Ãrsmelding HFK 2008N.pdf - Politiske saker - Hordaland ...

More documents

Recommendations

Info

REGIONAL UTVIKLING Miljøprisvinnarane «Folkeaksjonen i Hardanger for kraftoverføring med sjøkalbel» saman med fylkesordførar Torill Selsvold Nyborg (t.v.) og leiar i kultur- og ressursutvalet Helge André Njåstad (t.h.). Prisvinnaren var representert ved styremedlem Leiv Sandven (nr. 2 frå venstre), Mona Hellesnes (ordførar i Ulvik), Jan Ivar Rødland (ordførar i Granvin) og Klaus Rasmussen (dagleg leiar i folkeaksjonen). Universell utforming Lov om forbund mot diskriminering på grunn av nedsett funksjonsevne (diskriminerings- og tilgjengelighetslova) og ny plan- og bygningslov skjerpar krava til universell utforming. Bergen kommune og fylkeskommunen har felles prosjektleiar med utgangspunkt i fylkesdelplanen Deltaking for alle – Universell utforming. Eit tiltak er få premissane for universell utforming inn så tidleg som mogleg i planlegginga av nye bygg, anlegg og uteområde. I samarbeid mellom innkjøpsseksjonen, Bergen kommune og Time og Klepp kommunar i Rogaland er det utarbeidd ein rettleiar for å ivareta universell utforming i offentlege innkjøp. Rettleiaren har vekt interesse nasjonalt og skal leggast ut på offentlege nettsider. Eigedomsseksjonen har kartlagt tilgjenge i alle vidaregåande skular etter Statsbygg sitt program Bygg for alle. Hordaland er den første fylkeskommunen som gjer dette, og arbeidet blir ført vidare med ein publikumsmodul. Tilgjenge i tre folkebibliotekfilialar: Stord folkebibliotek og Fjell og Kvam folkeboksamlingar er kartlagde etter same program. I samarbeidsprosjektet Helleren skole og symjeanlegg med Bergen kommune er universell utforming følgd spesielt opp i dei ulike fasane i planlegginga av bygget. Gjennom BRAG programmet (Betre infrastruktur, Rullande materiell, Aktiv logistikk) og Bergensprogrammet har fylkeskommunen utarbeidd plangrunnlag for oppgradering av Åsane og Loddefjord bussterminalar med fokus på universell utforming. Innan friluftsliv og reiseliv er det ytt tilskott til universelt utforma kulturløype i Fjell kommune. Verna bygg og anlegg har og fått støtte. Masfjorden kommune har fått tilskot til universell utforming av nothuset på Sandnes. Energi Det er stor interesse for å byggja ut meir vasskraft i Hordaland, og i 2008 vart 12 konsesjonssaker handsama politisk. 10 småkraftverk (134 GWh) og 2 overføringsprosjekt (111 GWh) kan samla gje 245 GWh ny vasskraft i fylket. I februar 2008 vart planprogram for fylkesdelplan for småkraftverk vedteke. Fylkesutvalet rådde frå å gje konsesjon til Kollsnes vindpark som kan gje 94,5 GWh om den vert realisert. Det er også lagt fram meldingar om andre kraftprosjekt som er under planlegging. To større vasskraftprosjekt kan samla gje 222 GWh, eit kolkraftverk på Husnes kan gje 3 TWh og vindpark på Radøy kan gje frå 80-178 GWh . Det er aukande aktivitet også på kraftlinesida. Søknaden for 300 kV Kollsnes-Mongstad sette ei ny større kraftlinesak på sakskartet. Fylkeskommunen påklaga NVE sitt vedtak om å gje konsesjon til luftline på strekninga for den omstridde 420 kV kraftlina frå Sima til Samnanger. Miljø Under fylkestinget i oktober 2008 vart fylkeskommunen sin miljøpris for 2007 tildelt Folkeaksjonen i Hardanger for kraftoverføring med sjøkabel for å ha skapt eit stort folkeleg, fagleg og tverrpolitisk engasjement for ny kraftlinepolitikk i Noreg som tar betre omsyn til landskap og naturkvalitetar. Med sertifisering av Årstad tannklinikk i oktober fekk fylkeskommunen sitt tredje miljøfyrtårn. Område for friluftsliv – kartlegging og verdsetting For få betre verktøy for kommunar og regionale styresmakter i arealplanlegging, arealforvaltning og sakshandsaming har Fylkesmannen i Hordaland og Hordaland fylkeskommune i fellesskap og i samarbeid med kommunane gjennomført prosjektet «Kartlegging og verdsetting av regionale friluftsområde i Hordaland» – avslutta i 2008. Kart og annan informasjon er tilrettelagt for lesing på Internett. Målgruppa er primært dei som arbeider med arealplanlegging. Data er tilgjengeleg på www.norgedigitalt.no og som temakart på www.kart.ivest.no/hordaland. Det er laga prosjektrapport og informasjonsbrosjyre. 24 Årsmelding 2008
REGIONAL UTVIKLING Strategisk bruk av EU-program i regional utvikling EU-program er viktige reiskapar i regionalt utviklingsarbeid. Næringslivet, offentleg forvaltning, utdanningsinstitusjonar får høgkvalitetstilbod for utvikling av europeiske samarbeidsprosjekt og ny kompetanse, nettverk og EU-finansiering. Fylkeskommunen sitt Europakontor brukar resultat frå prosjekt i eitt program over i andre program og har ein 3-punkt-strategi for bruk av programma: Mobilisering – informasjons- og rettleiingsarbeid, Prosjektutvikling i samarbeid med aktørar i fylket og i ulike europeiske regionar og Spesialisering – programkompetanse, rådgjevingstenester og prosjekthjelp. Partnarskapsbygging i Thüringen (Tyskland), Gorenjska (Slovenia) og Liguria(Italia) resulterte i 2008 i prosjektutvikling innan næringsutvikling, entreprenørskap, reiseliv, samarbeid skule-næringsliv mm. Leonardo da Vinci-programmet (Ldv) er eit enkelt og effektivt program for å knyta kontakt mellom aktørar og verksemder i Hordaland og i europeiske regionar. Erfaringsoverføring og prosjektdeltaking gjev deltakarane verdfull ny kompetanse og nye nettverk. EU-stipend i yrkesretta opplæring skaper gode føresetnader for næringsutvikling. Europakontoret sendte i 2008 ut 61 elevar og 21 tilsette frå ulike verksemder til 7 land til opphald i 1-13 veker. Ungdom satsar på den lokale vidaregåande skulen som har eit internasjonaliseringstilbod. Kvinnherad vidaregåande skule har i stor grad nytta seg av LdVstipend dei siste åra og ei tidlegare nedleggingstruga byggfagline har i 2008/2009 to heile klassar. Satsing på Vestlandsrådet Vestlandsrådet er eit politisk samarbeidsorgan med 20 medlemer, 5 vald av og blant fylkestinget sine medlemer i Rogaland, Hordaland, Sogn og Fjordane og i Møre og Romsdal. Leiarskapen går på omgang. Hordaland fylkeskommune hadde leiaransvaret i 2008 og rådet hadde 4 møte. Rådet har arbeidd med å utvikla eit strateginotat, og har vedteke at det skal haldast eit felles fylkesutvalsmøte i mai 2009 med sikte på å utarbeida ein traktat for det vidare samarbeidet. Andre viktige saker i 2008 var m.a.: – Arbeid for prioritering av E39 Kyststamvegen – Ekspressbuss Vestland, som er tenkt som eit gjennomgåande ekspressbusstilbod mellom Stavanger og Trondheim – Tildeling oppdrettskonsesjonar for laks og aure – Utvikling av Vestlandsprogrammet for nye oppdrettsartar – EU sin maritime politikk – EU sin samhøyrepolitikk (regionalpolitikk) – Kystskogbruket – Ulikskap i ressursar mellom helseføretaka – Nynorske læremiddel i vidaregåande skular – Innspel til statsbudsjettet for 2008 tilbod om praksis i utlandet har vist seg å vera ein vellukka rekrutteringsstrategi. Ungdom vert i distriktet og dette aukar sjansen for at dei vert buande, skaper eigne arbeidsplassar og medverkar til berekraftige lokalsamfunn. Aktiv Ungdom-programmet tilbyr ungdom som ikkje er i eit utdanningsløp praksisplass i Europa og i Nord- Afrika, eit alternativ og supplement til det formelle skulesystemet. Personleg utvikling og auka kompetanse er ein ressurs for Hordaland og Europakontoret sendte i 2008 12 volontørar, for 2 til 12 månader, til Romania, Spania, Frankrike, Tyskland, Wales, Sverige og Nederland. Tema var m.a. media og kommunikasjon, ungdomsinformasjon, natur og miljø, kunst og kulturminnevern. Fem ungdomar og to leiarar frå ein barneheim tok del i ein multinasjonal ungdomsleir i Cardiff, Wales. Hordaland fylkeskommune v/Europakontoret er Nasjonalt kontaktpunkt for Nordsjøprogrammet og arbeidde i 2008 systematisk med prosjekt- og partnarskapsutvikling. Resultat er m.a. at Bergen kommune er kopla på prosjektet MARE (Managing Adaptive Responses til Changing Flood Risk in the North Sea Region) og Bergen media by på prosjektet NSSP (North Sea Screen Partnership). Vest-Norges Brusselkontor (VNB) kunne i 2008 sjå tilbake på fem års arbeid med å setja vestlandsregionen sine interesser og ekspertise på EU-kartet. VNB formidlar m.a. EU-informasjon i nyhendebrevet Brusselnytt og handsamar førespurnader frå regionen og medlemene. I 2008 følgde VNB særleg utviklinga i EU sin regionalpolitikk og satsa på kompetanseheving for 300 personar gjennom seminar i Brussel. 30 – dei fleste frå Hordaland, deltok m.a. på nettverksbygging under Open Days i oktober der i alt 7000 personar var innom. VNB og 11 andre regionar arrangerte seminar om klimaendring og berekraftig energi og fekk synt resten av Europa arbeidet regionen vår gjer på dette feltet. Europakontoret og kontaktpersonar i Sogn og Fjordane og Møre og Romsdal er heimeapparat for VNB. Kvinnherad vidaregåande skule har i stor grad nytta seg av LdV-stipend dei siste åra. Her er ein byggfagklasse i Spania fotografert saman med lokale representantar. Årsmelding 2008 25
Page 2 and 3: VIKTIGE HENDINGAR Viktige hendingar
Page 4 and 5: INNHALD Om årsmeldinga Årsmelding
Page 6 and 7: Grafen viser utviklinga av netto re
Page 8 and 9: ØKONOMISK OVERSYN KOSTRA-oversikta
Page 10 and 11: * Kolonna viser rekneskapsmessig av
Page 12 and 13: OPPLÆRING I 2008 vart dei første
Page 14 and 15: OPPLÆRING Satsing mot at elevar og
Page 16 and 17: KOSTRA-oversikta viser utviklinga i
Page 18 and 19: REGIONAL UTVIKLING Stimulera til n
Page 20 and 21: REGIONAL UTVIKLING og til Fjord Nor
Page 22 and 23: REGIONAL UTVIKLING Fylkeskommunen e
Page 26 and 27: REGIONAL UTVIKLING Internasjonal sa
Page 28 and 29: KULTUR OG IDRETT Skuteviksboder 11-
Page 30 and 31: KULTUR OG IDRETT Leiaren i Kultur-
Page 32 and 33: SAMFERDSEL Passasjervekst på 3,3 %
Page 34 and 35: SAMFERDSEL 1) Bompengeringen i Berg
Page 36 and 37: ORGANISASJON Fleire årsverk og st
Page 38 and 39: ORGANISASJON Fylkesvaraordførar To
Page 40 and 41: Administrativ organisering Fylkesr
Page 42 and 43: Politiske leiarar Torill Selsvold N
Page 44: HORDALAND FYLKESKOMMUNE Nøkkeltal

Ã rsmelding HFK 2008N.pdf - Politiske saker - Hordaland ...

You also want an ePaper? Increase the reach of your titles

Delete template?

Save as template?

Ãrsmelding HFK 2008N.pdf - Politiske saker - Hordaland ...