FV1106.indd

Tíminn er hraðfleygur fugl ...
Spakleg orð um „tímans þunga nið“ í tilefni áramóta
UMSJÓN: PÁLL BJARNASON
Sjá, dagar koma, ár og aldir líða,
og enginn stöðvar tímans þunga nið.
Davíð Stefánsson
___
Sjá, Tíminn, það er fugl sem flýgur hratt,
hann flýgur máski úr augsýn þér í kveld.
Omar Khayyam (þýð. Magnúsar Ásg.)
___
Í gær, einhvern tíma milli sólarupprásar
og sólarlags, töpuðust tvær dýrmætar
klukkustundir, skreyttar 60 gullnum mínútum.
Engum fundarlaunum er heitið því að
stundirnar eru endanlega glataðar.
Horace Mann
___
Ég hugsa aldrei um framtíðina. Hún kemur
nógu fljótt samt.
Albert Einstein
___
Sá sem heldur að ekki sé hægt að breyta
fortíðinni hefur enn ekki skrifað endurminningar
sínar.
Torvald Gahlin
Meira máli skiptir hvernig þú eyðir tímanum
en peningunum. Peninga sem glatast má
eignast aftur, en horfinn tími kemur aldrei
aftur.
David B. Norris
___
Þeir sem fara verst með tímann kvarta
mest undan því hvað hann er stuttur.
Jan de la Bruyére
___
Menn tala um að drepa tímann á meðan
tíminn er hægt og hljóðlega að drepa þá.
Dion Boucicault
___
Frestaðu aldrei til morguns því sem þú
getur gert í dag. – Ef þú nýtur þess í dag
geturðu gert það aftur á morgun.
James A. Michener
___
Gærdagurinn er reynsla, morgundagurinn er
von og dagurinn í dag fer í að finna bestu
leiðina þarna á milli.
John M. Henry
Við höfum oft verið minnt á að fara ekki á
mis við gullin tækifæri, en sum tækifæri urðu
gullin vegna þess að við misstum af þeim.
James M. Barrie
___
Við mælum ævi okkar ekki aðeins í árum.
Helstu viðburðir í lífi okkar eru oft besta
almanakið.
Benjamin Disraeli
___
Tíminn sjálfur hefur engar mælistikur.
Hann tilkynnir ekki áramót með hávaða.
Það er aðeins mannfólkið sem boðar nýtt
ár með glaumi og hvellum.
Thomas Mann
___
Lífið er ekki blaktandi kerti. Það er kyndill
sem við eigum að láta loga sem skærast
uns við afhendum það komandi kynslóðum.
Bernard Shaw
___
Svo rísa um aldir árið hvert um sig,
eilífðar lítið blóm í skini hreinu.
Mér er það svo sem ekki neitt í neinu,
því tíminn vill ei tengja sig við mig.
Jónas Hallgrímsson
8 F R J Á L S V E R S L U N • 1 1 . T B L . 2 0 0 6