NUUS_T4-Okt 2018

(Tennis vervolg)
Hulle het hul eerste vyf wedstryde gewen
maar ongelukkig die laaste wedstryd teen
Laerskool Boerefort verloor. Harde werk
is beloon en ons seuns het ons baie trots
gemaak!
Ons is baie dankbaar vir die nuwe blad wat
die tennisbane gekry het en sien sommer
uit na die 2019 seisoen. Ons poog om
die tennisspan vir alle ouderdomsgroepe
uit te brei en doen ‘n beroep op alle
belangstellende seuns en meisies om hul
name by Me. Nicole Engelbrecht te gaan
opgee.
RUN AND RIDE
Dit is weer tyd vir ons jaarlikse Run and
Ride op 20 Oktober. Die geleentheid word
weereens by die Roodeplaat se Suidelike
Natuurreservaat gehou. Ons beloof
vermaak vir die hele gesin- kom neem
deel of ondersteun! Almal is welkom so
nooi sommer al jul vriende om ook te kom
deelneem. Daar gaan ‘n veilige kinder–
oppashoekie wees waar ons u kind besig
sal hou sodat u sonder kommer aan die
wedren kan deelneem. Verversings sal
te koop wees en elke inskrywing gaan u
‘n wedlooppakkie ontvang. Inskrywings
kan alreeds by die skool gedoen word
of u het die opsie om in te skryf by die
Natuurreservaat op die dag van die
wedloop, Saterdag 20 Oktober. Moenie
hierdie prettige Saterdag misloop nie!
KASKARDAG
Voor ons ons oë kon knip, het
kaskardag aangebreek. Ons grootste
fondsinsamelingsprojek vir die jaar
was weereens ‘n reuse sukses. Die
doelwitbedrag van R110 000 is by verre
oorskry en ‘n rekordbedrag van R150
000 is ingesamel. Graag wil ons elke
leerder, ouer en personneellid bedank
vir hul bydrae en entoesiasme. Baie
geluk aan 3E2 en 7A1 wat per leerder
die meeste geld ingesamel het! Soos
belowe met die bereiking van die
doelwitbedrag sal die graad R -7 leerders
hul skoolafdag geniet op Maandag, 29
Oktober. U sal ook binnekort inligting
rakende die kaskaruitstappies ontvang.
Die geld ingesamel sal weereens tot
voordeel van ons skool en sy leerders
aangewend word. Ons is sommer baie
trots op ons nuwe ablusieblok en sien uit
na die pawiljoen se afdakke!
OKTOBER 2018
MET TROTS AANGEBIED DEUR SALES-SQUAD.COM 26