Ãrsmelding HFK 2008N.pdf - Politiske saker - Hordaland ...

More documents

Recommendations

Info

REGIONAL UTVIKLING og til Fjord Norge AS med 1 370 000 kr til kvar. Bergen Vitensenter fekk 1,5 mill. kr til drift. Konsesjonskraftmidlar til regionale utviklingsprosjekt Fylkesutvalet fordelte i mai 2008 21 mill. kr til regionale utviklingsprosjekt av midlane for åra 2008-10: - Os kunst- og kultursenter (4,5 mill. kr) - Kompetansesenter for avansert maskinering ved Osterøy vidaregåande skule (2,0 mill. kr) - Historisk grunn Onarheim på Tysnes (2,0 mill. kr) - Trallebana Skjeggedal (2,0 mill. kr) - Kunstnarhus i Fartein Valen sitt landskap (0,5 mill. kr) - Hardanger rehabiliteringssenter (seinare døypt om til Gnist AS) (10 mill. kr) Prioriterte satsingar Marin sektor I 2008 var fylkeskommunen bidragsytar i ei rekkje marine utviklingsprosjekt, m.a. utvikling av system for betre plassering av oppdrettsanlegg, initiativ for berging av Vossolaksen, rekruttering til marin sektor og opplæring av tilsette i barnehagar for auka bruk av sjømat. Prosjektet Smak av kysten er ein stor suksess med 28 medlemsverksemder som gjennom felles kompetansebygging har auka salet av sjømat. Særskild Mongstadprosjektet viktig for regionen Anleggsaktiviteten er stor på Mongstad med bygging av energiverk (til høgre i biletet), oppgradering av raffineriet og etablering av testanlegg for CO2- reinsing. Hordaland fylkeskommune ynskjer at staten si storsatsing på CO2-prosjektet på Mongstad skal koma heile hordalandsregionen til gode. Staten skal bruka fleire titals milliardar kroner for å etablera eit fullskala reinseanlegg for CO2 og utvikla ein kommersiell konkurransedyktig reinseteknologi. På denne bakgrunnen har fylkesordføraren i nært samarbeid med Hordaland Olje og Gass sett i gang eit større prosjekt med mål å posisjonera bergensregionen i forhold til staten si satsing på CO2- prosjektet på Mongstad. Fase 1 i dette prosjektet er nyleg avslutta med ein rapport som synleggjer fire fagfelt som særleg aktuelle for regionen å satsa vidare på: – Næringsutvikling basert på bruk av naturgass innan petrokjemi og energi – Teknologiutvikling knytt til CO2- reinsing – Vidareutvikling av lokal næringsverksemd – Utvikling av kompetanse og infrastruktur i regionen Hordaland fylkeskommune har vedteke å føra arbeidet vidare, og det er nedsett ei styringsgruppe som har ansvaret for oppfølging. Styringsgruppa er samansett av representantar for fylkeskommunen, dei aktuelle kommunane i Nordhordland, næringslivet, FoU-miljøet og Innovasjon Noreg. Hordaland Olje og Gass er prosjektleiar for arbeidet som særleg skal fokusera på: – CO2-området knytt til etableringa av teknologisenteret og fullskala reinseanlegg på Mongstad – Regional samfunnsutvikling I tillegg skal det arbeidast vidare med å utgreia bruk av naturgass til petrokjemisk verksemd og energi. Gruppa har m.a. fått i mandat å: – Definera aktuelle satsingsområde for lokalt næringsliv og lokale FoU-miljø knytt til CO2- prosjektet på Mongstad – Utarbeida prosjektplan for å utvikla ei CO2- klynge – Utarbeida prosjektplan for regional samfunnsutvikling knytt til Mongstadutbygginga – Innhenta nødvendig kompetanse for å gjennomføra arbeidet Resultata frå arbeidet skal vera klare i løpet av 1. halvår og danna grunnlaget for neste steg i prosessen, med oppstart 2. halvår 2009. Planen er at næringslivet kjem inn med satsing på konkrete tiltak og aktivitetar som kan gje ny næringsverksemd og verdiskaping i regionen. 20 Årsmelding 2008
merksemd på miljø og kultur resulterte i samarbeid om lukka system for oppdrett, visingssenter for tørrfisk i Sandviken og for akvakultur ved Kystmuseet i Øygarden. Fylkeskommunen sin innsats på dette feltet vert koordinert av arbeidslaget Verdiskaping i kystsona. Vestlandsprogrammet for nye oppdrettsartar er forankra i Vestlandsrådet. Programmet er ei felles satsing på Vestlandet der fokus er utvikling og kommersialisering av nye oppdrettstartar. I 2008 hadde fylkeskommunen ved arbeidslaget Verdiskaping i kystsona sekretariatet og leia programgruppa. I tillegg til fylkeskommunane deltek Innovasjon Noreg og Noregs Forskingsråd og frå 2009 er Fiskeri- og havbruksnæringa si landsforeining (FHL) med i programgruppa. Samarbeid om programmet har ført til god kontakt mellom fylkeskommunane på det marine feltet. Innsatsen i 2008 hadde fokus på å utvikla betre finansieringsordningar for bedriftene. Programmet ynskjer å sikra oppbygging av kompetanse m.a. ved god kopling til VRI-programma i fylka. God lokalisering er viktig for lønsemda i akvakulturnæringa og ein har satsa på verktøy for lokalisering og planlegging gjennom eit prosjekt knytt til AkvaVis. Det er gjennomført og sett i gang fellesprosjekt innan utvalde artar (blåskjel, hummar, torsk, kamskjel og østers). Døme på profilering er deltaking og støtte til Sjømatkonferansen i Bergen, foredrag på Skjelkonferansen i Kristiansand og 3 informasjonsark med brei distribusjon. Kvar av dei fire fylkeskommunane i Vestlandsrådet løyvde 1 mill. kr til programmet i 2008. Totalbudsjettet var 5,3 mill. kr. Fylkeskommunen har ansvar for forvalting av skjelsandressursen i Hordaland. Det var 9 konsesjonar i fylket per 1.1.2009. To konsesjonar vart godkjende i 2008. Skjelsandopptaket i 2008 var 34 270 m 3 . Reiseliv Hordaland er mellom dei fremste reiselivsfylka i Noreg. Stor variasjon i opplevingar gjer reiselivsnæringane her viktige. Dei omset årleg for 13-16 milliardar kroner og kring 16 000 personar har daglege inntekter frå næringa. Talet på kommersielle overnattingar i fylket, 2,6 millionar (SSB), stabiliserte seg for 2008 på eit høgt nivå etter år med stor vekst. Innanlandsmarknaden gjekk opp 4,4 % og utanlandsmarknaden ned 6,1 %. I høve til resten av landet har fylket styrkt seg innanlands, men er svekka på utanlandsmarknaden. Fylkeskommunen skal medverka til å leggja betre til rette for verdiskaping innan reiselivsnæringane i fylket, både på eigne ansvarsområde og i samarbeid med næringsaktørar og andre eksterne samarbeidspartar. Arbeidslaget reiseliv er fylkeskommunen sin spydspiss i dette arbeidet. Reiseliv er eit satsingsområde på alle nivå, og i Regionalt utviklingsprogram for Hordaland peika ut som ei av fem næringar med særlege føremonar. Semje om felles mål og vilje til å la utviklingsarbeidet dekkja meir enn berre sitt eige område er avgjerande. Reiselivsstrategi for Hordaland 2009-2015 er utvikla saman med næringsaktørane, kunnskapsmiljø og andre offentlege organ og skal handsamast politisk i 2009. Forum Reiseliv Hordaland koordinerer reiselivsarbeidet og drøftar 5-6 gongar i året ulike spørsmål. Den nye årlege fylkeskonferansen Møteplass reiseliv- Hordaland er ein annan viktig arena for samhandling. REGIONAL UTVIKLING Omstilling Tiltaksområdet Omstilling og nyskaping er eit ekstraordinært verkemiddel som skal nyttast til tiltak i område som står framfor omfattande utfordringar knytte til sysselsetting og omstilling i næringslivet. Fylkeskommunen overtok frå 2003 ansvaret for årlege rammer – omstillingsløyvinga og retningsliner for omstillingsprogrammet. Omstillingsarbeidet skal gjennomførast i partnarskap mellom lokale og regionale aktørar. Innovasjon Noreg er sentral i kvalitetssikring av framdrift og resultat. Innanfor omstilling og nyskaping vart det i 2008 fokusert på arbeidet i omstillingsprogrammet Flytt til Hardanger, i omstillingsselskapet Ålvik Vekst Kvam KF, og i dei konkrete omstillingsprosjekta Tysnes 3012 og Lokalsamfunnsutvikling i Masfjorden. Grunnlaget for arbeidet var Sårbarheitsanalysen for Hordaland 2006, statistikk, retningsliner for Program for omstilling og nyskaping i Hordaland og fylkesutvalet sine årlege politiske vedtak om fordeling av omstillingsmidlane. Eit viktig omstillingsprosjekt: Flytt til Hardanger Hordaland fylkeskommune har i lag med Hardangerkommunane Granvin, Ulvik, Eidfjord, Ullensvang, Kvam, Odda og Jondal starta eit større omstillingsprosjekt Flytt til Hardanger (mai 2007- mai 2010) med ei kostnadsramme på 10,8 mill. kr, der fylkeskommunen sin del var 7,4 mill. kr. Prosjektet er basert på dugnad, og mange er med i prosessen med å få fleire innbyggjarar til Hardanger. Her er engasjement og kompetanse på dei ulike arbeidsområda. 60 personar deltek i 8 delprosjekt. Eit viktig prosjekt er etablering av ungdomsråd for å ivareta aktive ungdomar som vil delta i debatten kring og utforminga av lokalsamfunna. Det finst i 2008 ungdomsråd i seks av sju kommunar, og ein førebur no skipinga av eit regionalt Hardanger ungdomsråd. Folketalet viser i 2008 ein auke med 34 personar i dei sju hardangerkommunane mot nedgang i åra før, så ein undrar på om trenden har snudd. For meir informasjon og detaljerte handlingsplanar sjå www.flytttilhardanger.no. Som skiløparen i Røldal tek omstillingsprosjektet «Flytt til Hardanger» sats. Målet er å snu trenden med fråflytting og få tilflytting og vekst i folketalet. Årsmelding 2008 21
Page 2 and 3: VIKTIGE HENDINGAR Viktige hendingar
Page 4 and 5: INNHALD Om årsmeldinga Årsmelding
Page 6 and 7: Grafen viser utviklinga av netto re
Page 8 and 9: ØKONOMISK OVERSYN KOSTRA-oversikta
Page 10 and 11: * Kolonna viser rekneskapsmessig av
Page 12 and 13: OPPLÆRING I 2008 vart dei første
Page 14 and 15: OPPLÆRING Satsing mot at elevar og
Page 16 and 17: KOSTRA-oversikta viser utviklinga i
Page 18 and 19: REGIONAL UTVIKLING Stimulera til n
Page 22 and 23: REGIONAL UTVIKLING Fylkeskommunen e
Page 24 and 25: REGIONAL UTVIKLING Miljøprisvinnar
Page 26 and 27: REGIONAL UTVIKLING Internasjonal sa
Page 28 and 29: KULTUR OG IDRETT Skuteviksboder 11-
Page 30 and 31: KULTUR OG IDRETT Leiaren i Kultur-
Page 32 and 33: SAMFERDSEL Passasjervekst på 3,3 %
Page 34 and 35: SAMFERDSEL 1) Bompengeringen i Berg
Page 36 and 37: ORGANISASJON Fleire årsverk og st
Page 38 and 39: ORGANISASJON Fylkesvaraordførar To
Page 40 and 41: Administrativ organisering Fylkesr
Page 42 and 43: Politiske leiarar Torill Selsvold N
Page 44: HORDALAND FYLKESKOMMUNE Nøkkeltal

Ã rsmelding HFK 2008N.pdf - Politiske saker - Hordaland ...

Create successful ePaper yourself

Delete template?

Save as template?

Ãrsmelding HFK 2008N.pdf - Politiske saker - Hordaland ...