Navigare 2 - 2018

FRITIDSBÅTKONFERANSEN
VIL HA SERTIFIKATKRAV FOR
FØRARAR AV RASKE BÅTAR
– Vi ser ein klar fartsauke på sjøen, og det bør difor innførast eit eige sertifikat for raske båtar,
sa kommunikasjonssjef i Redningsselskapet, Frode Pedersen. Det var han ikkje den einaste som tok
til orde for under Fritidsbåtkonferansens paneldebatt.
KARI STAUTLAND
Redaktør Navigare, Sjøfartsdirektoratet
I
panelet sat også Ole Petter Parnemann
frå Politidirektoratet, Jon Skålheim frå
Kystvakten, Tore Nygaard frå Kystradiostasjonene,
Egil Olsen frå Kongelig
Norsk Båtforbund, og Sjøfartsdirektoratets
Petter A. Søreng. Oppgåva frå debattleiar
Ole Henrik Nissen-Lie var rett og slett å
peika på tryggleiksutfordringane på sjøen,
og å svara for kva som kan redusera
risikoen til sjøs. Ingen sa seg usamde i
fors laget om å vurdera eit eige sertifikat
for førarar av raske båtar.
SAMSTEMTE
– Ja! Vi kan ikkje ha det slik at ein kan
kjøpe seg en båt og kjøra i 70 knop
innaskjærs utan noko form for regulering.
Slik er det ikkje i andre land, sa Parnemann,
medan Nygaard og Skålheim nikka
samtykkande.
– Vi reiste dette i 2012, men førebels
har det ikkje vore politiske signal om at
dette er på trappene. Fram til den tid
kjem, må vi sjå på kva vi kan gjera med
utvikling av båtførarprøven og haldningsskapande
arbeid, sa Søreng, som leiar den
nyoppretta seksjonen for fritidsbåtar i
Sjøfartsdirektoratet. Like samstemte var
ikke debattantane då spørsmålet om promillegrensa
på sjøen kom på bordet.
TOK OPP PROMILLE
– Vi har ein litt spesiell situasjon her i
landet med ei promillegrense på 0,2 på
land og 0,8 på sjøen. Er det eit problem,
spurte debattleiar Nissen-Lie. Medan
Olsen meinte gevinsten med ei lågare
promillegrense ville vera liten, viste Søreng
igjen til til 2012, då det blei laga ein rapport
for å sjå på kva som kan gjera båtlivet
tryggare.
– Gruppa landa den gong på at det bør
bli gjort ei vurdering av promillegrensa.
Ein promille på 0,8 kan gjera at folk blir
meir risikovillige. Sjøfartsdirektoratet meiner
at ein skal vera heilt edru når ein fører
båt, men dette med promillegrensa har vi
ikkje tatt stilling til, sa han. Parnemann frå
Politidirektoratet tok på si side til orde for
ei differensiert promillegrense.
– Risikoen er ikkje den samme i ei lita
snekke som i ein stor cabincruiser, sa han.
STÅR PÅ HALDNINGAR
Debattantane meinte også at det gjenstår
ein del arbeid med å endra haldningane til
eigen tryggleik, særskilt hos godt vaksne
menn, som er overrepresenterte på ulykkesstatistikkane.
– Dei siste tre månadene har 16 døydd
i trafikken. På sjøen er talet 17. Vi kunne
tenkt oss ein større effekt av vestpåbodet,
men det kjem kanskje på sikt. Eg trur og
at vi har ein viktig jobb å gjera når det
gjeld denne gruppa vi har her, godt vaksne
menn, som ikkje er flinke nok til å tenka
på eigen tryggleik, sa Pedersen.
Jon Skålheim, som er mykje ute på
sjøen i jobben i Kystvakten, meinte å sjå
ein positiv tendens blant fritidsbåtbrukarane.
– Vi ser ei klar endring når det gjeld
vestbruken i opne fritidsbåtar, no ser vi
nesten ingen som er ute i desse utan vest,
så det er ei positiv utvikling, sa han.
12 | Navigare 2 - 2018