Create successful ePaper yourself
Turn your PDF publications into a flip-book with our unique Google optimized e-Paper software.
i ulykker der dødmannsknapp ikkje har
vore brukt. Dette er noko av det som er
lagt til grunn når regjeringa vil vurdera å
innføra eit krav om dødmannsknapp og
bruk av denne. Sjøfartsdirektoratet har
fått i oppdrag å vurdera saka, og sjå på
nytteverdien av å innføra eit slikt krav.
BÅTUTLEIGE
Kvart år skjer det alvorlege ulykker i
samband med utleige av fritidsfartøy. SHT
sette fokus på dette då dei kartla fritidsbåtulykker
i 2018. Dei stilte spørsmål om
tryggleiken til leigetakar er godt nok ivaretatt
gjennom dagens reguleringar. Regjeringa
ber difor Sjøfartsdirektoratet om å gjera ei
vurdering av tryggleiken ved slik verksemd.
Her skal det mellom anna vurderast om det
er behov for fleire krav til utleigar, førar,
fartøy og utstyr, og samstundes dei
administrative og økonomiske konsekvensane
ei eventuell endring kan gi.
BETRE FAKTA- OG STATISTIKKGRUNNLAG
Kunnskapsgrunnlaget for tiltaksplanen i
Nasjonal handlingsplan mot fritidsbåtulykker
kjem i stor grad frå Statens
havarikommisjon for transport (SHT) si
kartlegging av fritidsbåtulykker frå 2018.
Mellom anna blei det her synleg at
Sjøfartsdirektoratet kan få fram eit betre
fakta- og statistikkgrunnlag for ulykker
både med og utan omkomne. Dette blei
gjenteke i stortingsmeldinga, og Sjøfartsdirektoratet
har difor fått ei konkret
bestilling på området. Sjøfartsdirektoratet
blir også oppmoda om å innhenta fleire
data frå relevante etatar og organisasjonar,
og om å sjå til SHT sin metode
for innhenting av data.
– For å veta kva vi skal jobbe vidare
med, til dømes i haldningsskapande
arbeid, er det viktig med eit godt statistikkgrunnlag,
seier seksjonssjef Petter A.
Søreng i Sjøfartsdirektoratet.
Eit av tiltaka for å betra faktagrunnlaget,
forutan metode for innhenting av data, er
å registrera ulykker med hardt skadde.
Sjøfartsdirektoratet har eit nasjonalt ansvar
for å føra statistikk over fritidsbåtulykker. I
dag registrerer ein berre fritidsbåtulykker
med omkomne. Dette vil bli utvida til å
omfatta ulykker med hardt skadde.
Dette vil gje eit mykje betre faktagrunnlag
for vårt vidare arbeid. Sjøfartsdirektoratet
jobbar mot null omkomne i
samband med bruk av fritidsbåt. Når me
veit meir om korleis ulykkene skjer får me
også betre forutsetningar for å betra det
forebyggande arbeidet, seier Søreng.
REVIDERING AV SMÅBÅTLOVA
Siste del av bestillinga frå regjeringa
omhandlar småbåtlova. I stortingsmeldinga
kjem det fram at regjeringa skal revidera
denne, men framdriftsplanen for dette
arbeidet er ikkje kjent ennå.
Navigare 4 - 2019 | 21