Create successful ePaper yourself
Turn your PDF publications into a flip-book with our unique Google optimized e-Paper software.
ÁRAMÓTAVIÐTÖL<br />
GUÐNÝ ARNA SVEINSDÓTTIR<br />
FRAMKVÆMDASTJÓRI FJÁRMÁLASVIÐS<br />
KAUPÞINGS<br />
Samþætting, sundmót<br />
og skuldabréf<br />
Árið hjá okkur í Kaupþingi var annasamt. Við lentum í mótbyr<br />
í upphafi árs en þrátt fyrir það er þetta metár hjá okkur hvað<br />
afkomu varðar. Við notuðum árið vel að mínu mati. Samþætting<br />
starfseminnar í þeim tíu löndum sem við störfum í var meginviðfangsefnið.<br />
Ef tiltaka á einhver sérstök atriði, þá myndi ég fyrst<br />
nefna skuldabréfaútboð bankans í Bandaríkjunum. Við sóttum 3<br />
milljarða Bandaríkjadala til þarlendra fagfjárfesta sem er stærsta<br />
skuldabréfaútboð okkar til þessa. Og svo ný afstaðið hlutafjárútboð<br />
þar sem við seldum hlutafé til erlendra fagfjárfesta fyrir 56<br />
milljarða.<br />
Næsta ár leggst vel í mig. Kaupþing hefur sýnt sterkan innri<br />
vöxt á árinu og við væntum þess að bankinn haldi áfram að vaxa<br />
og dafna. Erfiðleikarnir sem upp komu hjá íslensku bönkunum í<br />
upphafi ársins eru nú að baki og ég tel að allir bankarnir komi<br />
sterkari út úr þeim mótbyr. Fjármálageirinn er orðinn gríðarlega<br />
mikilvægur fyrir þjóðarbúið og mikilvægt að áframhaldandi vöxtur<br />
og þróun ríki hjá bönkunum og er ekkert sem bendir til annars en<br />
að svo verði.<br />
Smáatriði daglegs fjölskyldulífs koma mér sífellt gleðilega á<br />
óvart. Að fylgjast með dóttur minni vinna sigra á sundmótum,<br />
sjá dæturnar ná árangri í náminu og lífinu sjálfu eða að uppgötva<br />
heiminn með augum 2ja ára snáða eru ómetanleg augnablik.<br />
Guðný Arna Sveinsdóttir. „Samþætting starfseminnar í þeim tíu<br />
löndum sem við störfum í var meginviðfangsefnið.“<br />
Herdís Þorgeirsdóttir. „Að mínu mati stendur Tengslanet III-ráðstefnan<br />
síðastliðið vor upp úr hvað varðar jákvæða ásýnd í starfi<br />
skólans á árinu.“<br />
DR. JUR. HERDÍS ÞORGEIRSDÓTTIR<br />
PRÓFESSOR VIÐ LAGADEILDINA Á BIFRÖST<br />
Þátttakan sló öll<br />
aðsóknarmet<br />
Eins og kunnugt er hafa verið nokkrar hræringar í háskólasamfélaginu<br />
á Bifröst undanfarna mánuði sem lyktaði með því að nýr<br />
rektor hefur verið skipaður sem vonir eru bundnar við. Að mínu<br />
mati stendur Tengslanet III-ráðstefnan síðastliðið vor upp úr hvað<br />
varðar jákvæða ásýnd í starfi skólans á árinu. Ég hef staðið fyrir<br />
þessari ráðstefnu undanfarin þrjú ár en markmið hennar er að<br />
efla völd kvenna í samfélaginu með því að koma saman og ræða<br />
ýmsar hliðar jafnréttismála og álykta út frá þeim. Þátttakan sló öll<br />
aðsóknarmet.<br />
Í því samkeppnisumhverfi sem íslenskir háskólar starfa tel ég<br />
brýnt að Bifröst nái að efla akademíska ásýnd með markverðu<br />
framlagi á sviði fræða og rannsókna. Þá sé ég ýmis tækifæri í<br />
auknu alþjóðlegu samstarfi. Háskólar starfa í nokkuð erfiðu samkeppnisumhverfi.<br />
Því er mikilvægt fyrir minni skólana að leggja<br />
áherslu á sérstöðu sína og ágæti.<br />
Það sem setur mark sitt á árið eru alvarleg veikindi nánustu<br />
vinkonu minnar nú í lok árs en þau eru áminning um fallvaltleika<br />
tilverunnar. Ég er auðvitað ánægð með það að á árinu hafa komið<br />
út eftir mig nokkrar greinar og rit á alþjóðavettvangi og ég hef<br />
talað á ráðstefnum víða erlendis en það eru samtöl við vini og<br />
gleðistundir með krökkunum mínum sem standa upp úr.<br />
64 F R J Á L S V E R S L U N • 1 1 . T B L . 2 0 0 6