Ãrsmelding HFK 2008N.pdf - Politiske saker - Hordaland ...

More documents

Recommendations

Info

OPPLÆRING Satsing mot at elevar og lærlingar vel bort vidare utdanning I 2008 vart det nytta ca. 5 mill. kr til ulike tiltak same nivå som året før. Tiltaka omfattar: Styrking av rådgjevingstenesta, lærekandidatordninga, støtte til hybelkoordinatorar, tiltak for minoritetsspråklege elevar, forsøk med fleksibel opplæring, leksehjelp, sommarskule, fadderordning og einskildtiltak på skular. Vidareutdanningstilbod for rådgjevarar er gjennomført i samarbeid med Høgskolen i Bergen med 76 deltakarar. Samlingar for rådgjevarane i heile grunnopplæringa hadde over 400 deltakarar. Vidareutdanning i entreprenørskap heldt fram i 2008, og 27 lærarar deltok. Yrkesrettleiinga, som er eit viktig satsingsområde for å motverka feilval, er styrkt ved at Senter for yrkesrettleiing frå 1.1.2008 vart permanent organisert under Hordaland fylkeskommune ved opplæringsavdelinga. Nav og fylkeskommunen har gjennom ein partnarskapsavtale inngått eit økonomisk samarbeid der Nav finansierer ein av fem stillingar. Fram til og med våren 2008 var arbeidet ved senteret avgrensa til Bergen og kommunane Øygarden, Fjell og Sund. Med auka bemanning i 2008 har senteret vore i stand til å utvida fokuset sitt til å gjelda heile Hordaland. Det har utvikla ein metodikk, som sikrar at kvar 9.-klasse på alle dei 90 ungdomsskulane i fylket nå får eit møte med ein yrkesutøvar innanfor alle dei ni yrkesfaglege utdanningsprogramma i vidaregåande opplæring. Også studiespesialiserande utdannings-program vert dekt. På årsbasis utgjer dette om lag 900 møte. Lærekandidatordninga er eit alternativ til full fagopplæring og vert avslutta med eit kompetansebevis for lærekandidaten. Bedrifter som tek inn lærekandidatar, har dei siste åra fått eit starttilskot på kr 25 000. 29 nye kontraktar vart inngått i 2008. Prosjekt med fleksibel opplæring starta opp i samarbeid med Sandsli og Åsane videregående skoler, Fitjar vidaregåande skule og Nav i 2007. Tiltaket omfattar ei prøveordning med kombinasjon skulebedrift med utplassering i bedrift frå første skuleår og med høve til å ta større del av opplæringa i bedrift. Opplegget sikrar tettare oppfølging under opplæringa. Det vart starta opp tre nye klassar frå hausten 2008. For minoritetsspråklege elevar vart tiltaket med leksehjelp utvida i høve til føregåande år. Det vart gjeve tilbod om sommarskule med eksamensrett i matematikk og norsk. Ca. 20 elevar deltok i 2008. Begge desse tiltaka har vore arrangerte i samarbeid med Røde Kors Hordaland. Forsøk med fadderordning vart utvida til 12 skular i 2008. Informasjonsmøte for føresette til elevar i grunnskulen vart utvida til to samlingar i Bergen og fekk svært god oppslutning. Handlingsplan mot diskriminering av homofile og lesbiske Handlingsplanen mot diskriminering av homofile og lesbiske – vedteken av fylkestinget 11.12. 2007 - er grunngjeven i det generelle antimobbearbeidet som vert gjort på skulane. Når det er laga ein plan spesielt for denne gruppa, er det ut i frå at homofile og lesbiske på mange måtar er spesielt utsette for negative omtalar, handlingar og haldningar. Fokus for arbeidet legg vekt på at det skal vera fullt ut akseptert å vera homofil eller lesbisk i Hordaland fylkeskommune sine skular. Dei tiltaka som inngår i planen, er i hovudsak generelt informasjonsarbeid kring homofili og homofile sin situasjon samt arbeid med haldningar. Årstad videregående skole har mange minoirtetsspråklege elevar. Skuleåret 2007-08 var det meir enn 100 elevar med slik bakgrunn ved skulen. Skulen brukte mangfaldsåret til fleirkulturell synleggjering. Biletet er frå ein Tanzaniadag ved skulen. 14 Årsmelding 2008
OPPLÆRING Kunnskapsløftet – kompetanseutvikling Tiltaksplanen for kompetanseutvikling hadde ei økonomisk ramme på 25 mill. kr. I 2008 starta det siste kullet med elevar (Vg3) opplæringa etter Kunnskapsløftet. Lærebedriftene tok imot det første kullet med lærlingar etter Kunnskapsløftet, og 12 personar gjennomførte fagprøve i det nye Helsearbeidarfaget. I samband med nyorganisering av skuleleiinga har kompetanseheving av avdelingsleiarane vore prioritert, meir enn 200 deltakarar vart kursa. Dei 17 fagutvala for Kunnskapsløftet har arrangert 117 fagsamlingar med i alt 3 500 deltakarar. I tillegg kjem kompetansehevingstiltak som skulane gjennomfører på eigen arbeidsplass. Fagopplæringskontoret har utvikla kurspakker for instruktørar og prøvenemnder. I 2008 vart det halde 28 kurs for 510 instruktørar og faglege leiarar. Det vart halde 48 kurs for 715 medlemer i prøvenemnder. Kvar månad var det informasjonsmøte for nye lærebedrifter med ca. 20 deltakarar kvar gong. I tillegg har det vore gjennomført ca. 40 bedriftsmøte som del av kvalitetsoppfølginga. Oppfølgings- og pedagogiskpsykologisk teneste (OT/PPT) OT/PPT gjennomførte i 2008 endring av leiarstruktur og overgang frå fem til tre regionar. Målet er å få betre vilkår for styring og oppfølging, større lokal råderett over ressursar og verkemiddel, fleksibilitet i å nytta fagkompetansen i tenesta og eit betre og meir samordna tilbod til brukarane. LP-modellen (Læringsmiljø og pedagogisk analyse) er eit toårig pilotprosjekt som starta i 2008 ved to vidaregåande skular. Dette er ein analysemodell som hjelper lærarar til betre å forstå og handtera utfordringar i eigen praksis. Prosjektet er eit samarbeid med Lillegården kompetansesenter. VIP er ein del av den nasjonale satsinga for psykisk helse i skulen og står for Veiledning og Informasjon om Psykisk helse hos ungdom. OT/PPT har medverka i innføring av prosjektet i vidaregåande skular og driv rettleiing undervegs. Programmet føreset tverrfagleg og tverretatleg samarbeid mellom skule og helsepersonell. I 2008 var det ein gjennomgang av korleis ungdom som er utan opplæring (OT-ungdom), vert følgde opp. Ein overordna samarbeidsavtale er inngått med NAV for å sikra at det tverretatlege arbeidet fungerer for at ungdom som ikkje er i opplæring, kan oppnå ein kompetanse. Eit sentralt forum i arbeid innan OT/PPT er ressursteama i skulane. Frå å vera eit organ der mykje fokus har vore på enkeltsaker i form av elevar som treng ekstra tiltak, har ein dei siste åra retta arbeidet tettare mot det pedagogiske arbeidet hjå den enkelte skulen. Eit viktig mål har vore å få ressursteamet til å bli ein endringsarena der fokuset er å utvikla arbeidet med tilpassa opplæring. Noko av det mest sentrale i OT/PPT-arbeidet er å førebyggja at ungdom fell utanfor vidaregåande opplæring. Det har i 2008 vore eit sterkt fokus på systemarbeidet knytt til psykososiale vanskar. Tilvisingar av saker på dette området har over tid vore aukande, men vart i 2008 redusert. I lang tid er det drive eit målretta arbeid overfor skulane i korleis dei skal handtera kartlegging og tilrettelegging i høve til lese- og skrivevanskar. Generelt legg OT/PPT vekt på å fokusera på situasjonen kring eleven i motsetnad til tidlegare då fokus meir var retta mot eleven sjølv. OT/PPT i Hordaland står bak satsing på LP-modellen (Læringsmiljø og pedagogisk analyse) og er eit toårig pilotprosjekt som starta i 2008 ved to vidsregåande skular. I gruppa som arbeider med den nye pedagogiske modellen på Tertnes videregående skole er desse med: Sigrid Andersen (OT/PPT, f.v.), Nina Ludvigsen (OT/PPT-sjef), Anita Mæland (Statped Vest), Reidun Johannessen (OT/ PPT), Svein Nybø (Tertnes vgs), Torunn Tinnesand (Lillegården), Janne Støen (Lillegården), Anne Lise Ullebø (OT/ PPT) og rektor Grete Berg Kirkeeide. Grafen viser utviklinga i tal elevar i vidaregåande skule tilvist til OT/PPT fordelt etter kva type vanskar elevane hadde i perioden 2004-2008. Årsmelding 2008 15
Page 2 and 3: VIKTIGE HENDINGAR Viktige hendingar
Page 4 and 5: INNHALD Om årsmeldinga Årsmelding
Page 6 and 7: Grafen viser utviklinga av netto re
Page 8 and 9: ØKONOMISK OVERSYN KOSTRA-oversikta
Page 10 and 11: * Kolonna viser rekneskapsmessig av
Page 12 and 13: OPPLÆRING I 2008 vart dei første
Page 16 and 17: KOSTRA-oversikta viser utviklinga i
Page 18 and 19: REGIONAL UTVIKLING Stimulera til n
Page 20 and 21: REGIONAL UTVIKLING og til Fjord Nor
Page 22 and 23: REGIONAL UTVIKLING Fylkeskommunen e
Page 24 and 25: REGIONAL UTVIKLING Miljøprisvinnar
Page 26 and 27: REGIONAL UTVIKLING Internasjonal sa
Page 28 and 29: KULTUR OG IDRETT Skuteviksboder 11-
Page 30 and 31: KULTUR OG IDRETT Leiaren i Kultur-
Page 32 and 33: SAMFERDSEL Passasjervekst på 3,3 %
Page 34 and 35: SAMFERDSEL 1) Bompengeringen i Berg
Page 36 and 37: ORGANISASJON Fleire årsverk og st
Page 38 and 39: ORGANISASJON Fylkesvaraordførar To
Page 40 and 41: Administrativ organisering Fylkesr
Page 42 and 43: Politiske leiarar Torill Selsvold N
Page 44: HORDALAND FYLKESKOMMUNE Nøkkeltal

Ã rsmelding HFK 2008N.pdf - Politiske saker - Hordaland ...

You also want an ePaper? Increase the reach of your titles

Delete template?

Save as template?

Ãrsmelding HFK 2008N.pdf - Politiske saker - Hordaland ...