ud#43 (25853)

14
№43 (25853)
2020-тӥ ар 5-тӥ шуркынмон
Шоркар
Кызьпу арама кузя
Та нуналъёсы Ижысь
Кызьпу арамаез умоятонъя
концепциен
тодматскон ортчиз.
Ужрад онлайн амалэн
радъяськиз ке но, солэн
ужаз 70-лэсь уно адями
пыриськиз, котькудӥз
юанъёссэ, дэмланъёссэ
сётыны быгатӥз.
Ижысь Кызьпу арама городысь
удмуртъёслэн улоназы
бадӟым инты басьтэ. Вашкала
дырысен татын вӧсяськонъёс
ортчыло вылэм, нош 2002-
тӥ арысен — Гербер но Выль
шулдыръяськонъёс. Соин ик
«Удмурт Кенеш» огазеяськон
ялан дэмлалляз: паркез валаса
выльдоно. Кылем арын
Ижкар Думалэн тӧроез Олег
Гарин пусйиз, парк герӟаны
кулэ туала улонэз но, вашкалазэ
но.
Концепцилэн авторъёсыз,
Москваысь PRIDE огазеяськонлэн
ёзчиосыз Игорь Никонов
но Марина Гусенцова,
пусйизы: удмурт калыклэсь
куронъёссэ чаклан понна архитекторъёс
«Удмурт Кенеш»
огазеяськонэн валче ужазы.
Вераськонъёс нуиськизы
спорт огазеяськонъёсын но.
Парк Ижкарлэн шораз интыяськемын
уго. Соин татын
нылпиослы площадкаос но,
бызьылон сюресъёс но луыны
кулэ. Со сяна, карын улӥсьёс
пӧлын паркез маин тырмытоно
шуыса юалляськон ортчиз.
Вань ӵектонъёс вылэ пыкиськыса
ик, лэсьтэмын вал
концепция. Озьы ке но али
проект бордын ужан мынэ на,
дэмланъёс лыдэ басьтӥсько
на.
Кызьпу арамалэн быдӟалаез
9 гектарлэсь трос. Сое
выльдон 6 этапен ортчоз.
Нырысь ик пыдын ветлон
сюресъёсты тупатозы. Сюресъёс
югдытӥськозы, ӟусъёс,
жуг-жаг куянъёс, сяськаосын
клумбаос кылдозы. Коляскаен
ветлӥсьёслы уз люкетэ
Глазовын Иосиф Наговицынлы
сӥзем буре
ваён пул усьтӥзы.
Та ужез вырӟытӥзы «Удмурт
Кенеш» огазеяськонлэн
Глазовысь ёзэныз кивалтӥсь
Инесса Рябова но Иосиф Наговицынлэн
ӵыжы-выжыез,
тодосчи Валентина Хазиахметова.
Буре ваён пул интыямын
Киров нимо ульчаысь
Ижысь Кызьпу арамалэн тусыз таӵе луоз.
ни тубатъёс, котькытын пандусъёс
тупатэмын луозы.
Проект бордын ужасьёс
Кызьпу арамаын сылӥсь
дун-чылкыт из котырез но
чебертыны малпало. Котыраз
семьяен шутэтскон инты
лэсьтозы. Арамалэн вӧл-вӧл
палаз Шунды-Мумы скульптура
пуксёз. Со парклэн тужгес
чебер интыез луоз.
Собере ини пиналъёс понна
площадкаос лэсьтон борды
кутскозы. Соос удмурт шӧмо
пӧрмыны кулэ. 3-тӥ этапын
спортэн вырон объектъёс
кылдозы.
Кылдозы на сцена, амфитеатр,
сиён-юон вузан, мастер-классъёс
орчытъян павильонъёс.
Арамалэсь одӥг
люкетсэ егитъёслы висъяны
малпало. Адямиосты тросгес
кыскон понна медиацентр
кылдытоно, пе.
Арама вӧзысь Карлутка
шурлэсь ӧрзэ но чылкыт карыны,
чебертыны чакламын.
Суред вылын проект
али ик туж чебер адске:
аспӧртэмлыко, туала, удмурт.
Буре ваён
Тодамы возёмы И. Наговицынэз
11 номеро юрт вылын. Даур
талэсь азьвыл татын Иосиф
Наговицын кивалтэм улсын
Вотской ав тономной
область лэн революционной
ко митетэз ужаз.
Иосиф Наговицын — Глазов
ёросысь Омутница гуртысь
крестьян семьяын вордӥськем
удмурт пияш — быдэс кунмылы
тодмо политик, Вотской
автономной областьлэн
исполкомезлэн нырысетӥ
Нош тӥясьёс, саптасьёс уз
шеде-а? Кар администрациысь
кивалтӥсьёс оскытӥзы,
сыӵе адямиосын нюръяськон
понна парклэн котькуд сэрегаз
видеонаблюдение луоз.
Сюлэмшугъяськытэ мукетыз
но. Проектын чакламын
ӧвӧл парковка. Та ужпум но
одно ик сэрттэмын-пертчемын
луоз.
Нош валало меда проект
бордын тыршисьёс Гербер
праздниклэсь быдӟалазэ?
Кӧня татчы калык люкаське?
Ӝук пӧзьтон инты но
нимысьтыз кулэ. Та но лыдэ
басьтэмын, Герберлы тупась
площадка висъямын, шуиз
Марина Гусенцова.
Ижысь Кызьпу арамаез
умоятонъя кыӵе ке дэмланъёсты,
малпанъёсты вань
на ке, быгатӥськоды вотэс
пыр гожтыны: udmurt.city/
brizh. Отысь ик адӟыны быгатоды
концепцилэсь презентацизэ.
________
Наталья МИХАЙЛОВА
тӧроез, РСФСР-ысь соцобеспечениея
комиссар вал. Сое туж
ӟеч тодӥз но дунъяз И. Сталин.
Глазовын сяна, И. Наговицынэз
буре ваён пулъёс но синпелетъёс
вань Глазов ёросысь
Октябрьское гуртын, Ижысь
Советской ульчаын, Крымысь
Евпатория но Ялта городъёсын.
________
Елена ВАСИЛЬЕВА
Ӧтчамлы дасяськон
Конференциос ортчо
«Удмурт Кенеш» огазеяськон дасяське вань удмуртъёслэн
ӧтчамзылы. Со ортчоз 3-тӥ декабре Удмурт театрлэн
юртаз.
Та нуналъёсы ортчо «Удмурт Кенеш» огазеяськонлэн улосъёсысь
но ёросъёсысь ёзъёсызлэн йылпумъянъёслы но быръёнъёслы
сӥзем конференциоссы. Конференцизэс ортчытӥзы
ни Татарстанысь но Пермьысь удмуртъёс, Кияса, Пичи Пурга,
Дэбес, Сьӧлта ёросъёсын. Кытын ке конференциос ортчо, залъёсы
люкаськыса ик, кытын ке — онлайн.
Конференцие люкаськемъёс азьланезлы план сярысь но
кенешо, ӧтчаме делегатъёсты быръё.
Ӧтчаме оглом 400 пала адями пыриськоз. Макем тросгес
удмуртъёс уло ёросын — сокем тросгес делегатъёс лыктозы.
Делегатъёс но ӧтем куноос вуозы Татарстанысь, Башкортостанысь,
Марий Элысь, Пермь, Киров улосъёсысь, Москваысь,
Санкт-Петербургысь, Екатеринбургысь но мукет городъёсысь.
Премиос
Дунъялэ азьветлӥсьёсты
Удмурт калык понна трос лэсьтэм удмурт азьветлӥсьёс
пусйисько «Удмурт Кенеш» огазеяськонлэн Т. Борисов
нимо премиеныз.
Трокай Борисов — Удмурт автономиез кылдытӥсьёс
пӧлысь одӥгез, югдытӥсь, политик, врач. Трофим Кузьмич
«Гудыри» газетлэн валтӥсь редакторез луыса но ужаз, трос
гожъяськиз, удмурт кыллюкам кылдытӥз (отчы 15 сюрс кыл
пыриз!), калыкез но эмъяз, политика удысын но трос лэсьтӥз,
калыкез азьлане валтӥз.
Удмурт азьветлӥсьёсты Т. Борисов нимо премиен пусъён
ог 15 ар талэсь азьло кутскиз. Соку та премиез удмурт культурая
«Дэмен» огазеяськон сётэ вал. Но 2018-тӥ арын премилэн
данэз ӝутскиз: сое ас бурд улаз «Удмурт Кенеш» огазеяськон
басьтӥз. Пӧртэм аръёсы та премиен пусъемын вал «Удмурт
дунне» газетлэн коллективез, азьветлӥсьёс Светлана Смирнова,
Валерьян Никитин но мукетъёс.
Т. Борисов нимо премия сярысь положениез учкыны луоз
«Удмурт Кенешлэн» «ВКонтакте» группаысьтыз. Дэмланъёсты
ыстоно «Удмурт Кенеш» ассоциацие 15-тӥ ноябрёзь таӵе
адресъя: 426074, Ижевск, Октябрьлы 50 ар площадь, 15 номеро
юрт, 213, 215 номеро кабинетъёс.
Иворчиос, вазиське!
Арлы быдэ «Удмурт Кенеш» огазеяськон но шаерысьтымы
Журналистъёслэн огазеяськонзы яло журналистика
удысъя Э. Батуев нимо премилы конкурс.
Э. Батуев нимо премиен пусйисько удмурт калыклэсь
историзэ, культуразэ, мукет туж кулэ луись но сюлмаськытӥсь
ужпумъёссэ возьматӥсь журналистъёс.
Вожвылъяськонэ пыриськон понна нырысь ик гожтоно
дэмлан (ходатайство). Сыӵе вазиськонэн потыны быгатозы
газетъёслэн но журналъёслэн редакциоссы, лыдӟисьёслэн
нимынызы издательёс яке мукет огазеяськонъёс, телерадиокомпаниос,
творчествоя союзъёс но «Удмурт Кенеш» ассоциацилэн
ёзъёсыз.
Дэмлан вӧзы келяно на ужъёсты. Соос газет-журналъёсын
печатламын яке телерадиоэфире потэмын мед луозы 2020-тӥ
ар ӵоже. Келям ужъёслэн но передачаослэн лыдзы 5-лэсь трос
медаз луы.
Ходатайство вӧзы ватсано на дэмлано адямилэн журналистикаын
ужамез сярысь вакчияк ивортон. Отын пусъёно:
ку адями газет-журналъёсын печатласькыны яке электрон
СМИ-осын ужаны кутскиз, кытын, кыӵе газет-журналъёсын,
телерадиокомпаниосын ужаз.
Дэмланъёсты но ужъёсты ыстоно «Удмурт Кенеш» ассоциацие
15-тӥ ноябрёзь таӵе адресъя: 426074, Ижевск, Октябрьлы
50 ар площадь, 15 номеро юрт, 213, 215 номеро кабинетъёс.
Юалляськоно 8(3412) 68-53-29, 68-83-08 номеръёсъя.
________
Елена ВАСИЛЬЕВА