NUUS_T4-Okt 2018

LAERSKOOL SPORT
NASIONALE CURRO 7’S
TOERNOOI
‘n Paar van ons Curro Roodeplaat leerders
het die Jakaranda streek by die Nasionale
Curro 7’s gedurende die September
vakansie verteenwoordig. Die Nasionale
Curro 7’s het by Curro Hillcrest in Durban
plaasgevind en die leerders het in die
verskeie sportsoorte, soos netbal, hokkie,
rugby en sokker deelgeneem. Die leerders
en sommige van ons personeellede het
vroeg op Sondag, 23 September vertrek
om aan die toernooi deel te neem. Die
leerders moes gedurende die week teen
die ander Curro streke wedstryde speel.
Die uitspeelwedstryde om die wenners te
bepaal het die Woensdag plaasgevind.
Die o.11 A sokkerspan en die o.13A
netbalspan het hul wedstryde in die finaal
gewen en is as die wenners van die
toernooi gekroon. Die o.11A netbalspan
het die bronsmedalje huistoe gevat.
Die hokkie en rugby het ook baie goed
gevaar, maar was ongelukkig nie onder
die top drie spanne nie. Ons is baie trots
op al die leerders wat Curro Roodeplaat
verteenwoordig het!
ATLETIEK
Die 2019 atletiekseisoen het reeds op
11 Oktober afgeskop met die jaarlikse
interhuisbyeenkoms. Baie dankie aan
al die deelnemers wat ‘n kultuur van
deelname help skep. Die leerders is
met ‘n kleurfees bederf en het die dag
op ‘n hoë noot afgesluit. Ons ouers het
gewys waar die leerders se talente
vandaan kom deur hul deelname aan die
ouerwedloop. Baie dankie dat u gedeel
het in die atletiekgees! Afrigting het
reeds op Maandag, 15 Oktober 2018 vir
die leerders wat deurgedring het tydens
die interhuis, begin. Die oefeninge sal op
Maandae, Dinsdae en Donderdae vanaf
14:15 – 15:00 plaasvind.
TAEKWANDO
Tydens die afgelope skoolvakansie het
’n paar van ons leerders hulself goed
van hul taak gekwyt en ons naam hoog
gehou by die jaarlikse NMA ISKA South
African National Open Championships in
Stellenbosch. Ons is sommer baie trots op
die volgende leerders en hul prestasies:
• Lukert Joubert (Graad 4):4 x Eerste
plekke (goud), 1 x Tweede plek (silwer)
OKTOBER 2018
MET TROTS AANGEBIED DEUR SALES-SQUAD.COM 23