You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
diskussie-artikel<br />
in enige situasie steeds die keuse het of hulle lewens<br />
deur die Heilige Gees of deur die residu van hulle<br />
son dige natuur beheer gaan word (Gal. 5:13-26.) <strong>Die</strong><br />
Heilige Gees dwing niemand om volgens God se wil<br />
te leef nie. Een van die belangrikste redes waarom<br />
Chris tene skynheilig lewe, is omdat ons soms nie wil<br />
dat die Heilige Gees (met die vrug van die Gees) ons<br />
gedrag bepaal nie.<br />
Tweedens dink ek dat skynheiligheid onder ware gelo<br />
wiges baie te doen het met ’n vals persepsie wat<br />
Chris tene dikwels koester. Ons dink dat mense wat<br />
van buite die kerk af na Christene kyk, verwag dat<br />
ons perfek moet wees. Dus doen ons ons bes om<br />
’n (skyn)beeld van ’n perfekte lewe aan die wêreld<br />
voor te hou. Ons oortuig onsself ook dat indien ons<br />
enige sonde of swakheid erken, dit mense sal afskrik.<br />
Hierdie strewe na ’n perfekte “beeld” het egter<br />
dikwels meer met ons eie menslike trots te doen as<br />
met enige werk van God in ons lewens.<br />
In teenstelling met die perfekte beeld, het iemand<br />
eenkeer die kerk as ’n veldhospitaal in ’n oorlogsone<br />
beskryf. Volgens die metafoor is die kerk dus ’n plek<br />
waar stukkende en beseerde mense, wat genade nodig<br />
het, bymekaarkom. Dit is deel van die goeie nuus<br />
(evangelie) dat Jesus gekom het vir siekes en dooies<br />
(Matt. 9:12).<br />
Ek dink ons maak ’n fout om te dink dat die<br />
wêreld verwag dat ons perfek moet wees. Hulle is veel<br />
eerder desperaat op soek na mense wat in egtheid ’n<br />
pad met die Here en met mekaar stap. As ons eerliker<br />
kan wees oor ons eie stryd, sal die kerk ’n veiliger plek<br />
wees vir mense binne die kerk en gevolglik ook ’n baie<br />
meer aantreklike plek vir mense buite die kerk.<br />
Ons sien ’n manifestasie hiervan in Handelinge 2.<br />
<strong>Die</strong> integriteit en liefde wat gelowiges onder mekaar<br />
het, was en is deel van God se plan om die wêreld te<br />
bereik.<br />
Dit kan dalk vir iemand klink of ek sê dat mense<br />
net maar na die kerk toe kan kom en hulle sondes<br />
uitleef. Dit is egter glad nie wat ek bedoel nie. Ja, die<br />
kerk is JUIS ’n plek vir stukkende en verlore mense,<br />
maar God los NOOIT mense soos hulle is (stukkend<br />
en vol sonde) as hulle in die kerk inkom nie. <strong>Die</strong><br />
groot Geneesheer verander ons om al hoe meer aan<br />
die beeld van Christus gelyk te word (2 Kor. 3:18).<br />
’n Derde rede waarom die kerk met skynheiligheid<br />
sukkel, is omdat daar mense elke week op kerkbanke<br />
sit wat nie werklik Christene is nie. <strong>Die</strong> Bybel<br />
praat van mense wat nog die skyn van godsdiens<br />
behou het, maar niks meer van die krag van God<br />
weet nie. Hierdie mense kan saamgesels oor God<br />
en hulle ken dikwels baie tekste en kerkwoorde.<br />
<strong>Die</strong> lewendmakende Christus het egter nog nooit<br />
met hulle ’n ontmoeting gehad nie. Hierdie mense<br />
probeer hulle bes om mooi, Christelike lewens te leef,<br />
maar dit werk net op ’n oppervlakkige vlak, want<br />
geen mens kan uit eie krag heel word of na die wil<br />
van God lewe nie. Ons het Christus se verlossing en<br />
die werk van die Heilige Gees in ons lewens nodig.<br />
Hierdie mense is dus op die mees fundamentele vlak<br />
skyn heilig. Hulle is egter ook besonder moeilik om met<br />
die evangelie te bereik, want hulle het hulself dikwels<br />
so diep in die skynbeeld ingegrawe dat hulle bykans nie<br />
meer kan erken dat hulle nie die Here ken nie. Nie eens<br />
teenoor hulleself nie.<br />
Wat staan ons as kerk nou te doen?<br />
Vir die ware kerk van Christus is die uitdaging om<br />
toenemend eerlik met God, met onsself en met die<br />
wêreld te wees. Ons sal moet erken dat ons nie perfek is<br />
nie, maar ons sal ook moet wys dat ons groei in heiligheid<br />
(ons is “works in progress”).<br />
Deur dit te doen, sal die kerk weer ’n plek word wat<br />
oop is vir sondaars en mense wat buite die kerk staan.<br />
Dit sal ’n veldhospitaal word waar daar vir almal hoop<br />
op genesing is. <strong>Die</strong> liggaam van Christus sal só weer<br />
aantreklik word vir almal wat na ons kyk.<br />
’n Woord aan my medegelowiges: Dié van ons wat<br />
stukkend is, kom na Jesus toe, laat Hy jou genees, vir dié<br />
wat seer het, kom na Jesus toe, laat Hy jou troos, vir dié<br />
wat nog dood is in hulle sonde, kom na Christus toe, Hy<br />
sal jou lewe gee. Mag ons weer ’n versameling Christene<br />
word van wie dit waar is dat: “<strong>Die</strong> hele volk was hulle<br />
goedgesind. En die Here het elke dag mense wat gered<br />
word, by die gemeente gevoeg” (Hand. 2:47b). DK<br />
28 DIE KERKBLAD <strong>Junie</strong> 2011