Jierferslach 2006 - Fryske Akademy

7 Mienskiplike Undernimmingsried Fryske Akademy/Frysk
Akademyfûns
Gearstalling
De Mienskiplike Undernimmingsried (MUR) fan de Fryske Akademy (FA) en it Frysk
Akademyfûns (FAF) bestie yn 2006 ûnferoare út: Jan Bok, Kobe Flapper, Piet Hemminga
(foarsitter), Hindrik Sijens (plakferfangend foarsitter) en Sietie Tijsma (skriuwer).
Oerlis
Op 24 april 2006 hat der in gearkomste fan de MUR en meiwurkers fan de FA/FAF west. Alle
moannen jout de MUR skriftlike ynformaasje yn it personielsblêd Op 'e Doele oer de
wurksumheden en gearkomsten.
Op 1 en op 30 maart 2006 hat de MUR gearkomsten hân mei de waarnimmend direkteurbestjoerder
fan de Fryske Akademy, prof.dr. D. Gorter. Op 8 juny 2006 is de MUR yn in oerlis
yn 'e kunde kommen mei de nije direkteur-bestjoerder, prof.dr. R. Salverda. Op 12 july, 5
septimber (ekstra oerlis), 21 septimber, 17 oktober en 30 novimber 2006 hat de MUR oerlis hân
mei de nije direkteur-bestjoerder. Om bar sit de foarsitter fan de MUR en de direkteurbestjoerder
de oerlisgearkomsten foar. As tarieding fan dy gearkomsten waard op inisjatyf fan 'e
direkteur-bestjoerder mei de foarsitter en skriuwer fan 'e MUR yn in koart oerlis de wurklist
opsteld.
Op 7 maart hat der in ekstra oerlis west mei de direkteur-bestjoerder en in delegaasje fan
de Rie fan Tafersjoch (RfT) fan de Fryske Akademy. Op 13 july 2006 wie yn deselde gearstalling
de reguliere gearkomste dy't yn prinsipe ien kear yn 't jier plakfynt.
Op 8 febrewaris 2006 hat de MUR in ynformeel petear hân mei A. Douma, lid fan de Rie
fan Tafersjoch fan de Fryske Akademy.
De MUR hie sels in gearkomsteskema dit jier fan yn trochsneed ien kear yn 'e trije wiken.
Op 29 novimber hat in delegaasje fan de MUR in oriïntearjend petear hân mei Ynez Sprong fan
Achmea Arbo oer de risiko-ynventarisaasje en -evaluaasje (RY&E) dy't op kommende wei is en
yn 'e rin fan it jier hat der geregeld kontakt west mei Tanja Magnée, de fakbûnskonsulinte fan de
KNAW.
Enkêtes
De MUR hat yn it ferslachjier twaris in skriftlike enkête ûnder de meiwurkers holden. Ein maart
is in tal fragen oangeande de gong fan saken mei it ynfieren fan it universitêre funksjeoarderingssysteem
(UFO) foarlein. En op 21 novimber is frege nei de ûnderfinings mei de Arbo
Unie. Yn beide gefallen wie de respons goed fyftich persint. Yn it earste gefal die bliken dat de
hiele gong fan saken mei it resultaat en ynfieren fan it nije systeem in soad argewaasje en
ûntefredenens oplevere hat. Yn it oare gefal waard it dúdlik dat it wurk fan de Arbo Unie, foar
safier't dêr gebrûk fan makke is, yn it algemien goed foldocht.
Jierferslach 2006 side 17