HOOFOPSOMMING 1. INLEIDING - sanral

More documents

Recommendations

Info

$Q:\SANRAL TYP DWGS\Structures (Dwg files)\F-Shape Parapet ...$

Beoogde N2-Wildekustoldeurpad: Konsep-omvangbepalingsverslag – Hoofopsomming ongeveer R7 miljard wat die Staat in 2003 aan die bou en instandhouding van nasionale en provinsiale paaie bestee het en/of tot die koste van metropolitaanse en munisipale paaie bygedra het, by verre oorskry. SANRAL se begrotingstoewysing vir 2003 en 2004 was onderskeidelik R<strong>1.</strong>1 miljard en R<strong>1.</strong>4 miljard. Volgens SANRAL was dié befondsing slegs voldoende vir die bestuur van ongeveer die helfte van die nie-tol nasionale padnetwerk in daardie stadium (11 550 kilometer). Daar word verwag dat SANRAL uiteindelik verantwoordelik sal wees vir ŉ nasionale padnetwerk van 20 000 kilometer. Hierbenewens is die primêre padnetwerk verouderd en moet dit struktureel versterk word. Dit sal groot kapitaalinvestering verg aangesien meer as 60% van die nie-tolpadnetwerk ouer as die ontwerplewensduur van 20 tot 25 jaar is. Die meeste primêre padnetwerke in en om Suid-Afrika se vernaamste ekonomiese sentra se operasionele verkeersdravermoë word oorskry en groter dravermoë (verbreding) en/of bykomende infrastruktuur moet aangebring word. Die dravermoë van sommige roetes tussen hierdie sentra moet ook verbeter word. Tans word 65% van SANRAL se begrotingstoewysing aan die behoud of instandhouding van die primêre padnetwerke bestee, terwyl die oorblywende gedeelte vir opgradering van die bates aangewend word. Inherent in hierdie besteding is die koste om die paaie in ŉ veilige toestand vir daaglikse gebruik te hou. Met ŉ veronderstelde befondsingsvlak van R4.4 miljard per jaar vir die nie-tol nasionale padnetwerk, sal die bestaande stelsel oor die volgende agt jaar verswak tot ŉ voorspelde agterstand van R9.6 miljard. SANRAL beskou tol dus as ŉ paslike en suksesvolle befondsingsmeganisme om nuwe padinfrastruktuur te skep en om bestaande nasionale roetes op te gradeer en in stand te hou waar dit geregverdig, bereikbaar en uitvoerbaar is. Verder beteken dit dat belastinggebaseerde inkomste vir die nie-tolpadnetwerk en ander baie noodsaaklike sosiale projekte aangewend kan word. 3.3 MOTIVERING VIR DIE BEOOGDE N2-WILDEKUSTOLDEURPAD 3.3.1 NASIONALE EN STREEKS- EKONOMIESE VERBAND Nasionale padnetwerke verbind die vernaamste stede en ekonomiese streke van ŉ land en speel derhalwe ŉ belangrike ontwikkelingsrol in ekonomiese groei en sosiale opheffing. Nasionale padnetwerke word primêr ontwerp om die veilige en doeltreffende beweging van mense, goedere en dienste oor middel- tot langafstande tussen ekonomiese sentra te bewerkstellig. Ritte word deur privaat voertuie (pendelaar-, sake- en ontspanningsritte), openbare vervoer en swaar handelsvoertuie onderneem om aan die behoeftes en vereistes van ekonomiese eenhede, dit wil sê die huishouding in ŉ bepaalde korridor, aangrensende streke en die res van die land te voldoen. Op streekvlak bied die provinsiale en plaaslike padnetwerke die nodige verbinding met plaaslike gemeenskappe; sodoende, saam met die nasionale netwerk, word die nodige mobiliteit verskaf ten einde die basiese bestanddele vir sosio-ekonomiese groei te bewerkstellig. Die voormalige Transkei, veral die streek tussen die Kei- en die Mthamvunarivier word in dié opsig dubbeld gekortwiek. Nie net het die gebied tans weinig ekonomies realiseerbare natuurlike hulpbronne en swak landbougrond nie, maar danksy die onbegaanbare, bergagtige landskap is toegang ten beste nouliks voldoende en ten slegste rudimentêr. Die belyning van die bestaande N2 is byvoorbeeld in 1936 bepaal (die werklike pad was in hoofsaak teen 1946 voltooi), en is tot op datum die enigste primêre toegang tot die gebied. Die bestrate R61, wat die enigste ander primêre toegang is, is eers tussen die einde van die sewentiger- en die middel-tagtigerjare voltooi. Sedertdien was daar geen verbetering in toegangvoorsiening nie. Sekondêre en plaaslike padnetwerke, waar hulle nog bestaan, is ten beste onvoldoende. Die tendens by die bestaande N2 en R61 is om waterskeidingsbelynings te volg ten einde die kruising van diep ingekeepte ravyne en riviervalleie, op die skaal en omvang van die Vallei van ŉ Duisend Heuwels en die Oribi Ravyn in KwaZulu-Natal, te vermy. Daarom loop die bestaande N2 tot meer as 100 kilometer binnelands (by Mount Frere) en bereik ŉ hoogte van ongeveer 1 700 meter bo gemiddelde seevlak by Brookes Nek voor die pad by Port Shepstone tot seevlak daal. Die R61 loop op sy beurt tot CCA Environmental (Edms) Beperk vi April 2006
Beoogde N2-Wildekustoldeurpad: Konsep-omvangbepalingsverslag – Hoofopsomming amper 60 kilometer binnelands (by Flagstaff) en is op daardie punt ongeveer 1 000 meter bo seevlak. Toegang tot die kus is swak - waar dit hoegenaamd enigsins bestaan. Vanweë die diep ingekeepte ravyne en valleie is daar geen toegang parallel met die kus nie. Byvoorbeeld, in talle gevalle is dit slegs moontlik om tussen sekere plekke langs die kus te beweeg deur eers na die R61 terug te ry. Dit kan ŉ ompad van 100 tot 120 kilometer beteken, terwyl die dorpies dikwels slegs 20 tot 30 kilometer van mekaar lê. Dit is daarom ook nie verbasend dat hierdie streek een van die verarmste gebiede in Suid-Afrika is nie. Die beoogde projek wil toegang tot en verbinding met die Wildekusstreek verbeter en terselfdertyd padgebruikerkoste verlaag, terwyl dit die veiligheids- en sosio-ekonomiese voordele optimiseer. Die Wildekusstreek is as ŉ gebied vir strategiese ekonomiese ontwikkeling in ooreenstemming met die Regering se Ruimtelike Ontwikkelingsinisiatief (ROI) -strategie geïdentifiseer. Die Wildekus-ROI het die voorsiening van ŉ hoofpad, soos die beoogde tolpad, as ŉ belangrike katalisator vir die bereiking van sy doelwitte geïdentifiseer, aangesien dit toegang tot die streek sal verbeter en die ontwikkeling van die gebied se ekotoerisme-potensiaal sal fasiliteer. Die bestaande N2 suid van Mthatha moet aansienlik opgradeer word ten einde sy funksie as ‘n primêre nasionale pad tussen ekonomiese sentra te vervul en om vir snelgroeiende verkeersvolumes te voorsien. Die bestaande R61 en N2 tussen Port Edward en Durban benodig tans dieselfde opgradering oor sommige seksies, hoewel nie in dieselfde mate as die ander seksies wat deel van die beoogde toldeurpad uitmaak nie. Die verwagte en huidige verkeerstoename op die seksie tussen Port Edward en Durban sal egter sodanige opgraderings vroeër eerder as later nodig maak. Die oogmerk met die beoogde N2-Wildekustoldeurpad is die voorsiening van ‘n verbeterde, korter en veiliger padverbinding tussen die Oos-Kaap/Wes-Kaap en KwaZulu-Natal. ŉ Korter, doeltreffender vervoerroete word gesien as ‘n verbetering van die nasionale padnetwerk en word beskou as van strategiese belang vir die streek en die land in sy geheel. Daar word gemeen dat so ŉ nasionale pad of ruggraat die nodige verbindings en stukrag sal voorsien om die sekondêre en plaaslike netwerke te verbeter, terwyl dit volhoubare ekonomiese groei langs die hele korridor fasiliteer. 3.3.2 OPSOMMING VAN SLEUTELPADPROBLEME LANGS DIE BESTAANDE N2- EN R61- SEKSIES VAN DIE BEOOGDE N2-WILDEKUSTOLDEURPAD EN POTENSIëLE VOORDELE VIR DIE PADGEBRUIKER Die sleutelpadprobleme wat tans langs die bestaande N2- en R61-seksies van die beoogde toldeurpad ervaar word, asook die potensiële voordele van die beoogde projek vir die padgebruiker, word in Tabel 1 uiteengesit. Tabel 1 Huidige padprobleme langs die bestaande N2- en R61-seksies van die beoogde toldeurpad en potensiële voordele van die beoogde projek vir die padgebruiker PADSEKSIES EN HUIDIGE PROBLEME GONUBIE-WISSELAAR NA NGOBOZI (77.9 kilometer; bestaande N2) • Grootskaalse verswakking van die plaveisel (slote en krake) op sekere seksies. • Dravermoëprobleme op sommige hellings. • Grootskaalse slaggate/lapherstelwerk op sekere seksies. • Weinig klim-/verbysteeklane. NGOBOZI NA DUTYWA (52.6 kilometer; bestaande N2) POTENSIËLE VOORDELE VIR DIE PADGEBRUIKER • Verbeterde rykwaliteit. • Verhoogde padgebruikerveiligheid. • Verminderde Voertuigbedryfskoste (VBK). CCA Environmental (Edms) Beperk vii April 2006
Page 1 and 2: 1. INLEIDING Beoogde N2-Wildekustol
Page 3 and 4: Beoogde N2-Wildekustoldeurpad: Kons
Page 5: Beoogde N2-Wildekustoldeurpad: Kons
Page 9 and 10: PADSEKSIES EN HUIDIGE PROBLEME Beoo
Page 27: Beoogde N2-Wildekustoldeurpad: Kons

HOOFOPSOMMING 1. INLEIDING - sanral

Create successful ePaper yourself

Delete template?

Save as template?