NUUS_T4-Okt 2018

LAERSKOOL KULTUUR
Ons het kwartaal 3 met ‘n vreugdevolle viering van Suid-Afrika se erfenis en kultuur
afgesluit. Dit was ‘n belewenis om die leerders, ouers en personeel in hul kulturele
drag te sien. Ons kan verseker baie trots op ons pragtige land met al sy diversiteit
wees. Kom ons fokus op dit wat ons land spesiaal maak en vier ons verskille, terwyl
ons ons eenheid as Suid-Afrikaners onthou.
Baie geluk aan al die leerders wat aan die verskeie eisteddfods en kulturele
aktiwiteite gedurende die kwartaal deelgeneem het. Ons het baie goeie resultate
gekry en ons is baie trots op elke leerder. Net ‘n vriendelike herinnering om alle
resultate van enige eisteddfods of kulturele feeste waaraan u kind deelgeneem het
na Juffrou Scarlett, scarlett.d@curro.co.za teen 26 Oktober te stuur.
ESKOM EXPO
Baie geluk aan Haylee Duarte met haar besondere prestasie by die Gauteng-Noord
Eskom Ekspo. Sy verwerf ’n goue medalje vir haar badplakker-ontwerp met die
tema: “How to avoid day zero”. Die badplakker word gebruik as ‘n visuele indikasie
en maatstaf wanneer water in ’n bad getap word. Die plakker het drie indikators:
groen, oranje en rooi. Die plakker dien as ‘n bewusmaking vir optimale watergebruik
wat uiteindelik lei tot effektiewe waterbesparing. Dit is ’n eenvoudige maar
doeltreffende ontwerp wat selfs deur kleuters verstaan en gebruik kan word. Haar
goue medalje het ook vir haar ‘n plek by die Eskom Nasionale Ekspo verwerf.
OKTOBER 2018
MET TROTS AANGEBIED DEUR SALES-SQUAD.COM 28