Create successful ePaper yourself
Turn your PDF publications into a flip-book with our unique Google optimized e-Paper software.
FORSÍÐUGREIN • MAÐUR ÁRSINS<br />
„OKKUR LIGG<br />
Actavis stefnir að því að verða þriðja stærsta samheitalyfjafyrirtæki í heimi<br />
• Ávöxtun í Actavis hefur verið 59% á ári síðan árið 1999 • Yfirtökurnar eru<br />
orðnar 25 og ellefu þúsund starfsmenn Actavis eru að störfum í 32 löndum.<br />
Mikill hraði einkennir starfsemina. „Okkur liggur á,“ segir Róbert Wessman.<br />
Undraverður árangur!<br />
TEXTI: JÓN G. HAUKSSON<br />
Róbert Wessman, forstjóri Actavis Group, er<br />
maður ársins í íslensku atvinnulífi árið 2006,<br />
að mati dómnefndar Frjálsrar verslunar. Hann<br />
hlýtur þennan heiður fyrir einstakan árangur við að<br />
stækka fyrirtækið, athafnasemi, djarflega framgöngu<br />
við yfirtökur á erlendum fyrirtækjum og framúrskarandi<br />
ávöxtun til hluthafa á undanförnum árum.<br />
Þegar Róbert var ráðinn forstjóri lyfjafyrirtækisins<br />
Delta í Hafnarfirði árið 1999, þá þrítugur að aldri, störfuðu<br />
100 manns hjá fyrirtækinu. Núna eru ellefu þúsund<br />
starfsmenn Actavis að störfum í 32 löndum. Arðsemi<br />
Actavis hefur verið 59% á ári að jafnaði frá árinu 1999<br />
sem auðvitað er einstök ávöxtun. Yfirtökurnar eru<br />
orðnar 25 talsins í tíð Róberts, þar af þrjár á síðustu<br />
fjörutíu dögum.<br />
Actavis Group er núna fjórða stærsta samheitalyfjafyrirtækið<br />
í heimi. Stefnan er skýr; að verða það þriðja<br />
stærsta og ná 15 til 20% vexti á hverjum markaði.<br />
Áætlaðar heildartekjur á árinu 2006 eru 127 milljarðar<br />
króna, en í fyrra voru þær ríflega 50 milljarðar.<br />
Stjórn Actavis Group undir forystu Björgólfs Thors<br />
Björgólfssonar stjórnarformanns hefur staðið þétt við<br />
hlið Róberts og annarra stjórnenda.<br />
Actavis er það samheitalyfjafyrirtæki, sem hefur<br />
vaxið hvað hraðast í heiminum hin síðari ári, og<br />
greiningardeildir erlendra banka hafa sent frá sér yfirlýsingar<br />
um að Actavis sé eitt allra áhugaverðasta<br />
félagið á sviði samheitalyfja.<br />
Skotið við gluggann með gömlum sjónauka á þrífæti,<br />
hægindastól eftir þekktan bandarískan arkitekt og andlit<br />
af konu eftir Alfreð Flóka tekur sig vel út á stórri skrifstofunni.<br />
Útsýnið í allar áttir nýtur sín til hlítar. Úr þessari<br />
byggingu er horft lengra en sjónauki dregur.<br />
Þegar gluggað er í erlendar umfjallanir um Actavis<br />
hefur ör stækkun félagsins – úr 100 manns 1999 í ellefu<br />
þúsund 2006 – vakið athygli. „En það er ekki endalaust hægt<br />
að horfa á þessa fortíð,“ segir Róbert ákveðinn. „Nú er athyglin á<br />
framtíðarsýn okkar.“<br />
Þegar Róbert kom að Delta 1999, þá þrítugur að aldri, höfðu<br />
verið átök milli lykilstjórnenda, en þáverandi stjórn Delta áleit<br />
Róbert Wessman rétta manninn til að hnika rekstrinum í betra horf.<br />
Delta hafði byggt myndarlega verksmiðju sem reyndist dýrari en<br />
áætlað var. Það voru engir peningar til að greiða laun og Íslandsbanki<br />
hafði tekið fyrir lánaviðskipti við fyrirtækið.<br />
Deilurnar bárust jafnvel inn á fundinn þar sem átti að kynna Róbert<br />
fyrir starfsmönnum svo á endanum steig hann fram og kynnti sig<br />
sjálfur. Og það var ekki aðeins sýn nýja forstjórans sem fundarmenn<br />
fýsti að heyra af – hann var líka spurður hversu gamall hann væri og<br />
hvort hann væri giftur! En hvaða möguleika sá þá Róbert í upphafi?<br />
„Delta átti góða verksmiðju og fyrirtækið var gott í að þróa ný<br />
samheitalyf – þetta var vel gert en ég áleit að hægt væri að gera enn<br />
betur með því að þróa fleiri lyf og fjárfesta í verksmiðjum þar sem<br />
framleiðslukostnaðurinn væri lágur. Mitt fyrsta verk var að hóa<br />
saman lykilstarfsmönnum, við eyddum nokkrum dögum á Hótel<br />
Örk til að koma saman og kynna sýn fyrirtækisins: Ætlunin var að<br />
stækka erlendis, efla þróunarhlutann og fjárfesta í sölukerfi – síðan<br />
hefur þetta verið kapphlaup.<br />
Sjálfur trúði ég á að Delta gæti orðið öflugt alþjóðlegt félag en af<br />
því að horfurnar voru sannarlega ekki bjartar hafði ég ekki hátt um<br />
þetta í byrjun: þetta var einfaldlega of brjálæðislegt!<br />
Samkeppnin í samheitalyfjageiranum er gríðarleg, til þess að halda<br />
sjó er nauðsynlegt að vera með mörg lyf í þróun. Þegar ég tók við<br />
störfuðu tuttugu manns í lyfjaþróun, nú eru þeir 800, 330 verkefni<br />
20 F R J Á L S V E R S L U N • 1 1 . T B L . 2 0 0 6