NUUS_T4-Okt 2018

CURRO NASIONALE 7’S TOERNOOI
Vanaf 23 September tot 27 September het 42 van ons leerders deelgeneem aan die
Curro Nasionale 7’s toernooi wat aangebied is by Curro Serengeti. Ons leerders het
die Jakarandastreek verteenwoordig wat uit 14 Curro Skole bestaan. Baie geluk aan
elke leerder wat hier deelgeneem het en Curro Roodeplaat se naam hoog gehou
het.
‘n Spesiale woord van geluk gaan aan Lohan Heyl wat verkies is tot die
Nasionale o/18-seunshokkie Curro-span. Boipelo Moloisane is ook verkies tot
die Nasionale o/18-dogtershokkie Curro-span en is aangewys as die beste o/15-
meisiehokkiespeler van die toernooi.
Ons is werklik baie trots op beide Lohan en Boipelo.
RUGBY
Gedurende die vakansie het Liam Whitehead aan die o/15 Iqhawe Rugbyweek
deelgeneem waar hy die Blou Bulle verteenwoordig het. Ons is trots om te sê
dat Liam uitstekende rugby gespeel het en is selfs as speler van die Wedstryd
aangewys is gedurende die wedstryd tussen die Blou Bulle en die Westelike
Provinsie. Ons is werklik trots op jou Liam!
TAEKWANDO
Tydens die afgelope skoolvakansie het Madelene Joubert haarself goed van haar
taak gekwyt en ons naam hoog gehou by die jaarlikse NMA ISKA South African
National Open Championships in Stellenbosch. Ons is sommer baie trots op haar en
haar prestasies:
GRAND CHAMPION in Swartbelt Ope
GRAND CHAMPION in Tradisionele / Kreatiewe Vorme
2 x Eerste plekke (Goud)
3 x Tweede plekke (Silwer)
4 x Derde plekke (Brons)
OKTOBER 2018
MET TROTS AANGEBIED DEUR SALES-SQUAD.COM 15