You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
fokusartikel<br />
<strong>Die</strong> owerheid in<br />
Dr. HF (Hennie) van Wyk (Geref. Kerk Bloemhof/Christiana<br />
die kerklike belydenis<br />
Dit is altyd belangrik om<br />
enige saak in konteks te<br />
lees. As daar vroegoggend<br />
op 2 November 1561 ’n pakkie met<br />
die Belydenis in die voorportaal<br />
van die kasteel te Doornik gegooi<br />
word, is daar in die Kerke in die<br />
Sui delike Nederlande (vandag<br />
België) baie onderstrominge: die<br />
pous het streng opdrag gegee dat<br />
die hervorming gestuit moet word;<br />
sommige wederdopers is militant en<br />
Doornik is verdeeld tussen die drie<br />
godsdiensgroepe. Doornik is ook<br />
omsingel deur die magte van Karel<br />
V om dit terug te bring onder die<br />
Katolisisme.<br />
Eers 20 jaar ná sy dood word hierdie werk aan Guido du Brès toegedig. Hy<br />
maak ruim van die werk van Calvyn gebruik. <strong>Die</strong> doel van hierdie geskrif was<br />
om vir die landsregeerders duidelik die boodskap oor te bring: Wat ons glo, is<br />
Skrifgegrond en ons onderwerp ons aan die owerheid.<br />
Om dan Artikel 36 reg te verstaan, moet in gedagte gehou word dat die<br />
Belydenis gerig is aan die staat, ’n staat wat die Woord van God geken het, om<br />
die reformasie in die Nederlande in die regte lig te stel.<br />
Belydenis<br />
Ons moet onthou dat die Nederlandse Geloofsbelydenis ’n Belydenis is.<br />
Dit is wat ons glo, gegrond in die Woord van God.<br />
<strong>Die</strong> verskil tussen die Nederlandse Geloofsbelydenis en die Heidelbergse<br />
Kategismus lê daarin dat die Nederlandse Geloofsbelydenis ’n belydenis na<br />
buite is, terwyl die Heidelbergse Kategismus ’n belydenis na binne is. Wat ek<br />
daarmee bedoel, is dat die Nederlandse Geloofsbelydenis fokus op mense wat<br />
nie noodwendig dieselfde as ons glo nie, terwyl die<br />
Heidelbergse Kategismus ons leer wat ons glo en veral<br />
fo kus op die kinders van die kerk.<br />
Wat glo ons?<br />
Ons glo dat die kerk en die staat twee aparte sake<br />
is wat wel raakpunte het, maar elkeen selfstandig en<br />
onafhanklik van die ander staan. <strong>Die</strong> vorige artikels<br />
(27-35) fokus op die kerk, en veral Artikel 30 stel baie<br />
duidelik dat die kerk ’n ander regeringstelsel het as die<br />
staat. In die kerk regeer God en Hy gee sy wette sodat<br />
die kerk volgens sy Woord funksioneer.<br />
Wat hierdie artikel betref, moet ons mooi daarop<br />
let dat ons glo dat die staat ’n verantwoordelikheid het<br />
om so te regeer dat die kerk in vrede God kan dien.<br />
Daar is egter een sin wat maklik verkeerd verstaan kan<br />
Guido de Brès (regs) net voor sy marteldood op 31 Mei<br />
1567 (foto: HTTP://www.christreformed.org/belgic-confession/).<br />
18 DIE KERKBLAD <strong>Junie</strong> 2011
Change language