You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
FORSÍÐUGREIN • MAÐUR ÁRSINS<br />
lækkað. Okkar verð er 30 prósent lægra en verð frumlyfjanna en<br />
síðan gefum við afslátt inn í stóru keðjurnar tvær sem stýra lyfjasölunni<br />
hér. Tryggingastofnun miðar endurgreiðsluna við brúttóverðið,<br />
ekki brúttóverð að afslættinum frádregnum. Ein leiðin væri að banna<br />
afslátt rétt eins og er í Danmörku og Þýskalandi. Þar með gæti Tryggingastofnun<br />
lækkað sín útgjöld og við skilað okkar nettóverði út á<br />
markaðinn sem myndi þá ýta á aðra að lækka verðið.<br />
Það hefur verið vilji í þessa átt en ekkert orðið úr aðgerðum. Þrýstingurinn<br />
hefur verið á okkur. Einfaldast væri fyrir okkur að hætta að<br />
selja litlu lyfin. Sum þeirra gætum við framleitt erlendis fyrir lægri<br />
kostnað, en þetta eru gömul lyf og það kostaði milljónir að uppfæra<br />
skráningargögn, og töluverðan tíma tæki að fá slíka umsókn samþykkta.<br />
Við erum að vinna í þessu með yfirvöldum og vonumst til að ná<br />
því á næstu tólf mánuðum að eldri lyf, sem standa ekki undir framleiðslukostnaði,<br />
verði framleidd annars staðar og flutt inn. Svigrúm<br />
fengist til verðlækkunar ef við fengjum að sleppa við að endurþróa<br />
lyfin og gætum tekið út breska skráningu hér. Á Íslandi er lyfjaverð<br />
alltaf borið saman við það sem gerist í Danmörku sem er mjög erfiður<br />
markaður.<br />
Danmörk er með lægsta lyfjaverð í Evrópu – við seljum lyfin okkar<br />
oft á hærra verði í Mið- og Austur-Evrópu en þar. Hér á Íslandi má<br />
ekki breyta verði nema með leyfi, í Danmörku er heimilt að breyta<br />
verði á tveggja vikna fresti. Apótekin eiga alltaf að afgreiða ódýrasta<br />
lyfið sem þýðir að þeir sem eru með hærra verð selja ekki sín lyf. Allir<br />
eru því með lager af óseldum lyfjum sem eru síðan seld á lægra verði<br />
áður en geymsluþolið rennur út og menn eru kannski að selja þau á<br />
5-10 prósent kostnaðarverðs.<br />
Auðvitað er ekki hægt að una við slíkt til lengdar. Við erum bara<br />
að þrjóskast við að vera þarna því við erum þekkt nafn og ef maður<br />
fer út af markaðnum er erfitt að koma þar aftur inn. Við teljum að<br />
danski markaðurinn muni breytast, lyfjafyrirtækin verði færri þar. Við<br />
viljum láta reyna á hvort markaðurinn muni ekki rjátla þetta af sér<br />
með gjaldþrotum og sölum. Samkeppni er af hinu góða en allir þurfa<br />
að eiga fyrir salti í grautinn.<br />
Þetta er umræðan í hnotskurn og flókið að útskýra hverjar aðstæðurnar<br />
eru hér í raun. Við högnumst ekki óeðlilega hér heima en<br />
vildum gjarnan leita leiða til að fá aðra niðurstöðu á þeim lyfjum<br />
sem við töpum á. Við höfum beðið erlend fyrirtæki að skrá inn lyf<br />
hér þannig að við gætum tekið okkar lyf af markaðnum en þau hafa<br />
ekki haft á því áhuga. Íslenski markaðurinn er ofboðslega lítill, álíka<br />
stór og Árósar.<br />
Við höfum lagt fram tillögur sem við teljum að geti sparað<br />
hundruð milljóna en hér þarf samstillt átak yfirvalda og lyfjafyrir-<br />
F R J Á L S V E R S L U N • 1 1 . T B L . 2 0 0 6 33