Create successful ePaper yourself
Turn your PDF publications into a flip-book with our unique Google optimized e-Paper software.
Carié Maas (Randburg)<br />
LONDEN –<br />
kerkwees in ’n wêreldstad<br />
Dit blyk dat die bediening wat die Randburg-gemeente in Londen<br />
begin het, deur God se genade besig is om uit te reik na mense van<br />
regoor die hele wêreld.<br />
In Londen is van die mooiste, oudste kerkgeboue in Europa, soos die<br />
West minster-abdy waar die onlangse koninklike troue plaasgevind het, of<br />
St. Paul’s-katedraal wat jaarliks deur miljoene toeriste besoek word. Maar in<br />
Europa, weet almal, is kerke grootliks aan die uitsterf. <strong>Die</strong> Gereformeerde<br />
Ker ke in Suid-Afrika, spesifi ek die Randburg-gemeente, het vyf jaar gelede<br />
ds. Kruger de Kock na Londen gestuur om daar saam met die Free Church of<br />
Scotland Suid-Afrikaners en ander te gaan bedien. Dié bediening het nou tot<br />
’n opwindende nuwe weg gelei wat niemand destyds voorsien het nie.<br />
Toe die bediening in Londen in 2005 begin het, was die Britse kerke<br />
opgewonde oor die instroming van jong, ywerige Suid-Afrikaners. Mettertyd<br />
het die Britse owerheid strenger visum-voorwaardes vir Suid-Afrikaners ingestel<br />
en moes baie kerke spring om by dié veranderings aan te pas. So het<br />
die bekende Suid-Afrikaanse Gemeente in Sentraal-Londen met bykans 70%<br />
gekrimp as gevolg van dié en ander faktore.<br />
Deur die Here se genade het die GKSA se Londen-bediening dit as beginsel<br />
aanvaar om nie alleen nie, maar saam met plaaslike kerke met wie die<br />
GKSA in eenheid is, nie net Suid-Afrikaners nie, maar ook ander mense<br />
met die evangelie te bedien. Hoe dit presies sou gebeur, kon nooit werklik<br />
beplan word nie, maar uiteindelik staan daar vandag een kerk met twee gemeentes<br />
– Canada Water Church en Surrey Docks Church, wat uiteenlopende<br />
gemeenskappe bedien.<br />
Bykans 80% van die mense wat Canada Water Kerk bywoon, is jong Suid-<br />
Afrikaners – sowel Afrikaans as Engels. Dan is daar ook Britte, Australiërs,<br />
Amerikaners en ander. Kruger sê dié dienste herinner nogal aan ’n studentediens<br />
met so om en by 40 jong, hoofsaaklik enkellopende mense wat dit geniet om<br />
te sing, te kuier en te hoor hoe verklarend en relevant uit die Bybel gepreek<br />
word.<br />
<strong>Die</strong> oggenddiens het weer sowat 45 lidmate en bestaan uit gesinne – 50<br />
persent uit Suid-Afrika en 50 persent uit ander wêrelddele. Dit is dus ’n<br />
heel multikulturele gemeente. “In die vreemde kom Suid-Afrikaners se beste<br />
eienskappe na vore, soos gasvryheid – en dit het die gemeente goed laat groei,”<br />
sê Kruger.<br />
van oraloor<br />
Kruger en Stephanie de Kock en hulle<br />
kinders.<br />
<strong>Die</strong> verskil tussen die oggend-<br />
en aanddienste is dat die lidmate<br />
wat die aanderediens bywoon uit ’n<br />
Christelike agtergrond kom, terwyl<br />
baie van die oggendlidmate nuwe<br />
gelowiges is, of ongelowiges wat vrae<br />
het.<br />
Hoewel die gemeentes verskil,<br />
word hulle saamgebind in een kerk<br />
met drie kernwaardes: die evangelie<br />
verander álles, die kerk is ’n oop liefdesgemeenskap<br />
van verloste sondaars<br />
en die stad is belangrik vir God se<br />
koninkryk. <strong>Die</strong> twee gemeentes<br />
word verenig onder die naam City<br />
Life London. Hier is die leierskap,<br />
die fi nansiële bronne en die gawes,<br />
soos die musikante, gesentraliseer.<br />
Kruger sê hy het op grond van sy<br />
ondervinding in dié twee gemeentes<br />
en ook wyer blootstelling besef dat<br />
Londen, met sy honderdduisende<br />
mense vanoor die hele wêreld, strate<br />
gies belangrik is vir die uitdra<br />
van die evangelie, nie net aan Suid-<br />
<strong>Junie</strong> 2011 DIE KERKBLAD 33