You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ÁRAMÓTAVIÐTÖL<br />
GUÐMUNDUR HAUKSSON<br />
SPARISJÓÐSSTJÓRI HJÁ SPRON<br />
Starfsumhverfið þróast<br />
með jákvæðum hætti<br />
Árið 2006 er besta árið í sögu SPRON. Afkoman hefur aldrei verið<br />
betri og eigið fé hefur aukist mikið. Þjónustukannanir Capacent-<br />
Gallup hafa sýnt að SPRON býður bestu þjónustu sem veitt er<br />
meðal fjármálafyrirtækja á Íslandi og sambærilegar kannanir hafa<br />
sýnt að starfsánægja starfsfólks SPRON er jöfn því sem best gerist<br />
hjá fjármálafyrirtækjum á Íslandi. Viðurkenning Jafnréttisráðs<br />
kom skemmtilega á óvart en SPRON fékk þessa viðurkenningu<br />
fyrst fjármálafyrirtækja á Íslandi.<br />
Ég er bjartsýnn á næsta ár. Við erum með öflugt fyrirtæki sem<br />
byggir á frábærum hópi starfsmanna. Vaxtamunur er minni en<br />
hann hefur nokkru sinni verið og hins vegar lítið um vanskil. Í ljósi<br />
þess að SPRON hefur fjárfest mikið í markaðsverðbréfum mun<br />
þróun á verðgildi þeirra hafa mikil áhrif á afkomuna. Þessar fjárfestingar<br />
hafa skilað miklum tekjum og eiga vonandi eftir að gera<br />
það áfram.<br />
Allt okkar starfsumhverfi hefur þróast með jákvæðum hætti<br />
undanfarin ár og það er ekkert sem bendir til annars en að svo<br />
verði áfram. Það er mjög mikilvægt að Seðlabankinn lækki stýrivexti<br />
sína án þess að það leiði til mikillar veikingar krónunnar.<br />
Takist það þá næst mjúk lending í efnahagslífi okkar.<br />
Okkur hjónunum fæddist þriðja barnabarnið á árinu. Það er<br />
ómetanlegt að sjá lífið þróast áfram með þessum hætti. Árið var<br />
frábært, við hjónin fórum í gott sumarfrí og ferðuðumst til fjarlægra<br />
landa.<br />
Guðmundur Hauksson. „Við erum með öflugt fyrirtæki sem byggir á<br />
frábærum hópi starfsmanna.“<br />
Þórunn Guðmundsdóttir. „Miðað við að nýútskrifaðir lögfræðingar<br />
virðast í engum vandræðum með að fá vinnu er greinilegt að það er<br />
uppgangur í greininni.“<br />
ÞÓRUNN GUÐMUNDSDÓTTIR<br />
LÖGMAÐUR HJÁ LEX LÖGMANNSSTOFU<br />
Hlébarðinn hvarf á braut<br />
Eftirspurn eftir þjónustu okkar eykst sífellt og þess vegna fjölguðum<br />
við starfsfólki umtalsvert með tilheyrandi breytingum sem<br />
stækkun vinnustaðar hefur í för með sér. Ekki er ástæða til annars<br />
en bjartsýni hvað varðar næsta ár, enda virðast fyrirtæki og stofnanir<br />
í síauknum mæli gera sér grein fyrir mikilvægi góðrar og fallegrar<br />
lögmannsþjónustu. Miðað við að nýútskrifaðir lögfræðingar<br />
virðast í engum vandræðum með að fá vinnu er greinilegt að það<br />
er uppgangur í greininni.<br />
Það sem mér þykir minnisstæðast er þegar Héraðsdómur<br />
Reykjavíkur sýknaði alla sakborninga í Baugsmálinu svokallaða<br />
10. mars en ég var einn af verjendunum í því máli.<br />
Í einkalífinu er það minnisstæðast þegar ég lá ein að nóttu til<br />
fárveik af salmonellusýkingu í tjaldi úti í skógi í Kenýa. Hlébarði,<br />
sem kom að tjaldinu urrandi og krafsandi, hvarf snarlega á braut<br />
vegna þess að hann hafði hreinlega ekki lyst á mér, enda var ég<br />
ekki kræsileg.<br />
60 F R J Á L S V E R S L U N • 1 1 . T B L . 2 0 0 6