HOOFOPSOMMING 1. INLEIDING - sanral

Beoogde N2-Wildekustoldeurpad: Konsep-omvangbepalingsverslag – Hoofopsomming
tegniese en omgewingsuitvoerbaarheid van die voorstel alvorens dit vir oop tender oorweeg word. Die
Skemaontwikkelaar van die beoogde N2-Wildekustoldeurpad, te wete die N2-Wildekuskonsortium, sal
egter geen rol in hierdie OIE-proses speel nie.
3.1.2.2 Tenderproses
By suksesvolle afhandeling van die Skemaontwikkeling en indien omgewingsmagtiging by DOST verkry
en deur die Minister van Omgewingsake en Toerisme gehandhaaf word, sal SANRAL oop, internasionale
tenders vir die Konsessiekontrak aanvra. Saam met alle ander belanghebbende partye dien die
Skemaontwikkelaar ʼn tender in vir die reg om die beoogde projek te ontwerp, te bou, te bedryf, in stand te
hou en te finansier. Die Skemaontwikkelaar sal nie by die tenderaanvraag of die beoordeling van tenders
betrokke wees nie.
SANRAL sal die voordeligste tenders kies, die Skemaontwikkelaar ingesluit, gegrond op beste-waardevir-geld
en bekostigbaarheid, waaruit Beste en Finale Aanbiedings (BEFA’s) gevra sal word. SANRAL
sal dan die BEFA’s evalueer en ʼn Voorkeurtenderaar kies. Die Voorkeurtenderaar sal by sy verkiesing
die Konsessiekontrak beding en die nodige finansiering met die oog op finansiële sluiting verkry.
Die konsessietydperk kan 30 jaar wees, of sodanige tydperk wat tenderaars aanbied en vir SANRAL
aanvaarbaar mag wees, met insluiting van ʼn Aanvangskonstruksietydperk. Let asseblief daarop dat die
OIE en RvB wat deur DOST uitgereik moet word, gebaseer sal wees op die werk wat tydens die
Aanvangskonstruksietydperk onderneem word. Aan die einde van die konsessietydperk sal die bate in sy
geheel en kosteloos aan die Staat terugval.
3.1.2.3 Kennisgewing van Voorneme vir verklaring van ʼn tolpad
Voordat die projek kan begin, moet die nasionale Minister van Vervoer ʼn pad tot nasionale pad en tolpad
verklaar. Die prosedures vir die Kennisgewing van Voorneme vir sodanige verklaring sal gevolg word,
soos in Deel 3.1.1 hierbo uiteengesit.
3.1.2.4 Proses wat tot Finansiële Sluiting lei
Voor finansiële sluiting sal die volgende afgehandel wees:
• Opstel en goedkeuring van ʼn Omgewingbestuursplan (OBP) en instemming oor mitigasiemaatreëls;
• Ontwerp;
• Ander nodige goedkeurings kragtens relevante wetgewing;
• Onderhandelings en vasstelling van finale diskontostrukture; en
• Instemming oor toltariewe.
3.2 BEWEEGREDE VIR TOL OP NASIONALE VLAK
ʼn Gedeelte van die brandstofheffing is histories aan ʼn toegewyde padfonds toegewys en daarvoor
aangewend. Hierdie toewysing is egter in April 1987 beëindig, waarna alle befondsing vir nasionale
paaie uit Sentrale Inkomste toegewys is. Die land se fiskale stelsel beskou alle belastinginkomste as
verwisselbaar en laat nie die stel van inkomstemikpunte vir infrastruktuur toe nie. Inkomste wat deur ʼn
bepaalde belasting verkry is, kan nie vir ʼn enkele voorafbepaalde infrastruktuurgebruik opsygesit word
nie; in plaas daarvan word dit in ʼn sentrale fonds gestort vir toewysing aan alle mededingende
aanwendings via die begrotingsproses.
Ondanks die algemene openbare siening, gaan die brandstofheffing derhalwe nie outomaties na
SANRAL nie. Om dit in konteks te plaas: In 2002 was die bedrag wat padgebruikers aan die nasionale
fiskus oorbetaal het in die omgewing van R26 miljard (afkomstig uit die brandstofheffing, doeane- en
aksynsregte, BTW op die verkoop van nuwe en tweedehandse voertuie, BTW op voertuigonderdele en
herstelwerk, invoerbelasting op voertuie en onderdele, lisensiegeld en BTW op tolgelde). Dit het die
CCA Environmental (Edms) Beperk v April 2006