Ãrsmelding HFK 2008N.pdf - Politiske saker - Hordaland ...

More documents

Recommendations

Info

KULTUR OG IDRETT Skuteviksboder 11-14 i Bergen, etter brann 7. september 2009, som øydela store kulturminneverdiar. Kulturminnevern Det er arbeidd med tilstandsvurdering av freda kulturminne i fylket og starta opp ein gjennomgang av alle eldre og ikkje avslutta fredingssaker. På oppdrag frå Riksantikvaren gjennomførte Hordaland fylkeskommune tilstandsregistrering av profane mellomalderbygningar i Rogaland, Hordaland og Sognog Fjordane. Etter ein lang periode vart reguleringsplan for Odda smelteverk godkjend i 2008. Odda kommune og Hordaland fylkeskommune har gjort sams politiske vedtak om å fremja søknad om verdsarvstatus for kulturmiljøet Odda smelteverk og Tyssedal kraftanlegg. Det vart innleidd samarbeid med Deutsches Technikmuseum, Berlin, og Voss kommune knytt til freda flyvrak på Kvitanosi i Voss. Hovudbygningen på Stend hovedgård er den einaste freda bygningen i fylkeskommunal eige, og er no teken i bruk som representasjonslokale. Ein salong frå 1600- talet er gjort ferdig, men det står att ein del restaureringsarbeid i bygningen. Brann i sjøbodene i Bergen Skuteviksboder 11-14 vart først sterkt skadde i brann, og seinare brann Lehmkuhlboden. Det er arbeidd mykje med dokumentasjon av området, som grunnlag for vedtak om sikring, og for å vita kva som skal setjast i stand, attreisast, eller frigjevast. Det er gjort vedtak om attreising av Skuteviksbodene 11-14. For Lehmkuhlboden vert det høve til noko friare tiltak. Kulturhistoriske registreringar I 2008 gjennomførte fylkeskommunen meir enn 80 arkeologiske granskingar i samsvar med § 9 i Lov om kulturminne. Det vart gjort funn av automatisk freda kulturminne i om lag 45 % av sakene. Sakene med potensial for funn av automatisk freda kulturminne, utgjorde ein svært avgrensa del av samla tal plansaker som fylkeskommunen fekk til vurdering. Mellom dei viktigaste sakene var registreringa langs trasé for 420kV kraftleidning Sima-Samnanger med 215 nye registreringar av kulturminne (111 automatisk freda og 77 kulturminne frå nyare tid, etter år 1537). Av dei mest oppsiktsvekkjande funna var ei tuft på Nystøl i Kvam, datert til siste del av steinalderen (2100 f.kr). I Voss kommune avslutta ei forundersøking av kulturminne i samband med kommunedelplan for Myrkdalen. Det vart registrert 112 kulturminne, der anlegg knytt til stølsdrift var i klart fleirtal, m.a. tufter, steingardar og rydningsrøyser. Dei fleste kulturminna skriv seg frå tida etter reformasjonen, men det er òg fleire som truleg går attende til mellomalder og jernalder. I Porsvika og Kvernavika i Sund kommune vart det registrert ni buplassar frå steinalderen. Buplassane er mellom 4000 og 8000 år gamle og tilpassa liv med fiske og fangst. I samband med kraftutbygging i fjella mellom Åkrafjorden i Etne og Blåfalli i Kvinnherad, vart det kartfesta klebersteinsbrot på garden Tøsse ved Åkrafjorden. Klebergrytene er truleg frå vikingtid eller mellomalder. På Flatøy i Meland kommune vart tre nye steinalderlokalitetar registrert. Seks kjende lokalitetar vart nærare avgrensa og dokumenterte. Høgd over havet og funnmaterialet plasserer dei tidsmessig til siste del av eldre steinalder og første del av yngre steinalder (6000–8000 år gamle). I samband med reguleringsforslag for gravplass i Stord kommune, vart det ved maskinell flateavdekking på Kattatveit påvist i alt 101 strukturar/nedgravingar. Fleire av desse skriv seg truleg frå bygningar og eldstader. I Austevoll kommune vart det registrert to buplassar frå steinalder på Prestaneset. Arbeid med bergkunst i Hordaland I Hordaland finn ein mange helleristningar eller bergkunst. Bergkunsten er rissa eller hogge inn i 28 Årsmelding 2008
KULTUR OG IDRETT svaberg, på bergknattar og steinar. Dei fleste ristningane i Hordaland er frå bronsealderen (2500 – 4000 år gamle). I 2008 har ein utarbeidd oversyn over ristningane og lagt kartfestingane inn i Askeladden (nasjonal base for kulturminne). Det er satsa ekstra to stadar med mange ristningar; Herand i Jondal og i Etne kommune. Ulike måtar å reingjera felta på er testa ut, og for enkelte er det diskutert lyssetting som kan prøvast ut. Bergen museum og fylkeskommunen gjorde i 2008 ei mindre undersøking ved Håhaugsteinen i Ullensvang med omvisningar for skuleklassar, vitjande og media. Det vart gjennomført tilsyn og skjøtsel på ristningsfeltet Vangdal i Kvam kommune på gropfelt i Ullensvang, og på fleire felt i Etne. Kontroll av helleristningar på Helgaberg, Stødle i Etne. Anna lokal formidling Samarbeidsprosjektet med Osterøy Museum og lokalmiljøet om formidling gjennom skilt, brosjyre, tilrettelegging og stigar. Det er sett opp fleire kulturminneskilt i løpet av 2008: Gjerstad på Osterøy, Voss (Hanguren og Kvitanosi), Uggdal i Tysnes og Sunde i Kvinnherad. Museum Etter at museumsreforma i Hordaland vart fullført i 2007 har Hordaland ni konsoliderte museumseiningar. I tråd med vedtekne satsingar har fylkeskommunen prioritert ferdigstilling av fellestenestene ved Museumssenteret i Hordaland. Denne store satsinga er gjort over fleire år og tiltaket går vidare i 2009. Samla driftstilskot til musea i Hordaland i 2008 var om lag 34 mill kr, ein auke på 2,4 % frå 2007. Som ei oppfølging av den statleg initierte museumsreforma gjorde fylkestinget 14.10.2008 vedtak om rullering av Fylkesdelplan for museum. Planen skal gje retning til den regionale politikken på feltet frametter og vil mellom anna ha merksemd på musea som samfunnsaktørar og på gjennomføringa av fylkeskommunal politikk på feltet. Gjennom den politiske merksemda som museumsfeltet har hatt i Hordaland fylkeskommune, er det naturleg at planen gjev offensive politiske føringar for vidare arbeid. Kulturbasert verdiskaping To prosjekt der fylkeskommunen har vore initiativtakar, vart i 2008 etablert som internasjonale prosjekt under Interreg-programma. Det eine; Économusé Northern Europe (ENE), får støtte frå Nordperiferiprogrammet. Det andre, vidareføringa av Nordsjøløypa under prosjektnamnet Coast Alive! (CA!), ligg under Nordsjøprogrammet. Begge prosjekta har fire års prosjektperiodar, og begge prosjekta har Hordaland fylkeskommune som leiande partnar (Lead Benficiary). ENE omfattar område frå Russland sine vestlege regionar til Canada sin austkyst. Verksemder som satsar på å verta reiselivs- og kulturopplevingar, blir kalla«economuseum», men dei vert ikkje museum i vanleg forstand. Opplegget aukar omsetjing av produkt direkte til kjøparar, og gjev eit meir solid grunnlag for vidareføring av handverkskunnskapane. I Canada er dette konseptet solid utprøvd med eit levande nettverk av meir enn 50 slike verksemder. Målet er å skipa 18 handverkssenter og 18 nye arbeidsplassar i Europa, derav fem av kvar i Hordaland. Aurlandskoen vert planlagt lansert som det første economuseum i Nord-Europa sommaren 2009. Verksemda har allereie fått ny tru på framtida og to nye arbeidsplassar. KOSTRA-tal kultur KOSTRA-oversikta viser utviklinga i Hordaland fylkeskommune 2005- 2008. For 2008 vert Hordaland også samanlikna med Rogaland fylkeskommune og gjennomsnittet for fylkeskommunane utan Oslo. Horda- Horda- Horda- Horda- Roga- Gj.snitt land land land land land u Oslo 2005 2006 2007 2008 2008 2008 Netto driftsutgifter til kultursektoren i prosent av samla netto driftsutg ................ 2,5 2,9 3,3 2,7 3,7 2,9 Netto driftsutgifter i alt til kultursektoren per innbyggjar i kroner ......................... 144 177 224 201 273 232 Netto driftsutgifter bibliotek per innbyggjar i kroner............................................... 12 13 14 14 9 28 Netto driftsutgifter museum per innbyggjar i kroner .............................................. 63 67 74 74 66 57 Netto driftsutgifter kunstformidling/produksjon per innbyggjar i kroner................. 39 44 45 49 71 75 Netto driftsutgifter idrett per innbyggjar i kroner ................................................... – 3 12 42 13 0 21 Netto driftsutgifter andre kulturaktivitetar per innbyggjar i kroner ......................... 33 41 49 51 127 50 Brutto investeringsutgifter, kultursektoren per innbyggjar i kroner ........................ 73 57 9 19 0 5 Brutto driftsutgifter kultursektoren per innbyggjar i kroner .................................. 330 363 408 393 462 451 Årsmelding 2008 29
Page 2 and 3: VIKTIGE HENDINGAR Viktige hendingar
Page 4 and 5: INNHALD Om årsmeldinga Årsmelding
Page 6 and 7: Grafen viser utviklinga av netto re
Page 8 and 9: ØKONOMISK OVERSYN KOSTRA-oversikta
Page 10 and 11: * Kolonna viser rekneskapsmessig av
Page 12 and 13: OPPLÆRING I 2008 vart dei første
Page 14 and 15: OPPLÆRING Satsing mot at elevar og
Page 16 and 17: KOSTRA-oversikta viser utviklinga i
Page 18 and 19: REGIONAL UTVIKLING Stimulera til n
Page 20 and 21: REGIONAL UTVIKLING og til Fjord Nor
Page 22 and 23: REGIONAL UTVIKLING Fylkeskommunen e
Page 24 and 25: REGIONAL UTVIKLING Miljøprisvinnar
Page 26 and 27: REGIONAL UTVIKLING Internasjonal sa
Page 30 and 31: KULTUR OG IDRETT Leiaren i Kultur-
Page 32 and 33: SAMFERDSEL Passasjervekst på 3,3 %
Page 34 and 35: SAMFERDSEL 1) Bompengeringen i Berg
Page 36 and 37: ORGANISASJON Fleire årsverk og st
Page 38 and 39: ORGANISASJON Fylkesvaraordførar To
Page 40 and 41: Administrativ organisering Fylkesr
Page 42 and 43: Politiske leiarar Torill Selsvold N
Page 44: HORDALAND FYLKESKOMMUNE Nøkkeltal

Ã rsmelding HFK 2008N.pdf - Politiske saker - Hordaland ...

Create successful ePaper yourself

Delete template?

Save as template?

Ãrsmelding HFK 2008N.pdf - Politiske saker - Hordaland ...