7 INFORMATIKA - Shtepia Botuese Uegen

Simbolet
Disa taste kanë dy ose tre simbole:
1. duke shtypur vetëm tastin përfton simbolin poshtë në të majtë;
2. duke mbajtur të shtypur tastin Shift përfton simbolin që është lart.
3. nëse mban të shtypur tastin Alt Grafik përfton simbolin poshtë në
të majtë (nëse është i pranishëm).
• Tastet speciale
Enter shërben për të kaluar në kryeradhë; gjithashtu është edhe tast i
konfirmimit apo i pranimit.
Tasti ndarës (space-hapësirë) lë një hapësirë të bardhë mes dy shkronjave
Cancel (Anullo) shërben për të fshirë shkronjën në të djathtë të kursorit.
Backspace shërben për të fshirë shkronjën në të majtë të kursorit.
Caps Lock i shtypur një herë aktivizon bllokun e shkronjave të mëdha:
nga ky çast çdo shkronjë e shtypur do të dalë e madhe. Për të çaktivizuar
mjafton që të shtypet sërish Caps Lock.
Shigjetat e drejtimit shërbejnë për t’u zhvendosur brenda një mjedisi
(për shembull, në një tekst Word apo në një tabelë Excel).
Home shërben për të çuar kursorin në fillim të një rreshti të tekstit.
End shërben për ta çuar kursorin në fund të një rreshti të tekstit.
4.9 Software-i Typing
Çështjet që do të trajtohen:
• Pamjet e ndryshme të dritares Typing
• Tre nivelet e vështirësisë
• Seksionet A, B, C, D, E të dritares Typing
• Pozicioni bazë i dorës së majtë
• Pozicioni bazë i dorës së djathtë
• Pozicioni i rregullt i trupit
Familjarizohuni me pamje të ndryshme të dritares Typing që shfaqet në
ekran.
87