Jierferslach 2006 - Fryske Akademy

Op 24 novimber waard ûnder in sympoasium it mânske boek Dêr't it tilt fan diert' en
blommen... 200 jier fjildbiology foar natoer en gea yn Fryslân presintearre. De útjefte waard besoarge fan
G.P. Hekstra, L.G. Jansma en D.T.E. van der Ploeg silger.
Op 13 desimber ferskynde de Grammatica Fries fan Jan Popkema. Dêrmei is der sûnt sa'n
fyftich jier wer in Nederlânsktalige spraaklear fan it Frysk.
Parseberjochten yn 2006
Troch de ôfdieling Direksjesekretariaat & Kommunikaasje binne 11 parseberjochten ferstjoerd.
Yn de skreaune media binne likernôch 45 berjochten ferskynd oer likernôch 33
ûnderwerpen fan de FA algemien en de wurkferbannen. De fakgroepen Sosjale Wittenskippen en
Skiednis, Letterkunde en Nammekunde hiene beide 21 uterings yn de blêden, oangeande
respektivelik 18 en 17 ûnderwerpen. De teller bleau foar de fakgroep Taalkunde stean op 8
uterings oangeande 7 ûnderwerpen.
Guon meiwurkers waarden yn it ferslachjier ynterviewd foar ûnderskate media. Sa wie der
op 27 desimber in ynterview mei Jelske Dijkstra yn de Leeuwarder Courant. Direkteurbestjoerder
Reinier Salverda spande de kroan mei seis ynterviews: yn de Leeuwarder Courant yn
april, NRC Handelsblad yn maaie, de Haagse Post yn july, it Friesch Dagblad yn oktober, De
Moanne yn oktober-novimber en KNAW-Akademienieuws yn desimber. Johan Frieswijk waard
ynterviewd foar Friesland Post oer Jobbegea en helle De Volkskrant mei in bydrage oer Nij Altoenae.
Dielnimmen oan radio- en tv-útstjoerings
Boersma
Wurke mei oan in ôflevering oer de Fryske Taal yn 'e searje Ymport fan Omrop Fryslân; it
giet dêrby om lytse dokumintêres, makke troch ymportfries en dokumintaasje- en
filmmakker Steven de Winter; de opnamen binne makke op 21-2-2006 op 'e
wurdboekseal, de útstjoering wie op 27-2-2006.
Frieswijk
Yn programma 'Omnium' fan Omrop Fryslân-radio oer 1 maaie, op 1 maaie.
Frieswijk
Yn programma 'Omnium' fan Omrop Fryslân-radio oer 100 jier beropsûnderwiis, yn
oktober.
Frieswijk
Yn programma 'Llink' fan Omrop Fryslân TV oer de feanterij, yn oktober 2006.
Hemminga, Piet (2006)
Yn programma 'Omnium' fan Omrop Fryslân-radio oer it politike jier 2006, op 5
jannewaris.
Hemminga, Piet (2006)
Yn programma 'Brekking' fan Omrop Fryslân-tv oer ferkiezings foar de gemeenterieden
op 7 maart.
Hemminga, Piet (2006)
Yn programma 'Omnium' fan Omrop Fryslân-radio oer de kwestje mei Ayaan Hirsi Ali,
op 16 maaie.
Hemminga, Piet (2006)
Yn programma 'Omnium' fan Omrop Fryslân-radio oer troanrede 2006 op 19 septimber
Jierferslach 2006 side 63