Jierferslach 2006 - Fryske Akademy

opfolging yn de Rie fan Tafersjoch hat de Akademy yn it foarjier in útstel oan de Provinsje
Fryslân foarlein, mar de fakatuere-Douma is yn it ferslachjier net opfolle.
De Rie fan Tafersjoch fan de Fryske Akademy bestie yn 2006 út:
- de hear M.F. Koopmans (1939), Ljouwert, foarsitter (beneamd troch KNAW en
Provinsje tegearre). Koopmans is ûnder mear foarsitter fan de Stichting tot Behoud Kerkelijke
Gebouwen in Friesland; foarsitter Stichting Indiëmonument Fryslân; foarsitter Stichting
Thuiszorg Het Friese Land; foarsitter Stichting Limor te Ljouwert; foarsitter Stichting
Bibliotheekservice Fryslân; foarsitter Klachtekommisje fan de Politie Fryslân; foarsitter skoalle
Lyndensteyn te Beetstersweach; foarsitter Feriening fan Eigners fan apparteminten oan de
Wissesdwinger; statutêr direkteur fan de BV Participantenmaatschappij De Zuidlanden BV te
Ljouwert.
- Drs. J.M. Bronneman (1946), Voorburg (beneamd troch de KNAW). Bronneman is
ûnder mear fise-foarsitter fan it bestjoer fan it SIOO (ynteruniversitêr sintrum foar organisearjen,
feroarjen, fernijen en learen; foarsitter fan it College Deskundigheid Financiële Dienstverlening).
- Prof.dr. E.J. Reuland (1944), Utert (beneamd troch de KNAW). Reuland is ûnder mear
heechlearaar Linguistyk, yn it bysûnder de syntaksis, oan 'e Universiteit fan Utert; European
Editor fan Linguistic Inquiry; programmalieder fan de ûndersyksmaster Linguistics yn Utert; lid fan
de wittenskiplike rie fan it UiL/OTS.
- Drs. F.R. van der Meulen (1956), Grins (beneamd troch de Provinsje Fryslân). Van der
Meulen is manager ôfdieling Ontwikkeling & Innovatie fan de NOM, programmamanager
Stichting TxU Noord-Nederland en ponghâlder Stichting Nationaal T&U Platform.
- A. Douma (1939), Berltsum (beneamd troch de Provinsje Fryslân; oant en mei july 2006).
Douma is bestjoerslid ôfdieling Menameradiel PvdA; foarsitter Stichting Gebou Multseleane te
Berltsum; skriuwer buorskipferiening Kleaster Anjum; bestjoerslid Stichting De Grusert,
dokumintaasjesintrum Berltsum.
De Rie fan Tafersjoch hat yn it ferslachjier seis gearkomsten hân en dêrneist ha delegaasjes fan de
Rie fan Tafersjoch in kearmannich oerlis mei de bestjoerder en de subsidiïnten hân. Fierders
hawwe der twa oerlisgearkomsten mei de ûndernimmingsried west.
De beneaming fan de direkteur-bestjoerder en in yntroduksjeprogramma foar him stiene
begjin 2006 sintraal. Gauachtich nei it oantreden fan de nije direkteur waard de tuskentiidske
evaluaasje fan de Akademy en it strategysk plan foar de kommende jierren it wichtichste punt fan
besprek. Dêrneist holden finansjele sitewaasje, jierrekken en begrutting it omtinken fan de Rie fan
Tafersjoch, lykas ek de ynterne organisaasje en it útsetten fan linen ta it ferbetterjen dêrfan. In nij
tema yn it neijier wie de húsfesting fan de Akademy.
Fierders koe de Rie fan Tafersjoch yn de rin fan it ferslachjier de leden fan de nije
Maatskiplike Advysrie en fan de Wittenskipskommisje beneame.
Direkteur-bestjoerder
Foar prof.dr. Durk Gorter kaam op 1 juny 2006 in ein oan it waarnimmen fan de funksje fan
direkteur-bestjoerder. Mei yngong fan dy datum hat de Rie fan Tafersjoch fan de Fryske
Akademy prof.dr. Reinier Salverda (Arnhem, 1948) fan Londen beneamd ta direkteurbestjoerder.
Salverda wie oant dat stuit, sûnt 1989, wurksum as heechlearaar Nederlânske Taal- en
Letterkunde oan University College London. Earder wurke er acht jier oan de universiteit fan
Jakarta (Yndonesië); hy joech dêr Nederlânsk en taalkunde.
Jierferslach 2006 side 11