Die Kerkblad Junie 2011.indd - CJBF

hoofartikel
so. Die Here, die Almagtige, het dit besluit; wie sal dit
dan verydel? (Jes. 14:27).
God se planne staan vir altyd vas, sy besluite van
geslag tot geslag (Ps. 33:11)
Wie aan dié waarheid twyfel, praat op menslike, beperkte
wyse van ons volmaakte en oneindige God. Ons
menslike denke oor God, sy gedagtes en besluite moet op
sy Woord gegrond wees. Oor God en sy wil, kan ons nie
self praat nie. Ons kan maar net napraat. Ons kan net
nasê wat God alreeds in sy Woord vir ons voorsê.
Dit beteken dat die besluite van God vóór die tyd al
geneem is. Die bestaan van God gaan die bestaan van
die heelal vooraf. Die wêreldgeskiedenis verloop volgens
’n alreeds-opgestelde program. In die ewigheid, voordat
daar tyd was, het God alles besluit (Matt. 13:35; 25:34;
Heb. 4:3; 9:26; Openb. 17:8).
God se besluite is ewig! Dit beteken dat Hy nie sy
besluite een na die ander geneem het soos wat ons as
mense, gebonde aan tyd, dit sou doen nie. Ons neem
ons besluite ook in samehang en afhanklikheid van
verskillende omstandighede. So het die Here nie sy
besluite geneem nie. In God was die besluite ’n ewige
werksaamheid. Dit gaan aan die tyd vooraf. Dit staan
buite alle tyd. Dit is ook bó die tyd verhewe.
Ons kan dit baie moeilik verstaan, omdat ons aan die
tyd gebonde is. Die verhouding tussen ewigheid en tyd is
vir ons ’n misterie, ’n geheimenis, ’n raaisel. Wie hierdie
geheimenis vir die mens wil ontsluier en bevatlik maak,
kom in botsing met God se Woord!
Wat is die doel van God se wil?
Die vraag is: Wat is die doel van God se wil? Waarop
rig die Here sy wilsbesluite? Uit die Bybel is daar wel
antwoorde te vind op hierdie vrae!
“Die Here het alles gemaak met ’n doel” (Spr.
16:4).
Die doel van alles is in God geleë, alles gebeur ter wille
van Hom. Alle dinge vind hulle betekenis in God.
“Ter wille van Myself en daarom alleen, doen Ek
dit,
Ek laat my Naam nie oneer aandoen nie. Ek gee die
eer wat My toekom aan niemand anders nie” (Jes.
48:11).
Derdens vind ons die doel van God se wil
uitgedruk
in die bekende lofl ied van Paulus in Romeine 11:33-
36. Die doel van die werk en optrede van die Here,
ook sy wil, lê nie in die mens of in enige skepsel nie,
maar in God alleen. “Uit Hom en deur Hom en tot
Hom is alle dinge” (Rom. 11:36).
Alles word saamgevat in Openbaring 4:11 – “Here,
ons God, U is waardig om die heerlikheid en die eer en
die mag te ontvang omdat U alles geskep het; deur u wil
het alles ontstaan en is dit geskep.”
Verheerliking van God
In alles gaan dit dus om die verheerliking van God.
Vir twee misverstande moet ons oppas:
God het nie die mens nodig om sy eer te soek en
te
verkondig nie. God is ewig. Hy kort nie dinge wat
die mens aan Hom moet bring nie. Sy wil is nie aan
die mens gebonde om waar te wees nie. God het nie
die heelal geskep omdat daar by Hom ’n behoefte was
nie. In alles gaan dit om Homself.
God ontvang sy eer ook nie net daar waar die
mens
daar van getuig nie. God se eer is nie afhanklik van
die goedkeuring en erkenning van die mens nie. Die
eer van God lê in sy skeppingswerk self opgesluit. In
Psalm 19 word geleer dat die hemel daarvan getuig,
die uitspansel maak dit bekend, die een dag gee die
berig deur aan die ander dag en die een nag deel kennis
mee aan die volgende. Dit sou met God se eer
maar bedroef gegaan het as dit heeltemal van die mens
afhanklik was, want die mens is in sy aanbidding en
lofprysing so traag en lou.
Uitvoering van God se wil
Is die verwerkliking van God se wil nie oorbodig nie?
God het mos nie behoefte daaraan nie!
Nee, God moes dit nie noodgedwonge doen nie. Maar
in sy vrymag en welbehae het God Hom voorgeneem om
sy ewige plan tot uitvoer te bring. In God se voorneme
om alles te laat gebeur soos Hy beplan het, is ingeweef die
besluit om dit uit te voer in die tyd.
Die uiteinde van dit alles is die eer van God! Alles
in die skepping is die middele waardeur die doel bereik
word. In hierdie opsig is selfs die verlossing van die gelowiges
en die verderf van die goddeloses middele wat bydra
tot die eer van God (Openb. 5:12-13; 14:7; Spr. 16:4;
Rom. 9:21-22). Al het God nie die mens en die skepsele
nodig om sy eer te verkondig nie, wil God Hom tog laat
eer deur hulle (Ps. 71:14). In sy volsaligheid is God nie
van die lofprysing van die mens afhanklik nie. Die mens
wat daartoe kom om Hom te loof en te prys, is deur die
Heilige Gees daartoe opgewek.
Saamgevat: Die einddoel van God se wil is sy EER. Sy
wil is in alles op die einddoel gerig. CNM
8 DIE KERKBLAD Junie 2011