Tomando Chimarrão com os Macacos - Parte 1

La s-ciopa la gaveo belche in tera, go tirà el
facon del fodro e lo go butà fora dela serca. Mi e i
can, ben tegnesti, gavemo spetà par veder come la ndaria
fora de questo incontro mai visto compagno.
Cofà un miràcolo, straordinàrio, se ga fato un ciaro slusente, na
tòrcia de fogo la ga iluminà la note scura. Una figura indefinia la
tegnea la tòrcia de luse, la ga ciapà le me arme, intanto altre luce le
se impissava e ghe go rivà veder i me can, che i zera drio manifestarse
de na maniera stramba, come se i fusse drio capir, pi che mi, cossa
zera drio suceder.
Con pi de na disena de ciari impissadi, el scapoeron el zera ciaro
come se fusse di, go visto devanti de mi un simioto tanto vècio,
pròpio quel che el gavea parlà con mi tuto el tempo. Vardando
meio, go visto tanti altri simioti lì darente.
32