Edukata shoqërore 4 - Albas

Libër mësuesi për tekstin “Edukata shoqërore 4”
Veprimtari zbatuese
Tema. Rruga për në shkollë
?
Objektivat: Në fund të orës së mësimit nxënësi duhet të jetë i aftë:
• Të gjejë vetë rrugën për në shkollë.
• Të thotë disa rregulla që kanë të bëjnë më vajtjen në shkollë dhe kthimin në shtëpi.
• Të diskutojë për 2 ose 3 shenja kryesore të tabelave të qarkullimit rrugor.
? Fjalë kyç: orientim në rrugë, shenja rrugore, labirint.
Mjetet:
tabela me shenja të qarkullimit rrugor, aparat fotografik, ngjyra, fletë të bardha.
?
Zhvillimi i mësimit
1. Veprimtari fillestare:
Fillohet ora me lojën labirint, secili nxënës ka përpara një fletë, ku gjen vetë rrugën që përshkojnë fëmijët për
të vajtur në shkollë.
Shpallen fitues nxënësit që kanë zgjidhur drejt dhe shpejt lojën.
2. Organizohet me nxënësit një ekskursion ku nxënësit do të vëzhgojnë:
- rrugën nga shkolla në shtëpi të një nxënësi,
- objektet gjatë rrugës,
- tabelat e qarkullimit rrugor,
- automjetet që shohin gjatë rrugës,
- ecjen e këmbësorëve,
- rreziqet e mundshme.
Bëhen foto të ecjes së nxënësve gjatë rrugës dhe të objekteve të ndryshme.
U drejtohen nxënësve pyetjet:
- Si orientoheni për të mos ngatërruar rrugën?
- Cilat janë disa nga rregullat e ecjes në rrugë?
- Cilat janë 2-3 shenja kryesore të qarkullimit rrugor?
3. Vizatoni dhe ngjyrosni në fletë të bardhë disa shenja të qarkullimit rrugor.
146