor potensiële alternatiewe wat deur SANPAB verskaf is, juis is; • SANRAL het te kenne gegee dat die beoogde opgraderings gewysig kan word na aanleiding van insette deur die publiek, vertragings, die ekonomie van die beoogde projek, spesifieke padowerheidsvereistes, en tydens die tenderproses; • Die Omvangbepalingstudie sluit nie die beskrywing en omvangbepaling van potensiële leengroewe of klipgroewe in nie. Indien nodig, sal SANRAL seker maak dat die Voorkeurbieër die betrokke CCA Environmental (Edms) Beperk ii April 2006
Beoogde N2-Wildekustoldeurpad: Konsep-omvangbepalingsverslag – Hoofopsomming ondersoeke onderneem en die nodige permitte kragtens die Wet op die Ontwikkeling van Mineraal- en Petroleumhulpbronne (Wet 28 van 2002) bekom; • Die identifisering en beskrywing van oorskietgrondgebiede is nie by hierdie studie ingesluit nie. Daar word verwag dat hierdie inligting as deel van die volgende OIE-fase voorgelê sal word; en • Die openbare oorlegproses wat as deel van die vorige OIE-proses onderneem is, word geag dermate voldoende en genoegsaam te wees dat die aanvanklike openbare interaksie wat gewoonlik met die begin van ŉ Omvangbepalingstudie gepaard gaan, nie herhaal hoef te word nie. Die geloofwaardigheid van hierdie uitgangspunt word verder versterk in die oorspronklike RvB wat deur DOST uitgereik is, waarin verklaar word dat “die openbare deelnameproses (wat) as deel van die OIE-proses gevolg is, aan die vereistes van die regulasies voldoen het” (Item 8.3). 2. BENADERING VAN DIE OMVANGBEPALINGSTUDIE Inligtinggewys steun die Omvangbepalingstudie grootliks op die beskikbaarheid van bestaande inligting wat in die vorige OIE van die beoogde projek vervat is. Die vorige OIE-proses het ŉ uitgebreide openbare oorlegproses ingesluit, wat voldoen het aan die vereistes van die OIE-regulasies wat deur onafhanklike openbare oorlegkonsultante onderneem is. Die databasis van B&GPe wat inligting ontvang het en genooi is om kommentaar op die beoogde projek te lewer, het by voltooiing van die vorige OIE op ongeveer 3 500 te staan gekom. Die beoogde projek is ook wyd geadverteer en het prominente mediadekking geniet. Bestaande inligting dui daarop dat altesaam 340 vergaderings gedurende die vorige OIE gehou is en dat die dekking en bestek van gewerfde organisasies en sektore omvattend was. 2.1 OMVANGBEPALINGSPROSES EN OPENBARE OORLEGBEDRYWIGHEDE Die volgende bedrywighede is tot nou as deel van die Omvangbepalingstudieproses onderneem: • Vooraansoekvergadering op 15 April 2005 met die omgewingsowerhede insake die beoogde projek en beoogde benadering van die OIE; • Indiening van relevante Aansoek om Magtigingvorms en ŉ Studieplan vir Omvangbepaling (29 April 2005) by die nasionale Departement van Omgewingsake en Toerisme (DOST; die leidende omgewingsgesag), die Oos-Kaapse Departement van Ekonomiese Sake, Omgewing en Toerisme, en die Departement van Landbou en Omgewingsake van KwaZulu-Natal. Op 20 Junie 2005 het DOST die Studieplan vir Omvangbepaling aanvaar. • Kantooroudit van kwessies en besorgdhede wat tydens die vorige OIE-proses en appèltydperk geopper is; • Hersiening van vorige verslae, spesialisstudies en openbare oorlegproses wat as deel van die vorige OIE-proses onderneem is; • Terreinbesoeke deur die studiegebied gedurende Mei en Oktober 2005; • Die opstel van ŉ lys B&GPe (wat almal op die vorige OIE databasis insluit). Die databasis bestaan tans uit ongeveer 3 700 B&GPe; • Die opstel en verspreiding van ŉ Agtergrondinligtingsdokument (AID) onder B&GPe op die projekdatabasis. In die AID is B&GPe genooi om kommentaar op die beoogde nuwe OIE-proses te lewer. Daar is aangedui dat kommentaar op die beoogde projek eers by verspreiding van die KOV aangevra sal word. Die AID is in Afrikaans, Engels, isiZulu en isiXhosa beskikbaar gestel; • Openbare aankondiging van die nuwe aansoek en OIE-proses by wyse van advertensies in 17 nasionale, streeks- en plaaslike koerante. Die beskikbaarheid van die AID en die geleentheid om gedurende die drieweke-kommentaartydperk kommentaar op die beoogde nuwe OIE-proses te lewer, is ook in die advertensies genoem. B&GPe is genooi om te registreer, ŉ eksemplaar van die AID aan te vra, en/of kommentaar aan NMA voor te lê; • Voorleggings aan plaaslike owerhede oor die OIE-proses; • Vergelykende ontleding (sifting) van alternatiewe (met kundige botaniese, sosiale en ekonomiese insette); • Opstel van ŉ Kommentaar-en-antwoordverslag oor die AID; en • Opstel en verspreiding van hierdie KOV vir hersiening en kommentaar. CCA Environmental (Edms) Beperk iii April 2006
Page 1: 1. INLEIDING Beoogde N2-Wildekustol
Page 5 and 6: Beoogde N2-Wildekustoldeurpad: Kons
Page 9 and 10: PADSEKSIES EN HUIDIGE PROBLEME Beoo
Page 27: Beoogde N2-Wildekustoldeurpad: Kons

HOOFOPSOMMING 1. INLEIDING - sanral

You also want an ePaper? Increase the reach of your titles

Delete template?

Save as template?