à rsmelding HFK 2008N.pdf - Politiske saker - Hordaland ...

Miljørapport 2008
Energibruken i fylkeskommunale bygg i 2008 er om lag
uendra frå året før, men litt meir bruk av fjernvarme. Talet
på flyreiser gjekk litt ned, bilkøyring i teneste auka noko
og det same gjorde CO2-utsleppa frå reiseverksemda.
Mindre bruk av fyringsolje gav redusert CO2-utslepp.
CO2-utslepp
Utslepp av CO2 frå fylkeskommunen si reiseverksemd
auka med 30 000 tonn frå 2007 til 2008. Utsleppa i 2008
var 794 000 tonn. Utslepp frå flyreiser gjekk ned, medan
auka bilbruk gav større utslepp.
Oppvarming med fyringsolje gjekk ned i 2008, og
dermed minka CO2-utsleppa tilsvarande. Nøyaktige tal
manglar, men reduksjonen er stipulert til 85 tonn.
Den største delen av CO2-utsleppa innan fylkeskommunen
sitt ansvarsområde kjem frå kollektivtrafikken.
Det er sannsynleg at utsleppa frå kollektivtrafikken
auka sidan transportarbeidet var større. I det
samla biletet treng ikkje det vera negativt. Kollektivtrafikken
er eit verkemiddel for å bidra til reduksjonar i
klimagassutsleppa på andre felt (privatbilar). I det
minste på kort sikt kan ein utsleppsauke vera positiv
dersom fleire reiser kollektivt.
Fleire tok buss og båt i fylket i 2008 enn året før.
Både for bil- og båtruter auka passasjerkilometer meir
enn køyrde kilometer, noko som tyder på betre kapasitetsutnytting
og bidrag til å avgrensa CO2-utsleppa.
CO2-utsleppa frå busstrafikken er sett til 0,06 kg CO2
per passasjerkilometer (CIVITAS 2008), medan utsleppa
per km køyring med privatbil er på rundt 0,16 kg.
Energibruk
Mengda registrert innkjøpt energi til fylkeskommunal
verksemd var 56,3 mill. kWh i 2008 som er nesten
uendra frå 2007 då forbruket var 56,1 mill. kWh. I 2005
var forbruket 55,6 mill. kWh og i 2006 53,4 mill. kWh.
Vel 90 % av energibruken er elektrisk straum.
Prosentdelen elektrisk straum har vore aukande, medan
bruken av fyringsolje har gått ned. Fjernvarme levert
frå BKK auka til 4,4. % (2007: 3,1 %). Mykje av auken
frå 2007 til 2008 forklarast ved at Bergen katedralskole
hausten 2007 vart knytt til fjernvarmenettet. Frå før er
fjernvarme nytta på Sandsli og Langhaugen vidaregåande
skular og i Fylkeshuset.
ORGANISASJON
Miljørapporten til Hordaland fylkeskommune
for 2008 omfattar dei klimaog
miljødataa for fylkeskommunen sin
aktivitet som det er mogleg å skaffa på
noverande tidspunkt. Arbeidet med å
innføra rutinar som gjer det mogleg å få
fram fleire, meir detaljerte og meir
korrekte data til miljørapportering for
seinare år held fram.
Innkjøpt energimengde varierer noko frå år til år, men
ser ut til å vera svakt aukande over tid.
Forbruket av fyringsolje er minkande. I mange bygg
er det mogleg å skifta mellom olje og elektrisk straum
til oppvarming, og endringar i fordelinga kan skje t.d.
på grunn av endringar i prisane.
Prosentvis fordeler energikjøpet seg slik etter
energikjelde i 2008, med tal for 2007 i parentes:
Elektrisk straum 91,3 % (92,1 %), fyringsolje 4,3 %
(4,9 %) og fjernvarme frå BKK 4,4 % (3,1 %). Noko
biobrensel vert nytta ved Voss jordbruksskule.
Reiser
I 2008 vart det reist 5 493 strekningar med fly i
fylkeskommunal teneste, ein nedgang på 4,6 % frå året
før. Talet på tenestereise med overnatting viser nedgang
på ca. 10 % frå 2007.
Tenestekøyring med bil var til saman på ca. 1,7 mill.
km i 2008, ein auke 16,1 % frå 2007. Auken heng saman
med at fleire køyrer bil i teneste og at dei i gjennomsnitt
køyrer lenger.
Fylkestinget vedtok i 2007 kjøp av CO2-kvotar på
alle fylkeskommunale flyreiser, og dette vart sett i verk
på nyåret 2008. Det vart kjøpt klimakvotar for 117 000
kr i 2008.
Papirbruk
Papirforbruket i 2008 var på 186 tonn. Forbruket
fordeler seg med 76 % på skulane, 22 % i fylkesadministrasjonen
og 2 % i tannhelsetenesta. Samanliknbare tal
for 2007 er ikkje tilgjengelege.
Energibruk Hordaland fylkeskommune 2005-2008
Endring Endring
Forbruk målt i kWh 2005 2006 2007 2008 2005-08 2007-08
Straumforbruk 50 796 603 46 808 795 51 686 982 51 400 716 604 113 – 286 266
Fyringsolje 2 731 870 4 686 940 2 738 410 2 426 200 – 305 670 – 312 210
Fjernvarme 2 069 570 1 889 370 1 714 270 2 485 930 416 360 771 660
Totalt forbruk 55 598 043 53 385 105 56 139 662 56 312 846 714 803 173 184
Tabellen viser kvantum energi innkjøpt i året. Gjeld innkjøp frå hovudleverandørane.
Årsmelding 2008 39