HOOFOPSOMMING 1. INLEIDING - sanral

PADSEKSIES EN HUIDIGE PROBLEME
Beoogde N2-Wildekustoldeurpad: Konsep-omvangbepalingsverslag – Hoofopsomming
• Seksie Mthamvunarivier na Southbroom word
gekenmerk deur veelvuldige toegangspunte, wat tans
ʼn aantal kusoorde en die meer landelike gebiede van
KwaZulu-Natal bedien.
• Substandaard wisselaar by Adams Road.
• Dravermoëprobleme tydens spitstydperke tussen
Adams Road- en Isipingo-wisselaar.
POTENSIËLE VOORDELE VIR DIE PADGEBRUIKER
• Verhoogde padgebruikerveiligheid.
• Verbeterde toegangsbeheer.
• Verminderde VBK.
• Verminderde reistyd.
• Verbeterde rykwaliteit.
• Verligting van verkeersopeenhoping.
• Veiliger toegang by Adams Road-wisselaar.
3.3.3 HUIDIGE EN VOORSPELDE TOEKOMSTIGE VERKEERSVOLUMES
Oor die algemeen groei verkeersvolumes histories in ooreenstemming met die Bruto Binnelandse Produk
(BBP); gewoonlik teen ongeveer een of twee persentasiepunte bó BBP-groei. Die afgelope 20 jaar het
nasionale padverkeer dus met tussen 3% en 5% per jaar gegroei, wat beteken dat verwagte toekomstige
verkeer tot meer as dubbeld in ʼn 20-jaar-tydperk sal toeneem en meer as driedubbeld oor ‘n tydperk van
30 jaar.
Verkeersvolumes in die korridor tussen Oos-Londen en Durban het sedert 2001 bó die nasionale
gemiddeld toegeneem, ofskoon daar in die laat 1990’s ‘n algemene daling en negatiewe groei in
verkeersvolumes te bespeur was. Die huidige en voorspelde toekomstige verkeersvloei vir die beoogde
N2-Wildekustoldeurpad verskyn in Tabel 2. In hierdie beplanningstadium word die voorspelde
toekomstige verkeerstoename op ‘n gemiddelde jaarlikse groeikoers van 3.5% vir ‘n 20-jaarontwerptydperk
gegrond.
TABEL 2 Huidige en voorspelde toekomstige daaglikse verkeersvloei op die N2 en R61
ROETESEKSIE
JAAR 2005 VERKEERSVLOEI
(HUIDIGE GEMIDDELDE
DAAGLIKSE VERKEER - GDV)
Oos-Londen na Butterworth 4 800 tot 5400 6 900 tot 8 000
Butterworth na Mthatha 3 600 tot 6 800 5 400 tot 10 100
Mthatha na Ntafufu 1 000 tot 1 300 5 200 tot 6 500
Ntafufu na Southbroom 1 000 tot 6 000 3 000 tot 8 900
Southbroom na Hibberdene 5 800 tot 7 300 8 900 tot 10 800
Hibberdene na Winklespruit 11 900 tot 22 300 17 600 tot 33 100
Winklespruit na Isipingo 24 200 tot 45 800 35 900 tot 68 000
JAAR 2020 VERKEERSVLOEI
(TOEKOMSTIGE GDV)
Die beoogde projek sluit in die byvoeging van ten minste een bykomende laan en wye bestrate skouer tot
elke ryvlak tussen die Adams Road- en Isipingo-wisselaar ten einde die huidige opeenhoping te verlig en
om toekomstige opeenhoping op die medium- tot korttermyn te akkommodeer. Die bestaande
suidwaartse ryvlakke, hoewel dit slegs van nominale twee-laan wydte is, is oor ʼn kort, steil seksie tot drie
lane geoormerk om ten minste sommige van die huidige opeenhoping te help verlig. Tans wissel
noordwaartse spitstydverkeer op ʼn gewone werksoggend op hierdie seksie tussen 3 700 en 3 800
voertuie per uur, wat ongeveer 110% van die teoretiese dravermoë teen Diensvlak D is. Die absolute
teoretiese dravermoë vir hierdie seksie is ongeveer 3 950 voertuie per uur. Dit beteken dat hierdie seksie
teen hoër as sy maksimum Diensvlak D-dravermoë bedryf word; toekomstige groei sal waarskynlik
onstabiele vloei en derhalwe ernstige opeenhoping (stop/ry-toestande) veroorsaak. Spitstydvloei duur
nou langer as die normale spitsuur en reën of mis sal die situasie vererger.
Die noordwaartse dravermoë van die enigste ander lewensvatbare alternatiewe roete (Kingsway) is
hoogstens ongeveer 800 voertuie per uur. Normale verkeersgroei op Kingsway sal ook plaasvind, met
verwagte spitsuurverkeer daarop van 785 voertuie per uur, dit wil sê naby of op volle dravermoë teen
2007. Volgens SANRAL kan dit derhalwe verwag word dat die grootste gedeelte van die toekomstige
verkeersgroei na die N2 aangetrek sal word.
CCA Environmental (Edms) Beperk ix April 2006