INTERNE VRAELYS

Vrydag, 17 September 2010] 1048
2635. Mnr I O Davidson (DA) vra die Minister van Waterwese en Omgewingsake:†
(1) Of die 18-maande tydslyn van die begin tot die afhandeling van die
ondergrondse mynwaterprojek aan die Witwatersrand (besonderhede
verstrek) die dringendheid in berekening bring van toenemende bedreiging
wat suur mynwater in die aangetaste komme inhou; so nie, wat gedoen sal
word om die saak reg te stel; so ja, hoe daar tot dié gevolgtrekking gekom is;
(2) of die tydslyn vir die projek voldoende tyd toelaat om die noodsaaklike
uitkomste na afloop van die voor-uitvoerbaarheidstudie in werking te stel
voordat die suur mynwater onder die stad van Johannesburg bo
omgewingskritieke vlak styg; so nie, wat gedoen sal word om die saak reg te
stel; so ja, hoe daar tot dié gevolgtrekking gekom is;
(3) of haar departement dit sal oorweeg om die tydperk te verkort waarbinne die
voor-uitvoerbaarheidstudie voorgelê moet word; so nie, waarom nie; so ja,
wat die tersaaklike besonderhede is? NW3291A
2636. Mnr G R Morgan (DA) vra die Minister van Waterwese en Omgewingsake:†
(1) Of haar departement enige verband tussen stygende suur mynwater in die
komme van Gauteng en seismiese bedrywighede in die streek vasgestel het;
so ja, hoe daar tot dié gevolgtrekking gekom is; so nie,
(2) of haar departement ʼn studie doen om die verband tussen stygende suur
mynwater en seismiese bedrywighede te bepaal; so nie, waarom nie; so ja,
wat die tersaaklike besonderhede is? NW3292A
2637. Mev D A Schäfer (DA) vra die Minister van Justisie en Staatkundige
Ontwikkeling:†
Wat die stand van ʼn sekere persoon se appèl teen sy skuldigbevinding in die
Gautengse Streekhof is (besonderhede verstrek)? NW3293A
2638. Mev A Steyn (DA) vra die Minister van Landelike Ontwikkeling en
Grondhervorming:†
Of hy van voorneme is om ʼn gewysigde weergawe van die Expropriation Bill [B16-
2008] wat voor die Derde Parlement gedien het, in te dien; so nie, wat die posisie in
dié verband is; so ja, wat die tersaaklike besonderhede is? NW3295A
2639. Mev A Steyn (DA) vra die Minister van Landelike Ontwikkeling en
Grondhervorming:†
(1) (a) Wat die aard van die opleiding is wat aan die nasionale landelike
jeugdienskorps voorsien sal word, (b) wat dié opleiding behels en (c) wie vir
die administrasie van die opleidingsprogram verantwoordelik is;
INTERNE VRAELYS: NASIONALE VERGADERING NO 29 ─2010