You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
TÖLVUPÓSTURINN TIL ...<br />
ÓLAFUR INGI ÓLAFSSON,<br />
FRAMKVÆMDASTJÓRI ÍSLENSKU<br />
AUGLÝSINGASTOFUNNAR:<br />
Hve stór er auglýsingakakan og<br />
hvaða rými er fyrir nýja fjölmiðla?<br />
Takmörkuð auðlind<br />
„Sumir halda að auglýsingakakan sé ótakmörkuð<br />
auðlind og stækki eftir því sem fleiri fjölmiðlar vilji<br />
ná sér í bita af henni. Það er reyndar rétt að hún<br />
hefur stækkað nokkuð í uppsveiflu síðustu ára, en<br />
baráttan um molana verður samt sífellt harðari. Það<br />
þarf enga sérfræðinga til að benda okkur á stóru<br />
breytingarnar sem orðið hafa á fjölmiðlanotkun, við<br />
finnum þær og sjáum allt í kringum okkur. Sjónvarpsáhorf<br />
er margfalt dreifðara en áður og fólk<br />
ver sífellt styttri tíma til lesturs dagblaða þrátt fyrir<br />
stóraukið framboð, – en liggur á Netinu! Hlutur<br />
dagblaðanna í auglýsingakökunni er nú um 55%<br />
og er í sögulegu hámarki. Það er nánast útilokað að<br />
hugsa sér að sá hlutur stækki, jafnvel þótt blöðum<br />
fjölgi eins og útlit virðist vera fyrir. Hlutur ljósvakamiðlanna<br />
– um 35% – er heldur ekki líklegur til<br />
að stækka ef mið er tekið af þróuninni mjög víða um<br />
heim. Auglýsendur leggja allt kapp á að komast nær<br />
viðskiptavininum með það í huga að skilja og uppfylla<br />
þarfir hans betur á einstaklingsgrundvelli. Þar er<br />
veraldarvefurinn auðvitað þungamiðjan.“<br />
HEIÐRÚN JÓNSDÓTTIR,<br />
FRAMKVÆMDASTJÓRI STARFSÞRÓUNAR- OG SAMSKIPTASVIÐS<br />
EIMSKIPS:<br />
Hve margir eru starfsmenn Eimskips, og hvað þarf<br />
helst að samræma í starfsmannamálum á milli landa?<br />
Fjölgar í 8.500 starfsmenn<br />
„Til skamms tíma voru starfsmenn Eimskips rétt<br />
um eitt þúsund og hafði fjöldinn verið á því róli<br />
um nokkurt skeið. Sl. ár hefur Eimskip vaxið gríðarlega,<br />
bæði í innri vexti en þá ekki síður í ytri vexti.<br />
Stærstu kaup félagsins voru nú í nóvember þegar<br />
gengið var frá kaupum á kanadíska fyrirtækinu Atlas<br />
Cold Storage, sem er eitt stærsta fyrirtæki heims á<br />
sviði kæli- og frystiflutninga. Með kaupunum fjölgar<br />
starfsmönnum Eimskips í um 8.500. Jafnframt fer<br />
velta samstæðunnar á ári úr 20 milljörðum kr. í um<br />
100 milljarða kr. Það er því ljóst að mörg spennandi<br />
verkefni við samþættingu eru framundan, bæði<br />
á sviði starfsmannamála svo og á öðrum sviðum.<br />
Félagið á sér langa og glæsilega sögu og hér er mikið<br />
af góðu og hæfu starfsfólki, þannig að verkefnin<br />
framundan verða skemmtileg“.<br />
90 F R J Á L S V E R S L U N • 1 1 . T B L . 2 0 0 6