à rsmelding HFK 2008N.pdf - Politiske saker - Hordaland ...

KULTUR OG IDRETT
I tillegg til dei statlege spelemidlane gjev fylkeskommunen
investeringstilskot til fylkesidrettsanlegg. Dette
er anlegg som har høg standard der det kan haldast
norske meisterskap og internasjonale idrettsarrangement.
For 2008 vart det gjeve tilskot på 1 mill. kr til
Sveio golfbane og 2,1 mill. kr til Skutle langrenn/
skiskyttaranlegg, Voss.
Produksjon og formidling
Fyhnd – Fylkesmusikarane i Hordaland – vidareførte
prosjektet «I same båt», eit samarbeid mellom Hardanger
Fartøyvernsenter, fylkesmusikarane i Hordaland og
Sogn og Fjordane. Til saman vart det halde 22 konsertar
om bord på S/J Mathilde.
FYHND er namnet på ein cd med folkemusikk som
vart spelt inn på kunsthuset Kabuso, og fylkeskommunen
var plateselskap.
I samband med Hauge/Tveitt-jubileet var musikarar
på ein omfattande turne på ungdomsskular i Hordaland
og til Orknøyane.
Den kulturelle skulesekken (DKS) gav tilbod til 32
kommunar og om lag 34 000 grunnskuleelevar i 2008.
I tillegg fekk åtte vidaregåande skular skulesekktilbod.
Bergen kommune fekk sine DKS-midlar til grunnskulen
direkte tildelt. I 2008 engasjerte DKS på fylkesnivå om
lag 100 kunstnarar. Til saman 40 turnear vart
gjennomførde i grunnskulen og vidaregåande skule.
For skuleåret 2008-09 vart Hordaland tildelt om lag
11,1 mill. kr til DKS. Av desse gjekk 1 mill. kr til DKS
i vidaregåande, og i underkant av 4 mill. kr direkte til
Bergen kommune. Nær halvparten av dei resterande
spelemidlane gjekk til kommunane og regionane, der
målet er at dei skal få høve til å utvikla eigne kulturelle
skulesekkar.
Prøveordninga med DKS i vidaregåande opplæring
vart vidareført og utvida skuleåret 2008-09. Målet er at
alle dei vidaregåande skulane i Hordaland skal få tilbod.
I 2008 har DKS i Hordaland produsert og
gjennomført kompetansehevingstiltak for lærarar,
mellom anna innan film.
Vandreutstillinga «Sjekk det håret» vart opna av
fylkesordføraren på Osterøy museum i mars 2008.
Utstillinga handlar om idear knytt til hår og mangfald i
hårmotar, og er produsert av fylkeskommunen og
Museumssenteret i Hordaland v/Osterøy museum i
samarbeid med m.a. fleire bibliotek og museum i fylket.
Utstillinga«Chillegrunn» vart nominert til Gullsekken
2008 – DKS sin pris som vert utdelt av Kulturog
kyrkjedepartementet og Norsk Tipping.
Fylkeskonsertane. Hordaland fylkeskommune og Rikskonsertane
reforhandla våren 2008 samarbeidsavtalen
om produksjon og distribusjon av skulekonsertar, som
omfattar 75 % av skulekonsertverksemda i fylket.
Informasjon om program og turnéplanar vert distribuert
via DKS si nettside, og slik får skulane eit samla oversyn
over programma.
I 2008 vart det halde i alt 32 konsertprogram med i
alt 864 konsertar i fylkeskommunal regi i grunnskulane
i Hordaland. Konsertprogramma speglar dei ulike
sjangrane frå folkemusikk via klassisk til rock. Konsertog
omvisningsopplegget på Troldhaugen vart ført
vidare, med 2500 elevar på vitjing.
Fylkeskommunen nyttar for det meste frilansmusikarar
frå Hordaland, i alt 94 i 2008. Tre frilansmusikarar
reiste til Edinburgh og Cardiff og arrangement
knytt til vinterfestivalane.
285 unge deltok i fylkesmønstringa Ungdommens
kulturmønstring UKM 2008 i Grieghallen 12.-13. april.
Det var som tidlegare Hordaland Barne- og ungdomsråd
som sto for arrangementet. I forkant av dette var det
1000 deltakarar i mønstringar rundt om i heile fylket.
Fylkesmønstringa resulterte i at 25 deltakarar reiste
vidare til landsmønstringa i Trondheim i juni for å delta
med ulike kunstformar, den største delegasjonen
Hordaland har delteke med i landsmønstringa. Det er
aukande interesse for UKM, og i 2008 passerte UKM
25 000 deltakarar på landsbasis.
Kulturnett Hordaland http://hordaland.kulturnett.no/
er den nest største i ein felles kulturdatabase i det store
Kulturnett Noreg. Ut over nødvendig vedlikehald, har
Kulturnett Hordaland i 2008 vore engasjert med
førebuing til Kulturminneåret 2009, og vore leiar for ei
nasjonal gruppe for emneord og gjenfinning. Ei satsing
er kalla«Digitalt fortalt» – der ein ønskjer bidrag frå
heile landet om«Dagliglivets kulturminne». Elles vart
kulturkalenderen lagt om i løpet av 2008, og er no ein
godt utbygd kalender for Hordaland.
Årsmelding 2008 31