Jierferslach 2006 - Fryske Akademy

Personielsferiening
De Fryske Akademy hat in mienskiplike personielsferiening foar meiwurkers fan de Fryske
Akademy en it Frysk Akademyfûns (PFFAF). De feriening organisearret ûnder mear it jierlikse
personielsreiske. It ôfrûne jier wiene Volendam en Amsterdam it plak fan bestimming. Dêrneist
organisearre de PFFAF in rûnlieding yn Tresoar.
Op 29 septimber, de moarns foarôfgeande oan de jiergearkomste, besochten de FAmeiwurkers
Rinsumageast. Ferskate minsken fersoargen dêr lêzingen en der wie in rûnlieding
troch en om de tsjerke.
Op 21 desimber wie der in winterbuffet yn It Aljemint foar de personielsleden en oan de
ein fan deselde middeis wie der in besite oan wynpriuwerij De Flearstins yn Aldtsjerk.
It bestjoer bestie op 31 desimber 2006 út Frits van der Kuip (ponghâlder), Gelbrigje
Haringsma (skriuwer), Taeke Driebergen en Adrie Kaspers. De perioade fan foarsitter Pieter
Duijff siet der op, mar oant no ta hat him noch net in nije foarsitter oppenearre. Jacob van der
Vaart is fanwege oare drokte earder út it bestjoer gien en opfolge troch Frits van der Kuip.
It ledebestân is sa opboud: Fryske Akademy 42, Frysk Akademyfûns 8 en 3 dy't fia in oare
ynstelling by de Akademy oan it wurk binne. Dêrmei binne suver alle Akademymeiwurkers lid fan
de feriening.
Personeelsorgaan
De Fryske Akademy jout foar syn meiwurkers it personeelsblêd Op 'e Doele út. It krantsje wurdt
digitaal opmakke en yn de twadde wike fan de moanne fia yntranet ferspraat ûnder de
personeelsleden. Troch fotokopyen wurde noch sa'n 30 eksimplaren ferspraat ûnder
bestjoersleden en (âld-)meiwurkers. De redaksje bestiet út Froukje Hijma en Wytske Rypma
De kopij foar de personeelskrante wurdt sammele by de redaksje. Anonime ynstjoerings en
stikken sûnder dúdlike ôfstjoerder wurde net opnommen. De ynhâld bestiet meast út fêste
rubriken.
Jierferslach 2006 side 75