7 INFORMATIKA - Shtepia Botuese Uegen

Settings të cilën e gjeni në Control Panel. Kjo mund të varet dhe nga
Sistemi i Operimit. Shiriti i titullit (title bar) i kontrollit ka dy butona
dhe dy etiketa. Butoni i majtë të lejon të zgjedhësh muajin e mëparshëm
duke klikuar butonin me shigjetë majtas. Etiketa e majtë paraqet muajin
e selektuar. Etiketa e djathtë paraqet vitin e datës së shfaqur . Butoni i
djathtë për të kaluar tek muaji pasardhës.
Kalendari mund të konfigurohet për të shfaqur më shumë se një muaj.
Këtu kemi një shembull që paraqet dy muaj:
Nëqoftëse kontrolli paraqet më shumë se një muaj, butonat majtas e
djathtas të spostojnë majtas e djathtas sipas listës së muajve me një muaj,
por në ekran shfaqen gjithëmonë dy muaj, p. sh.: Kur klikoni mbi
butonin me shigjetë majtas në ekran shfaqen dy muajt June dhe July.
Kur klikoni mbi butonin me shigjetë djathtas në ekran shfaqen dy muajt
August dhe September (duke iu referuar figurës së mësipërme).
Për të selektuar ndonjë muaj të vitit në vazhdim, mund të klikoni mbi
emrin e një muaji, që shfaqet në listën e muajve dhe kjo të lejon të klikosh
muajin e dëshiruar.
Për të zgjedhur një vit mund të klikoni mbi numrin e vitit. Kjo ndryshon
etiketën e vitit në një buton spin:
Për të ndryshuar vitin mund të klikoni mbi shigjetat lart e poshtë të
butonit spin. Kur butoni spin është i shfaqur në ekran mund të përdorni
edhe tastet e tastjerës për të rritur ose zvogëluar vlerën.
47