Jierferslach 2006 - Fryske Akademy

12 Bysûndere foarmen fan (publyks)kommunikaasje
Brekpunt-lêzingen
Yn it ferslachjier waard foar it seisde winterskoft ûnder de namme Brekpunt in rige
middeisskoftlêzingen organisearre. De organisaasje wie yn hannen fan Duijff (Taalkunde) en Van
der Vaart (FSW).
Op it programma stienen yn it kalinderjier 2006:
- 18 jannewaris: Lútsen Kooistra, haadredakteur/direkteur Friesch Dagblad, mei In
sjoernalistyk Brekpunt;
- 15 febrewaris: Kees de Haan, arsjitekt, mei In arsjitektoanysk Brekpunt;
- 15 maart: Han Nijdam, âldfrisist Fryske Akademy, mei In liiflik Brekpunt;
- 12 april: Paul van Gessel, direkteur toeristysk buro Fryslân, mei In toeristysk Brekpunt;
- 11 oktober: Hans Feenstra, foarsitter Rie fan Bestjoer soarchfersekerder De Friesland,
mei In soarchsum Brekpunt;
- 8 novimber: Arno Gielen, direkteur fan Technologie Centrum Noord Nederland, mei In
ekonomysk-technologysk Brekpunt;
- 13 desimber: Jacob van der Vaart, ûndersiker plattelân en lânskip Fryske Akademy, mei
In geografysk Brekpunt.
Oer hiel 2006 wienen der trochinoar 45 besikers fan de gearkomsten. Opfallend wie dat
foar de simmer, doe't de tagong noch 5 euro wie, trochinoar 55 minsken op de lêzingen ôfkamen
en nei de simmer, doe't de tagongspriis nei 6,50 ferhege wie, noch mar 32 yn trochsneed.
Frouljuslêzingen/Akademy-lêzingen
Yn it seizoen 2005/2006 dienen rom 700 froulju en in hantsjefol manlju mei oan de tradisjonele
rige frouljuslêzingen fan de Fryske Akademy. De dielnimmers binne yn dat winterskoft lykas
wenst yn fjouwer groepen ferdield, ien yn Ljouwert, ien yn Drachten, ien yn Snits en ien op It
Hearrenfean.
Alle groepen krigen in programma fan acht lêzingen, ferdield oer fjouwer dagen yn de
wintermoannen. Op sokke dagen is der moarns in lêzing (folge fan gelegenheid ta diskusje)
tusken 10.00 en 12.00 oere en middeis in lêzing (en diskusje) fan 13.30 oant 15.30 oere.
De organisaasje wie yn hannen fan Duijff-Veenstra en Van der Meulen.
De lêzingen en sprekkers yn 2005/2006:
* Thom Mercuur, direkteur Museum Belvédère, Oranjewâld: Moderne keunst yn Fryslân.
* dr. Gerbrant van Vledder, Alkyon Hydraulic Consultancy & Research, Emmeloord:
Tsunami's en hurricanes – alleen maar in verre landen?
* Meiwurkers fan it buro Nationaal Coördinator Terrorismebestrijding NCTb, De Haach:
Nederland kwetsbaar voor terrorisme?
* Brenda Ottjes, koördinator Diskriminaasjemeldpunt Tûmba, Ljouwert: Hoe tolerant is
Nederland nu echt?
* Elsie Sloot, opfiedingssaakkundige by Ouders Online, Rotterdam: Kind grijpt de macht in het
gezin!
* Prof.dr. Frits de Lange, heechlearaar Etyk en rektor fan de Theologische Universiteit
Kampen: Goed oud worden.
Jierferslach 2006 side 60