Self-Studiegids vir Taalonderwysers - Thutong

2.2 Skryf as ‘n proses
6
dienste gebruik te maak.
viii. Die teks is ‘n kommunikasiewyse waarop een mens vir ‘n ander ‘n kort
boodskap stuur.
ix. Die teks dui op ‘n wyse waarop ‘n mens na een of ander funksie
uitgenooi kan word.
Die skryf en ontwerp van tekste is ’n proses. Dit is belangrik om leerders geleentheid te gee om hierdie proses
doeltreffend toe te pas. Plaas die volgende belangrike stappe in die korrekte volgorde:
1. Hou ’n dinkskrum deur byvoorbeeld kopkaarte, vloeidiagramme en lyste te gebruik.
2. Skryf ’n eerste konsep en hou doel, teikengroep, onderwerp, konteks, formaat, lengte en vereistes van
tekssoort in gedagte.
3. Skryf/ontwerp ’n finale weergawe/produk.
4. Bied die finale produk aan en deel dit met maats, onderwysers, ouers en ander belanghebbendes.
5. Besluit op ’n onderwerp, doel en teikengroep van ’n teks wat geskryf of ontwerp moet word.
6. Gebruik gepaste naslaanwerke/voorbeelde/modelle, versamel inligting en organiseer idees
7. Lees eerste probeerslae krities om terugvoering van ander te kry (klasmaats, die onderwyser, familielede)
en self eie werk probeer hersien en redigeer.
8. Skryf soveel konsepte as moontlik – hersien (met die oog op terugvoering), proeflees en redigeer die
konsepte.
9. Besin oor en evalueer die finale produk individueel en saam met maats en die onderwyser.
2.3 Beplanning vir skryfwerk
2.3 .1 Voltooi die volgende beplanningsvorm en hulpmiddel vir die skryf van ‘n huldeblyk vir publisering in die
skoolkoerant ter nagedagtenis van ‘n Graad 12-leerder van die skool wat in ‘n motorongeluk oorlede is. Gebruik
die inligting in die Aanhangsels:
Definisie:
Doel/konteks/teikengehoor:
Vereistes/wenke:
Formaat:
Lengte:
Assesseringsrubriek:
Voorbeeld:
Beplanning: Huldeblyk
KRITERIA PUNTE
HT EAT
INHOUD, BEPLANNING EN FORMAAT 18 20
TAAL, STYL EN REDIGERING 12 10
TOTAAL 30 30
2.3.2 Gee die voltooide hulpmiddel aan die Graad 12-leerders, bespreek dit en laat elkeen ‘n huldeblyk skryf
vir publisering in die skoolkoerant ter nagedagtenis van die Graad 12-leerder wat in ‘n motorongeluk oorlede is.
2.3.3 Nadat prosesskrywe plaasgevind het, assesseer elkeen se finale produk deur gebruik te maak van die
relevante assesseringsrubrieke vir langer transaksionele tekste soos vir Huistaal en Eerste Addisionele Taal in
die Aanhangsel.
Self-Studiegids vir Taalonderwysers: Skryf van tekste, Julie 2010