Create successful ePaper yourself
Turn your PDF publications into a flip-book with our unique Google optimized e-Paper software.
ÁRAMÓTAVIÐTÖL<br />
Ómar Ragnarsson. „Það sem er minnisstæðast er að fá að verða eitt af sandkornunum í Jökulsárgöngunni<br />
sem var fjölmennasta mótmælaaðgerð á Íslandi síðustu áratugina.“<br />
ÓMAR RAGNARSSON<br />
FRÉTTAMAÐUR<br />
Dýrmæt aðgerð<br />
Þetta var viðburðaríkasta ár Hugmyndaflugs ehf. frá stofnun þess<br />
1998. Meðal annars var unnið að myndatökum í fjórum löndum<br />
fyrir myndina „Brúarjökull og innrásirnar í Ísland“. Einnig var<br />
unnið að framkvæmd áætlunarinnar „Örkin“, flogið með fólk yfir<br />
Kárahnjúkasvæðið og gefinn út áttblöðungurinn „Íslands þúsund<br />
ár“ með Morgunblaðinu.<br />
Þótt staðan sé ögn skárri en hún hefur verið undanfarin ár er<br />
útlitið tvísýnt vegna þess hve verkefnin eru mörg, áhættusöm og<br />
erfið. Kaup Landsvirkjunar á mynd um Hálslón og þátttaka í gerð<br />
hennar vekur þó vonir um að þeir sem ekki hafa þorað að taka<br />
áhættu við að tengjast Hugmyndaflugi vegna „viðskiptaumhverfis“<br />
hafi nú betri aðstöðu til þess.<br />
Ef aðeins er tekin staða kvikmyndagerðar, sem er fyrirferðarmesta<br />
verkefni Hugmyndaflugs ehf., sýnist hún ætla að verða<br />
skárri almennt í þeirri grein á næsta ári en að undanförnu og<br />
munar þar mikið um aukinn stuðning ríkisvaldsins.<br />
Það sem er minnisstæðast er að fá að verða eitt af sandkornunum<br />
í Jökulsárgöngunni sem var fjölmennasta mótmælaaðgerð á<br />
Íslandi síðustu áratugina. Þessi aðgerð var dýrmæt þegar litið er<br />
til framtíðar vegna þess að þeir sem beita völdum, fjármagni og<br />
aðstöðu til hins ítrasta til að keyra í gegn slæm mál hafa gert það<br />
í þeirri vissu að Íslendingar séu seinþreyttir til aðgerða á borð við<br />
fjöldamótmæli.<br />
F R J Á L S V E R S L U N • 1 1 . T B L . 2 0 0 6 59
Change language