NUUS_T4-Okt 2018

LAERSKOOL TONEEL
Welkom terug na die Oktober-vakansie! Ek vertrou dat u en u gesin
heerlik gerus het en reg is vir die laaste kwartaal. Die uurglas is vinnig
besig om op die 2018 skooljaar leeg te loop.
Ons jaarlikse kaskar-derby was weereens ‘n groot sukses. Sonder u as ouers se
ondersteuning sou dit nie moontlik gewees het om die rekordbedrag van R150
000 in te samel nie. Hierdie fondse sal aangewend word tot verbetering van ons
skoolterrein en fasiliteite tot voordeel van ons leerders. Die beloofde afdag sal
plaasvind op Maandag, 29 Oktober vir alle graad R-7 leerders. Verdere inligting
rakende die uitstappies sal spoedig met u gekommunikeer word.
Om ons graad 3-leerders te help voorberei vir die Intersenfase gaan hulle begin met
klaswisseling tussen die graad 3 onderwysers. Dit sorg vir groot opgewondenheid
onder die leerders!
Baie geluk aan ons Top 5 akademiese leerders in graad 4-7! Harde werk en
toewyding is beloon.
Alle belangrike datums vir kwartaal 4 sal u in die nuusbrief onder “Belangrike
datums” vind. Let asseblief op die eksamen wat op Maandag, 19 November begin.
U het reeds ‘n eksamenrooster saam met u kind se rapport ontvang maar ons plaas
dit ook in hierdie nuusbrief. Verdere reëlings rondom die eksamen sal teen Vrydag,
2 November aan u gekommunikeer word.
‘n Vriendelike herinnering aan die herregistrasievorms wat by ontvangs ingehandig
moet word indien nie alreeds afgehandel nie. Ek nooi u graag uit om enige
bekommernisse wat u rondom die proses ervaar met my te bespreek.
Baie dankie vir u positiewe ondersteuning teenoor die skool en al die aktiwiteite.
Alta Theunissen
OKTOBER 2018
MET TROTS AANGEBIED DEUR SALES-SQUAD.COM 21