à rsmelding HFK 2008N.pdf - Politiske saker - Hordaland ...

OPPLÆRING
Digital skule har vore
eit satsingsområde
for Hordaland
fylkeskommune i
fleire år.
Elevar ved
Langhaugen
videregåaende skole
forska på korleis
elevane brukar
nettkjelder som
Wikipedia.
Konklusjonen er at
elevane er for
ukritiske.
For forskinga sin
vann elevane frå
Langhaugen
«Holbergprisen i
skolen» i 2008.
Her jublar frå venstre:
Tobias Martens,
Sondre Aasen
Aukland, Daniel
Nygård og Børge
Mastberg.
var eit satsingsområde i 2008. Opplæringsavdelinga
arrangerte ein vellukka todagars-konferanse for om lag
20 prosent av lærarane i den vidaregåande skulen. Målet
var å spreia gode døme på praktisk bruk av digitale
verktøy i undervisninga.
SIKT-prosjektet (Sats på IKT) der fire skular deltek
vart ført vidare i 2008. SIKT-skulane skal utvikla
kompetanse og driva utveksling av erfaringar som skal
delast med dei andre skulane i fylket.
Ordninga med e-pedagogar hevar òg kompetansen
innan IKT (informasjons- og kommunikasjonsteknologi)
. E-pedagogar er personar med spisskompetanse
innan dei digitale verktøya som skulane nyttar i undervisninga.
Desse stillingane vert vurdert avvikla når
prosjektperioden er over i 2010.
Nytt av året var ordninga med ein e-koordinator ved
kvar skule. Dette er ein ressursperson i pedagogisk bruk
av IKT. E-koordinatorane er faste stillingar ved skulane.
Hordaland fylkeskommune deltek i eit fellestiltak for
fylkeskommunane (med unntak av Oslo) – Nasjonal
digital Læringsarena (NDLA) – for å fremja utviklinga
av gratis digitale læremiddel for alle elevane i den
vidaregåande skulen i heile landet.
Elevinntak
18 647 personar søkte plass ved dei vidaregåande
skulane til Hordaland fylkeskommune i 2008, ein auke
på 415 søkjarar frå 2007. Tal søkjarar med Ungdomsrett
var 17 309, som var 136 fleire enn i 2007. Dette er
likevel 243 færre enn auken frå ungdomsskulen skulle
tilseia, og skuldast særleg at det er vorte fleire lærefag i
samband med gjennomføring av Kunnskapsløftet.
Ved fellesinntaket for skuleåret 2008-09 hadde
Hordaland 18 000 elevplassar, 352 færre enn i 2007.
Nedgangen skriv seg frå at fleire yrkesfag som hadde
tre år i skulen under Kunnskapsløftet, er lagde om til
lærefag med to år i skulen. Til dømes er den tidlegare
hjelpepleiarutdanninga med tre år i skule no lærefag
innan Helsearbeidarfaget. Mindre justeringar i fagtilbodet
på grunn av lita interesse frå søkjarane førte også
til at talet på elevplassar var litt mindre enn i 2007.
Ved 1. inntaksomgang hadde 96 % av søkjarane frå
10. klasse fått tilbod om plass ved sitt første kursønskje.
Totalt fekk 90,3 % av søkjarane til alle årssteg plass
på det første kursønskjet sitt. Dette er ein auke på 1,9 %
samanlikna med 2007. Det er positivt at så mange
søkjarar får oppfylt første kursønskjet sitt. Faren er at
det kan føra til at så mange søkjer til populære fag at
det kan vera vanskeleg å skaffa nok læreplassarar i desse
faga. Samtidig kan det verta for få søkjarar til læreplassar
i andre fag, til dømes helsefaga.
Det er framleis slik at nærskulane står sterkt i fylket
generelt og i bydelane i Bergen. Bortsett frå at søkjartalet
Viktige utdanningshendingar
2008
● 18 647 personar frå Hordaland søkte plass
ved fylkeskommunen sine vidaregåande
skular – fleire enn nokon gong før.
● Søkjarane til plass i vidaregåande skule fekk
melding per mobiltelefon om at inntaksresultatet
kunne sjåast på www.vigo.no.
● Tredje kull Vg 1 i skulereforma
Kunnskapsløftet starta hausten 2008.
● Fagskuleutdanning i Eldreomsorg og Psykisk
helsearbeid starta hausten 2008.
● Det vart oppretta stilling som e-koordinator
ved alle dei vidaregåande skulane.
● Senter for yrkesrettleiing vart gjort
permanent.
● 37 skular har 70,9 mill. kr avsett på fond.
● Arbeidsstart på store tilbygg ved Austevoll
og Kvinnherad vidaregåande skular.
Årsmelding 2008 11