7 INFORMATIKA - Shtepia Botuese Uegen

Fig. 1. Kompjuteri Fig. 2. Monitori CRT Fig. 3. Monitori LCD
Gabimisht shumë njerëz mendojnë se kompjuteri është ajo pjesë që nxjerr
të dhënat në ekran, gjë që s’është e vërtetë.
Kjo pjesë quhet monitor. Kompjuteri vetë është një
kuti. Megjithatë, i gjithë kompleksi i hardware-it
(kompjuteri dhe monitori, p.sh.) mund të quhen
kompjuter.
Ekzistojnë disa tipe monitorësh. Ai që paraqitet në
figurën 2 është i tipit CRT (Cathod Ray Tube), që
harxhon më shumë energji se një lloj tjetër, i
quajtur LCD (Liquid Crystal Desplay) që sot është më popullor. Por
monitorët CRT punojnë më shpejt, gjë që i bën ata më të mirë për lojrat e
shpejta sepse lëvizjet lënë më pak gjurmë. Monitorët LCD janë më të
hollë se ata CRT, por janë më të shtrenjtë.
Monitorët klasifikohen dhe nga madhësia e tyre që matet sipas
diagonales dhe shprehet në inch
(njësi matëse gjatësie: 1 inch ose 1" është afërsisht e barabartë me 2.5 cm).
Monitorët janë të madhësive të ndryshme 12", 14", 15", 17", 19, 21", 29"
etj.. Gjithashtu karakterizohen dhe nga fakti se sa e sheshtë është
sipërfaqja e ekranit: sa më i gjërë dhe sa më i sheshtë të jetë ekrani aq më
i mirë është ai.
Monitorët nuk janë e vetmja mënyrë në të cilën kompjuteri e nxjerr
rezultatin që ta shohë përdoruesi. Paisje tjetër shumë e përdorshme për
të marrë rezultatin nga kompjuteri është printer-i.
13