De Ambachtsheerlijkheid Kortenhoef

55
monte, jof payment daervoer na die werde, dat binnen Utrecht in der
tijt der betalinghe ghenge ende ghave is, vrij ghelt, sonder afcorten
van onghelde of van enigherhande onghevalle dat daer op vallen mochte.
Dien vorseyden heren jof horen cameraer te betalen ende vriliken te
leveren op minen cost, op minen anxt ende op minen arbeyt, binnen
hore montade t'Utrecht, die ene helft tot Kers-avonde naest comende
ende die ander helft tot Paeschen daernaest comende, of binnen viertien
daghen na elken termine voers onbegh(r)epen, ende ummer tot
elken termine vorseit al vol betaelt, ende also voert jaerlix also langhe
alse ic !eve : ende na minre doet comen dese voerghenoemde gherechten,
tinse ende tienden vrij ende los weder an den heren vorghenoemt,
horen vrijen wille (daer)mede te doen, behoudenlike hem hore
pensie, die hem daeraf dan verscenen ware. Oec soe hebbe ic gheloeft
ende ghelove desen voerg. heren, dat ic hore luden, die in desen voerg.
gherechten woenachtich sijn ende hem toebehoeren niet bidden, noch
bescatten, noch in enigher manieren beswaren en sel, noch ymant van
minen weghen, vorder dan ic mijns selfs luden doc. Ende waer oec dat
sake dat tot Muden een dam gheslaghen worde ende die vorg. gerechten,
tinse ende tienden daerbi ghebetert worden, dat sonde staen
tot vier lude segghen, twe(e) die de heren daertoe namen ende twe(e)
die ic daerteghens nomen sel, ende wes dat si segghen dat ic dien
heren vors. daervoer gheven sel jaerlix tot die pachte die hiervoer
bescreven is, dat sel ic hem dan jaerlix betalen ghelike den andren
pachte ten selven terminen, die hiervoer bescreven sijn, also langhe
alse ic leve. Ende waer oec dat sake, dat ic die betalinghe des pachts
tot enighe termine vorseyt in enighen jare versumede, of dat ic mi
jeghens den heren voerg. in enighen vors. ponte verbrake, so sel ic
ende mine borghen, die ic hierop hebbe gheset mit ghesamender hant
ende elx voer a!, eersamen lude alse haer Ghisebrecht van Loenresloet,
haer Symon van Haerlem, haer Vrederic uten Hamme, haer Jan van
Broechusen ridders, Stephen van Zulen ende Henrie van Broechusen
knapen, tot maninghe der heren vors. of hoers boden incomen leysten,
-