Soraglar

� Eger-de biz ahyrsoňy nähilidir bir usul arkaly öňden bellenilen bolsak, onda Hudaý üçin Öz
Sözüniň bize aýtmaklygynyň zerurlygy hem bolmazdy. Onda wagyz etmegiň hem zerurlygy
bolmazdy; emma Bibliýa öwüt-nesihatlarynda bolşy ýaly bularyň göz-görtele mysallarynda
hem Sözüň wagyz edilmesi arkaly erkekleriň we zenanlaryň halas bolma geljekdiklerini
görkezýär.”Gutulyş Sözüdir” (Resullaryň Işleri 13:26) adamlara gelmelidir.
� Bizi işlerimize laýykda höküm ederler (Ylham 22:12). Eger biziň ýagşy erkli işlerimiz halas
bolma üçin wajyp bolmaýan bolsa, onda näme üçin? Pawlus ýewreýleriň Taňrynyň
Sözünden ýüz döndermeleri bilen, özlerine ebedi ýaşaýyşyna mynasyp bolmadyk
hökmünde höküm edendiklerini aýtdy (Resullaryň Işleri 16:46). Olar özlerine höküm
çykarypdylar we Hudaý olara päsgel bermändir. Eger-de biz Hudaýyň käbir adamlaryň
halas bolmagyny we käbirleriň bolsa, ýazgarylmagyny öňünden belläp goýar diýsek, onda
Onuň käbir adamlara günäkär, käbirlerine bolsa, takwa bolmagy mejbur etdirýändigi
bolýandyr. Adam Atanyň günäsi zerarly „…ölüm hem ähli adamlara geçdi; çünki hemmesi
günä etdi” (Rimliler 5:12). Adam Atanyň günäsine çenli Hudaý olary birnäçe wagtlap
günäli bolmagy mejbur etmedi. Ynha şonuň üçin-de günäniň jezasy üçin adamlar ölýärler
(Rimliler 6:23).
� 1 Korintoslylar 10 babynda we şeýle hem Bibliýanyň başga köp ýerlerinde geçmişde
birwagt Hudaý bilen garyndaşlyk gatnaşyklarynda bolan, ýöne soňra ynanýanlar üçin
duýduryş ýaly, Ondan çetleşen adamlar barada aýdylýar. „Imandan çetleşmäniň”
(Galatýalylara 5:4) mümkindigi baradaky şol fakt halas bolma (gutulyş) sistemasynyň
ýoklugyny aňladýar, ýagny kalwinizmiň munda tassyklaýşy ýaly „birwagt halas bolan
(imanda gutulan) hemişe halas edilendir”. Eger-de biz hemişe hakyky öwgütlere ynansak,
diňe şonda biz halas edilip bilners (1 Timoteos 4:16).
� Isa Taňrynyň Sözlerine düşünmegiň biziň ýagşy erkimizň tagallalaryna hem birnäçe
derejede baglydygyny anyk aýdypdyr. „Okyjy düşünsin” (Matta 24:15). Şeýlelikde, biziň
özümiz söze düşünmäge çalyşýandyrys, hiç kim muny etmäge mejbur edenok. Bu sözleriň
we Isanyň ýygy-ýygydan gaýtalaýan sözleriniň arasynda meňzeşlik bardyr: „Kimde gulak
bar bolsa, goý eşitsin” ýa-da düşünsin. „Kimde gulak bar bolsa, goý eşitsin” diýlen sözler
Taňrynyň sözleriniň okalyşy bilen deňeşdirilýär. Taňrynyň Ruhy Onuň sözi arkaly örän
güýçli derejede aýan bolýandyr we şonuň üçin-de, Isa Onuň ruhlanan sözlerinde „Ruhyň
bardygyny” (Ýahýa 6:63) aýdyp bilipdir. Taňrynyň Ruhunyň adamyny bu söze boýun
bolmagy mejbur etmek üçin Onuň sözüne gelmezden, adama işleýşini göz öňüne geirmek
mümkin däldir.
� Hoş Habar özüniň ýaşaýyş sözüne seslenýän hemme adamlara şeýle diýýär: „Suwsan
gelsin. Dilän gelip, ýaşaýyş suwuny mugt alsyn” (Ylham 22:17).
Çekeleşme 7: «Mukaddes Ruh sylagyny alarsyňyz» (Resullaryň
Işleri 2:38)
Pentikost güni uly mähelläniň öňünde çykyş edip, Petrus adamlary suwa çokundyrylma we Mukaddes
Ruhuň peşgeşini almaga çagyryp, özüniň ýüzlenmesini 38-nji aýat bilen tamamlady. Resullaryň özleriniň
mähelle bilen dürli dillerde gepleşme peşgeşlerini ulanandyklary hem-de şeýle etmek bilen, özleriniň Ýoil
pygamberiň keramatly peşgeşleriň düşünjesi baradaky weliligini (Resullaryň Işleri 2:16-20) berjaý
edýändiklerini adamlara düşündirendikleri üçin Mukaddes Ruhunyň peşgeşine salgylandy. Petrusyň özüni
mähellede diňläp duran ysraýyllylara Ruhuň keramatly peşgeşlerini wada berendigini çak etmek bolar.
Mähelle butparazlardan bolman, eýsem iudeýlerden ybarat bolupdyr (Resullaryň Işleri 2:5). Ýoil
pygamberiň peşgeşleriň berilmesi baradaky weliligi ilki bilen iudeýlere degişli bolupdyr. Şonuň üçin Petrus
olara ýüzlenip, şeýle diýipdir: „Wada siziň özüňiz we çagalaryňyz üçindir” (Resullaryň Işleri 2:39). Mümkin
ol Ýoilyň weliligi boýunça Ruhuň ysraýyllylara we olaryň çagalaryna ýollanjakdygyny göz öňünde tutandyr
(Resullaryň Işleri 2:17; Ýoil 2:28-32 bilen deňeşdiriň). Bu ýerde şeýle hem bu keramatly peşgeşler baradaky
wadanyň diňe iki nesle, ýagny Petrusy diňlänlere we olaryň çagalaryna salgylanandyga kakdyrylan bolmagy
hem ähtimaldyr